Swĩi 2:3 - Bibeli Gusunɔn Gari

³ U Isirelibɑn dɑm kpuro buɑ win mɔru bɑkɑn sɔ̃. U tii bɔkuɑ sɑnɑm mɛ yibɛrɛbɑ bɑ bu wɔrim nɑ. Mɑ u Isireli be dɔ̃ɔ kɑre, mɑ dɔ̃ɔ wi, u bu di beri berikɑ.

Swĩi 2:3 ပူးပေါင်းရင်းမြစ်များ

Bɑndun Gɑri II 34:25

Domi bɑ nùn biru kisi bɑ dɑ bɑ bũnu turɑre dɔ̃ɔ dokeɑmmɛ. Mɑ bɑ win mɔru seeyɑ kɑ bwɑ̃ɑroku ni bɑ tii kuɑ bɑ sɑ̃ɑmɔ. Yen sɔ̃, u ko n kɑ tem mɛn tɔmbu mɔru sɑ̃ɑwɑ, yɑ ǹ suremɔ.

Yoobu 16:15

Nɑ sɑɑki deewɑ, mɑ nɑ nɛn wiru tuɑ wisi nuku sɑnkirɑnun sɔ̃.

Womusu 132:17

Miyɑ u koo Dɑfidi wi u ɡɔsɑn dɑm sosi, kpɑ u win bweserun ɡoo swĩi, u n sɑ̃ɑ nɡe fitilɑ.

Womusu 74:11

Mbɑn sɔ̃nɑ ɑ wunɛn nɔmu kuruɑ. A ɡu dɛmiɔ kpɑ ɑ bu kɑm koosiɑ.

Womusu 75:10

Adɑmɑ nɛ, nɑ ǹ nɔɔ mɑrimɔ. Kon Gusunɔ Yɑkɔbun Yinni tɔmɑwɑ kɑ womusu.

Womusu 75:5

A nɛɛ, be bɑ tii sue bu ku mɑɑ tii suɑ. A mɑɑ tɔn kɔ̃sobu sɔ̃ɔmɔ bu tii suɑbu derio.

Womusu 79:5

Yinni Gusunɔ, sere sɑɑ yerɑ̀ wunɛn mɔru ko n seewɑ. Sere sɑɑ yerɑ̀ kɑɑ n nisinu seewɑ nɡe dɔ̃ɔ.

Womusu 89:24

Kɑɑ win yibɛrɛbɑ kpeerɑsiɑ. Kɑɑ be bɑ nùn tusɑ sɛ̃suku.

Womusu 89:46

A derɑ u tɔkɔ kuɑ fuuku, mɑ ɑ nùn sekuru doke.

Esɑi 1:31

Wi u tɑmɑɑ u dɑm mɔ u koo ko nɡe yɑkɑsu, kpɑ win kookoosu su n sɑ̃ɑ nɡe dɔ̃ɔ buri, kpɑ u dɔ̃ɔ mwɑɑrɑ kɑ win kookoo si sɑnnu. Goo sɑri wi u koo kpĩ u bu fɑɑbɑ ko.

Esɑi 42:25

Yen sɔ̃nɑ u kɑ sun mɔru bɑrɑ too. U derɑ bɑ sun tɑbu wɔri kɑ dɑm. Tɑbu sun sikerenɛ nɡe dɔ̃ɔ. Bu sun di, ɑdɑmɑ sɑ ǹ tubɑ. Sɑ ǹ mɑm lɑɑkɑri kue.

Yeremi 21:14

Kon bu sɛɛyɑsiɑ nɡe mɛ ben kookoosu nɛ. Kon ben sinɑ kpɑɑru dɔ̃ɔ mɛni te bɑ bɑnɑ kɑ dɑ̃ɑ ye bɑ mɔ̀ sɛduru, kpɑ ye yɑ kɑ tu sikerenɛ kpuro yu dɔ̃ɔ mwɑɑrɑ.

