Swĩi 3:23 - Bibeli Gusunɔn Gari

²³ Tɑ rɑ n wurɑmɑmɔwɑ bururu bɑɑtere. Win bɔrɔkiniru tɑ kpɑ̃.

Swĩi 3:23 ပူးပေါင်းရင်းမြစ်များ

Womusu 146:6

Wiyɑ u wɔllu kɑ tem kuɑ kɑ nim wɔ̃ku kɑ ye yɑ wɑ̃ɑ ye kpuro sɔɔ. U sɑ̃ɑwɑ ɡemɡii sere kɑ bɑɑdommɑɔ.

Womusu 30:5

I Yinni Gusunɔ siɑro kɑ womusu, bɛɛ be i kɑ nùn yɔ̃ dim dim. I win yĩsi dɛɛrɑ te wɔlle suo.

Womusu 36:5

Kɔ̃sɑ u rɑ n bwisikumɔ win kpin yerɔ. Yen swɑɑ sɔɔrɑ u rɑ n mɑɑ wɑ̃ɑ. U ku rɑ ye dukɑ suuri.

Womusu 36:6

Adɑmɑ Yinni Gusunɔ, wunɛn durom mu wɑ̃ɑwɑ sere kɑ wɔllɔ. Wunɛn bɔrɔkiniru tɑ mɑɑ sɔ̃ɔsire sere kɑ ɡuru winɔ.

Womusu 89:33

kɑɑ tu sɛɛyɑsiɑwɑ kɑ bokuru ten mɛm nɔɔbu sɑrirun sɔ̃.

Yɑribu 34:6

Mɑ u sɑrɑ Mɔwisin wuswɑɑɔ u nɔɔɡiru suɑ u nɛɛ, nɛnɑ Yinni Gusunɔ durom kɑ wɔnwɔnduɡii. Nɑ rɑ sɑku n sere mɔru ko. Nɛn tɔn ɡeeru kɑ nɛn bɔrɔkiniru tɑ kpɑ̃.

Esɑi 33:2

Yinni Gusunɔ, ɑ bɛsɛn wɔnwɔndu wɑɑwo, wunɑ sɑ yĩiyɔ. A de ɑ n sɑ̃ɑ bɛsɛn dɑm bururu bɑɑtere. Kpɑ ɑ sun fɑɑbɑ ko sɑnɑm mɛ sɑ wɑ̃ɑ nɔni swɑ̃ɑru sɔɔ.

Sofoni 3:5

Adɑmɑ kɑ mɛ, Yinni Gusunɔ u wɑ̃ɑ kɑ bɛɛ. U sɑ̃ɑwɑ ɡemɡii, u ku rɑ weesu ko. U rɑ win ɡem terɑsiewɑ siribu sɔɔ bururu bɑɑtere. U ku rɑ tɔ̃ru bure. Adɑmɑ tɔn kɔ̃sobɑ bɑ kɔ̃sɑ mɔ̀, sekurɑ kun bu mɔ̀.

Heberu 10:23

Su de sɑ n yĩiyɔ bini nɛni dim dim bìn seedɑ sɑ dimɔ, domi Gusunɔ wi u nɔɔ mwɛɛru kuɑ u sɑ̃ɑ nɑɑnɛɡii.

Heberu 6:18

Ǹ n mɛn nɑ, ɡɑri yiru wɑ̃ɑ yi yi ǹ kɔsirɔ, yì sɔɔ Gusunɔ kun kpɛ̃ u weesu ko. Yiyɑ yi sun dɑm kɑ̃ɑ ɡem ɡem bɛsɛ be sɑ kuku yeru kɑsu, kpɑ su kɑ wɑ su mwɑ ye sɑ yĩiyɔ bɑ sun yiiye.