Swĩi 2:2 - Bibeli Gusunɔn Gari

² U Isirelibɑn wɑ̃ɑ yenu kɑ ben wusun ɡbɑ̃rɑnu kpuro sururɑ kɑ mɔru wɔnwɔndu sɑri. Ni wee nu wɔrukɑ temɔ. U ben bɑndu kɑ ten wiruɡibun dɑm buɑ.

Swĩi 2:2 ပူးပေါင်းရင်းမြစ်များ

Yoobu 2:3

Yinni Gusunɔ u mɑɑ Setɑm bikiɑ u nɛɛ, ɑ nɛn sɔm kowo Yoobu wɑ mi? Goo sɑri wi u kɑ nùn weenɛ hɑnduniɑ sɔɔ. U rɑ mɑn mɛm nɔɔwɛ. U sĩimɔ ɡem sɔɔ. U ku rɑ kɔ̃sɑ kɑ̃. U mɑɑ mɑn nɑsie. Yerɑ ɑ swɑɑ kɑsu n kɑ nùn kɔ̃sɑ kuɑ u kun mɑn ɡɑ̃ɑnu kue?

Womusu 21:9

Sinɑ boko, dɔmɑ te kɑɑ tii sɔ̃ɔsi, kɑɑ wunɛn yibɛrɛbɑ nɔmɑ turi, kɑɑ be bɑ nun tusɑ nɔmɑ turi, kɑɑ bu doke dɔ̃ɔ bwee bɑkɑru sɔɔ. Yinni Gusunɔn mɔru yɑ sɑ̃ɑwɑ nɡe dɔ̃ɔ boko. Dɔ̃ɔ wi, u koo bu mwɑ.

Womusu 74:7

Bɑ wunɛn sɑ̃ɑ yee te dɔ̃ɔ mɛni. Bɑ tu disi doke te, te tɑ wunɛn yĩsiru sɔɔwɑ.

Esɑi 22:5

Tɔ̃ɔ teni sɔɔ, Gusunɔ, wɔllu kɑ tem Yinni u derɑ sɑ nɔni sɔ̃ɔre, sɑ burisinɛ, sɑ wɑ̃ɑ biti sɔɔ wɔwɑ yeni sɔɔ mi bɑ rɑ kɑ̃si. Bɑ ɡɑni kɔsukumɔ mɑ sɑ nɔɔɡiru sue sɑ fɑɑbɑ kɑnɑmɔ ɡuunun berɑ ɡiɑ.

Esɑi 23:9

Gusunɔ, wɔllu kɑ tem Yinniwɑ u ye yi, u kɑ be bɑ tii sue kɑwɑ tem mɛ sɔɔ, kpɑ bu be bɑ rɑɑ bɛɛrɛ wɛ̃ɛmɔ ɡɛm.

Esɑi 25:12

U koo ɡbɑ̃rɑ dɑmɡii ni nu ɡunu surɑ u kɔsuku nu ɡɔsiɑ tuɑ.

Esɑi 26:5

U koo wuu ɡe ɡɑ wɑ̃ɑ wɔllɔn tɔmbu kpeerɑsiɑ, kpɑ u ɡen tii kɔsuku u surɑ sere temɔ,

Esɑi 27:11

Dɑ̃ɑ yɑ̀ n ɡberɑ bɑ rɑ ye bɔɔriwɑ kpɑ tɔn kurɔbu bu kɑ doo ko. Wee nɛn tɔn be, bɑ ǹ bwisi mɔ. Yen sɔ̃nɑ Yinni Gusunɔ wi u bu tɑkɑ kuɑ u ǹ bu wɔnwɔndu kue, u ǹ mɑɑ bu durom kue.

Esɑi 43:28

Yen sɔ̃nɑ nɑ yɑ̃ku kowobu yɑrɑ nɛn sɑ̃ɑ yerun di, mɑ nɑ bɛɛ Isirelibɑ, Yɑkɔbun bweseru kɑm koosiɑ, nɑ bɛɛ sekuru doke.

Esɑi 47:6

Wee, nɑ rɑɑ kɑ nɛn tɔmbu mɔru kuɑ, nɑ bu ɡɑrisi nɡe disi, be, be bɑ sɑ̃ɑ nɛɡibu. Mɑ nɑ nun bu nɔmu bɛriɑ. Adɑmɑ ɑ ǹ bu wɔnwɔndu kue, sere ɑ mɑm ben durɔ tɔkɔnu yoru diisiɑ.

Yeremi 13:14

Kpɑ bu soonɑ bu kɔsukunɑ, bɑɑbɑ kɑ bii, u ǹ ben ɡoon wɔnwɔndu mɔ̀. Gɑ̃ɑnu mɑɑ sɑri ni nu koo nùn yɔ̃rɑsiɑ sere u kɑ be kpuro ɡo.

