Swĩi 2:22 - Bibeli Gusunɔn Gari

²² A nɛn yibɛrɛ be nɑ nɑsie sokusiɑ bɑɑmɑn di bɑ mɛnnɑ nɡe tɔ̃ɔ bɑkɑrun sɑɑ. Yen dɔmɑ te, ɡoo kun kisire. Goo kun mɑɑ seewe bii be nɑ kĩ nɑ seeyɑ sɔɔ. A derɑ nɛn yibɛrɛ u bu ɡo kpuro.

Swĩi 2:22 ပူးပေါင်းရင်းမြစ်များ

Bɑndun Gɑri II 36:17

Yerɑ Yinni Gusunɔ u derɑ Nɛbukɑnɛsɑɑ, Bɑbilonin sinɑ boko u bu tɑbu wɔri, mɑ u ben ɑluwɑɑsibɑ tɑkobinu sɔkurɑ u ɡo ben sɑ̃ɑ yerɔ. U ǹ ɡoo deri, ɑluwɑɑsibɑ kɑ wɔndiɑbɑ kɑ durɔ tɔkɔnu. Be kpurowɑ Yinni Gusunɔ u bɛri win nɔmɑɔ.

Womusu 31:13

Tɔmbɑ mɑn duɑri nɡe wi u ɡu. Nɑ sɑ̃ɑwɑ nɡe ɡɑ̃ɑ ni bɑ kɔ̃.

Esɑi 28:19

Bɑ ko n bɛɛ tɑɑkumɔwɑ sɑɑ kpuro nɡe mɛ̀n nɔɔ bɑ sɑrɑmɔ. Domi bɑ ko n dɑ sɑrewɑ bururu bɑɑtere kɑ mɑɑ sɔ̃ɔ sɔɔ kɑ wɔ̃kuru, kpɑ i bɛrum soorɑ ì n ben lɑbɑɑri nuɑ.

Yeremi 11:11

Yen sɔ̃nɑ nɛ, Yinni Gusunɔ, kon de kɔ̃sɑ yu bu wɔri. Bɑ ǹ yɑriɔ kɔ̃sɑ yen min di. Bɑ koo mɑn nɔɔɡiru sue ɑdɑmɑ nɑ ǹ bu swɑɑ dɑkimɔ.

Yeremi 14:19

Yinni Gusunɔ, ɑ bɛsɛ Yudɑbɑ biru kisiwɑ mɑm mɑm? A sun bwɛ̃rɑ yɑrɑwɑ? Mbɑn sɔ̃nɑ ɑ sun sɛɛyɑsiɑmɔ ɑ mɛɛrɑ mɔ̀ ye yɑ ǹ bɛkurɑmɔ. Sɑ bɔri yɛndu mɑrɑ, ɑdɑmɑ sɑ ǹ tu wɑ. Sɑ mɑrɑ ɑ sun bɛkiɑ, ɑdɑmɑ nɔni swɑ̃ɑru sɔɔrɑ sɑ wɑ̃ɑ.

Yeremi 20:3

Adɑmɑ yen sisiru bururu, Pɑsuri u Yeremi dɑ̃ɑ ye wunɑ. Mɑ Yeremi u nùn sɔ̃ɔwɑ u nɛɛ, Yinni Gusunɔ kun mɑɑ nun sokumɔ Pɑsuri. Yĩsi ten tubusiɑnɑ bɔri yɛndɑ kɑ nun sikerenɛ. Adɑmɑ tɛ̃, u nun sokumɔ Mɑɡɔɔ Misɑbibu. Yen tubusiɑnɑ nɑndɑbu kɑ nun sikerenɛ.

Yeremi 21:7

Yen biruwɑ u koo sinɑ boko Sedesiɑsi, Nɛbukɑnɛsɑɑ nɔmu bɛriɑ, wi kɑ win sɔm kowobu kɑ win tɔn be bɑ wɑ̃ɑ wuu ɡe sɔɔ, be bɑ ɡesi yɑrɑ bɑrɑrun di, kɑ tɑbun di, kɑ ɡɔ̃ɔrun di. Be kpurowɑ Nɛbukɑnɛsɑɑ u koo ɡo. U ǹ ben wɔnwɔndu mɔ̀. U ǹ mɑɑ ɡoo derimɔ.

Yeremi 44:7

Yen sɔ̃ tɛ̃, ɑmɛniwɑ nɛ, Gusunɔ Isirelibɑn Yinni, nɛ wi nɑ wɔllu kɑ tem mɔ, nɑ ɡeruɑ. Nɑ nɛɛ, mbɑn sɔ̃nɑ i tii durum bɑkɑ yeni sɔbimɔ ye i kɑ derɑ bɑ kurɔbu kɑ durɔbu kɑ bibu kɑ bii wɛ̃ɛnu ɡo sere ɡoo kun mɑɑ tie.

Yeremi 46:5

Adɑmɑ mbɑ Yinni Gusunɔ u sere wɑɑmɔ yɑ koorɑmɔ ben suunu sɔɔ. U nɛɛ, be wee bɑ mwiɑ kpɑnɑ bɑ biruku yirɑ wurɑmɔ. Bɑ ben tɑbu durɔbu kɑmiɑ. Mɑ bɑ duki mɔ̀, bɑ ǹ mɑm biru mɛɛrimɔ. Tem mɛ kpuro mu bɛrum duurɑ.

Yeremi 6:25

Goo u ku rɑɑ yɑri u dɑ swɛɛɔ. Goo ku rɑɑ mɑɑ yɑri u dɑ yɑkɑsɔ. Domi yibɛrɛbɑ bɑ wɑ̃ɑ mi, bɑ ben tɑkobibɑ nɛni. Tɔmbɑ bɛrum soore bɑɑmɑ.

Sɔ̃ɔsiru 28:18

I ǹ bibu mɑrumɔ bɑ n dɑbi. Bɛɛn dĩɑnu nu ǹ koorɑmɔ bɛɛn ɡbeɑɔ. Mɛyɑ bɛɛn kɛtɛbɑ kɑ bɛɛn yɑ̃ɑnu kɑ bonu nu ǹ mɑrurɑmɔ nu dɑbiɑ.