Yeremi 4:4

Geemɑ, i bɑnɡo sɑ̃ɑ wɑsi sɔɔ. Adɑmɑ n tiewɑ i mɑn tii wɛ̃, kpɑ nɛn mɔru yu ku rɑɑ yɑburɑ nɡe dɔ̃ɔ, wi ɡoo kun kpɛ̃ u ɡo, domi bɛɛn nuku kɔ̃suru tɑ kpɑ̃.

Yeremi 48:25

Bɑ Mɔɑbubɑn dɑm buɑ, mɑ ben yiiko yɑ kpɑ. Yinni Gusunɔwɑ u yeni ɡeruɑ.

Yeremi 7:20

Yen sɔ̃nɑ nɑ nɛɛ, kon de nɛn mɔru yu wɔri nɛn sɑ̃ɑ yee te sɔɔ, kɑ tɔmbu sɔɔ, kɑ yɑɑ sɑbenu sɔɔ, kɑ dɑ̃ɑɔ kɑ sere mɑɑ dĩɑnu sɔɔ. Nɛn mɔru ye, yɑ ko n ɡbisimɔwɑ, yɑ ǹ suremɔ.

Swĩi 1:13

Sɑɑ wɔllun di n sɑ̃ɑre u dɔ̃ɔ suremɑ nɛn wɑsi sɔɔ, mɑ u mɑn di. U nɛn nɑɑsu yinɑ bɛriɑ. Mɑ u mɑn surɑ ɡbɑru ɡbɑrɑ u mɑn kpɛ̃ɛ nuku sɑnkirɑnu sɔɔ sere kɑ bɑɑdommɑɔ.

Swĩi 4:11

Yinni Gusunɔ u win mɔru kpuro sɔ̃ɔsi, u Yerusɑlɛmu dɔ̃ɔ sɔ̃re mɑ yɑ dɔ̃ɔ mwɑɑrɑ sere kɑ yen kpɛɛkpɛɛkuɔ.

Esekiɛli 13:13

Yen sɔ̃, wee ye nɛ, Yinni Gusunɔ nɑ ɡerumɔ. Nɑ nɛɛ, kon de nɛn mɔru yu woo bɔkɔ seeyɑ, kpɑ ɡuru bɑkɑ yu nɛ. Kpɑ ɡuru kpenu nu nɛ kɑ dɑm nu ɡɑ̃ɑnu kpuro ɡo.

Esekiɛli 7:14

Wee bɑ kɔbɑ so bɑ sɔɔru kpɑ. Adɑmɑ ben ɡoo kun tɑbu seemɔ, domi nɛ, Yinni Gusunɔn mɔru seewɑ be tɔn dɑbi ten sɔ̃.

Nɑhumu 1:6

Wɑrɑ u koo kpĩ u yɔ̃rɑ u win mɔru mɑ. Wɑrɑ u koo kɑ win mɔru ɡɑbirinɑ. Win mɔru yɑ rɑ pusiwɑ nɡe dɔ̃ɔ. Wee yɑ kpenu bɛsukumɔ.

Luku 1:69

Mɑ u kɑ sun Fɑɑbɑ kowo dɑmɡii nɑɑwɑ wi u sɑ̃ɑ Dɑfidi win sɔm kowon sikɑdobu.

Luku 3:17

U sɑrɑtiɑ nɛni win nɔmɑɔ, u kɑ win ɑlikɑmɑ sɑrɑ, kpɑ u ye doke birɑru sɔɔ. Adɑmɑ sɑko si su tie u koo su doke dɔ̃ɔ sɔɔ wi u ku rɑ ɡbi.

Sɔ̃ɔsiru 32:22

Win mɔru koo se nɡe dɔ̃ɔ yɑrɑ kpɑ yi ɡɑ̃ɑnu kpuro dɔ̃ɔ mɛni tem sɔɔ, kpɑ yu mɑɑ dɑ sere tem sɔɔ sɔɔwɔ. Kpɑ yu ɡuunun kpɛɛkpɛɛkunu dɔ̃ɔ mɛni.