Swĩi 2:5 - Bibeli Gusunɔn Gari

⁵ Yinni Gusunɔ u Isirelibɑ wɔri nɡe yibɛrɛ. U bu mwɑ nɡe dɔ̃ɔ u ben dii ɡeenu di. U ben ɡbɑ̃rɑnu kɔsukɑ, mɑ u derɑ wuri yi nɔɔrɑmɔ bɑɑmɑ ben suunu sɔɔ.

Swĩi 2:5 ပူးပေါင်းရင်းမြစ်များ

Sinɑmbu II 25:9

Mɑ u Yinni Gusunɔn sɑ̃ɑ yeru dɔ̃ɔ mɛni kɑ Isirelibɑn sinɑ kpɑɑru, kɑ diɑ ye yɑ ɡesi wɑ̃ kpuro. Ye yɑ sɑ̃ɑ dɑmɡibun diɑ u dɔ̃ɔ mɛniwɑ.

Yoobu 13:24

Mbɑn sɔ̃nɑ ɑ mɑn biru kisi, mɑ ɑ mɑn kuɑ nɡe wunɛn yibɛrɛ.

Yoobu 19:11

U kɑ mɑn mɔru bɑrɑ. Mɑ u mɑn kuɑ nɡe win yibɛrɛ.

Womusu 89:40

A wunɛn ɑrukɑwɑni kusiɑ ye ɑ rɑɑ kɑ wunɛn sɔm kowo bɔkuɑ. Mɑ ɑ win sinɑ furɔ kɑsɑ kuɑ.

Womusu 89:41

A win ɡbɑ̃rɑnu kpuro kɔsukɑ, mɑ ɑ win kuku yenu sururɑ.

Esɑi 29:2

Adɑmɑ kon nun wɔri, kpɑ wuri kɑ weeweenu nu nɔɔrɑ wunɛ sɔɔ, kpɑ ɑ ko nɡe nɛn yɑ̃ku yeru.

Esɑi 63:10

Adɑmɑ sɑ nùn seesi sɑ win Hunde nuki sɑnkɑ. Yen sɔ̃nɑ u kuɑ bɛsɛn yibɛrɛ mɑ u kɑ sun tɑbu kuɑ.

Yeremi 15:1

Yinni Gusunɔ u Yeremi sɔ̃ɔwɑ u nɛɛ, nɑ ǹ nɛn tɔmbu Yudɑbɑ wɔnwɔndu kuɑmmɛ, bɑɑ Mɔwisi kɑ Sɑmuɛli bɑ̀ n nɑ nɛn mi, bu kɑ mɑn suuru kɑnɑ ben sɔ̃. Kon bu sɔ̃wɑ n nɛɛ, bu doonɔ nɛn wuswɑɑn di.

Yeremi 21:4

ɑmɛniwɑ Gusunɔ Isirelibɑn Yinni u ɡeruɑ. U nɛɛ, wee, u koo de ben tɑbu kowo be bɑ kɑ Bɑbilonin sinɑ boko kɑ win tɔmbu sɑnnɑmɔ wuun biruɔ bu duki su bu wurɑ wuu ɡe sɔɔ.

Yeremi 30:14

Be bɑ rɑɑ kɑ bɛɛ ɑrukɑwɑni bɔkuɑ, bɑ ǹ mɑɑ bɛɛ kɑsu, domi nɑ bɛɛ sowɑ nɡe mɛ bɑ rɑ yibɛrɛ so. Nɑ bɛɛ sɛɛyɑsiɑ kɑ dɑm bɛɛn durum dɑbinun sɔ̃.

Yeremi 52:13

Mɑ u Yinni Gusunɔn sɑ̃ɑ yeru dɔ̃ɔ mɛni, kɑ sinɑ kpɑɑru, kɑ yɛnu si su tie Yerusɑlɛmu mi kpuro, kɑɑ sere ɡere dɑmɡibun yɛnusu?

Swĩi 2:2

U Isirelibɑn wɑ̃ɑ yenu kɑ ben wusun ɡbɑ̃rɑnu kpuro sururɑ kɑ mɔru wɔnwɔndu sɑri. Ni wee nu wɔrukɑ temɔ. U ben bɑndu kɑ ten wiruɡibun dɑm buɑ.

Swĩi 2:4

U bu win tɛndu ɡɑwe kɑ win nɔm ɡeu. Mɑ u bu yĩisi nɡe yibɛrɛ, u kpuro ɡo ye yɑ ɡeɑ sɑ̃ɑ ben nɔni sɔɔ. U derɑ win mɔru yɑburɑ nɡe dɔ̃ɔ ben wɑ̃ɑ yenɔ Yerusɑlɛmuɔ.

Esekiɛli 2:10

Nɔmu ɡe, ɡɑ tire te kusiɑ win wuswɑɑɔ. Bɑ tu yoruɑwɑ berɑ yiru kpuro. Gɑri yi yi yoruɑ tire te sɔɔ, yiyɑ weeweenu kɑ wuri kɑ nuku sɑnkirɑnun ɡɑri.

Sɑmuɛli I 28:16

Sɑmuɛli u nɛɛ, mɑ ɑ yɛ̃ Yinni Gusunɔ u nun deri u kuɑ wunɛn yibɛrɛ, mbɑn sɔ̃nɑ ɑ mɑn bikiɑmɔ ye kɑɑ ko.