Yeremi 19:15

Gusunɔ Isirelibɑn Yinni wi u wɔllu kɑ tem mɔ u nɛɛ, wee u koo de kɔ̃sɑ ye u rɑɑ ɡeruɑ kpuro yu Yerusɑlɛmu kɑ yen wuu si su tie deemɑ. Domi sin tɔmbɑ swɑɑ tɑɑyɑ, bɑ ǹ win ɡere nuɑ.

Yeremi 21:7

Yen biruwɑ u koo sinɑ boko Sedesiɑsi, Nɛbukɑnɛsɑɑ nɔmu bɛriɑ, wi kɑ win sɔm kowobu kɑ win tɔn be bɑ wɑ̃ɑ wuu ɡe sɔɔ, be bɑ ɡesi yɑrɑ bɑrɑrun di, kɑ tɑbun di, kɑ ɡɔ̃ɔrun di. Be kpurowɑ Nɛbukɑnɛsɑɑ u koo ɡo. U ǹ ben wɔnwɔndu mɔ̀. U ǹ mɑɑ ɡoo derimɔ.

Yeremi 5:10

Nɛ, Yinni Gusunɔ, kon bu yibɛrɛbɑ suremɑ, be, be bɑ sɑ̃ɑ nɡe nɛn resɛm ɡbɑɑru. Bɑ koo ten kɑrɑ surɑ kpɑ bu ten dɑ̃ɑ kɑ̃ɑsi bɔɔri yi yi ǹ sɑ̃ɑ nɛɡii. Adɑmɑ bɑ ǹ ɡbɑɑ te kɑm koosiɑmɔ kpuro.

Swĩi 2:17

Yinni Gusunɔ u kuɑ ye u ɡɔ̃ru doke. U yibiɑ ye u ɡeruɑ sɑɑ yellun di u nɛɛ, u koo ko. Wee u wunɛ Yerusɑlɛmu kɑm kuɑ. U ǹ wunɛn wɔnwɔndu wɑ. U derɑ yibɛrɛbɑn nukurɑ dorɑ wunɛn sɔ̃, domi u bu dɑm kɑ̃.

Swĩi 2:21

Wee bukurobu kɑ bibun ɡonu nu kpĩ swɛɛ sɔɔ. Bɑ nɛn wɔndiɑbɑ kɑ ɑluwɑɑsibɑ ɡo tɑbu sɔɔ. A derɑ bɑ bu sɑkirɑ wɔnwɔndu sɑri, wunɛn mɔrun sɑɑ.

Swĩi 2:5

Yinni Gusunɔ u Isirelibɑ wɔri nɡe yibɛrɛ. U bu mwɑ nɡe dɔ̃ɔ u ben dii ɡeenu di. U ben ɡbɑ̃rɑnu kɔsukɑ, mɑ u derɑ wuri yi nɔɔrɑmɔ bɑɑmɑ ben suunu sɔɔ.

Swĩi 3:43

A tii beruɑ wunɛn mɔru bɑkɑn sɔ̃, mɑ ɑ sun nɑɑ ɡirɑ ɑ ɡo wɔnwɔndu sɑri.

Esekiɛli 5:11

Wee bɑ nɛn sɑ̃ɑ yeru disi doke kɑ ben bũnu kpuro. Yen sɔ̃, sere kɑ nɛn wɑ̃ɑru nɛn tii kon bu biru kisi, nɑ ǹ mɑɑ bu mɛɛrimɔ kɑ wɔnwɔndu.

Esekiɛli 7:4

Nɑ ǹ bɛɛ mɛɛrimɔ kɑ wɔnwɔndu. Nɑ̀ n bɛɛ sɛɛyɑsiɑmɔ, nɑ ǹ tii nɛnumɔ. Kɔ̃sɑ ye i kuɑ yerɑ kon bɛɛ kɔsiɑ. Kpɑ i ɡiɑ mɑ nɛnɑ nɑ sɑ̃ɑ Yinni Gusunɔ.

Esekiɛli 7:9

Nɑ ǹ bɛɛ mɛɛrimɔ kɑ wɔnwɔndu. Nɑ̀ n bɛɛ sɛɛyɑsiɑmɔ, nɑ ǹ mɑɑ tii nɛnumɔ. Kɔ̃sɑ ye i kuɑ yerɑ kon bɛɛ kɔsie kpɑ i ɡiɑ mɑ nɛ, Yinni Gusunɔwɑ nɑ bɛɛ sɛɛyɑsiɑ.

Esekiɛli 8:18

Nɛn tii kon bu ye bɑ kuɑ kɔsie kɑ nɛn mɔru bɑkɑ. Nɑ ǹ bu mɛɛrimɔ kɑ wɔnwɔndu. Bɑ koo wuri kowɑ kɑ dɑm bu kɑ mɑn somiru kɑnɑ. Adɑmɑ nɑ ǹ bu swɑɑ dɑkimɔ.

Esekiɛli 9:10

Yen sɔ̃nɑ nɛn tii nɑ̀ n bu sɛɛyɑsiɑmɔ, nɑ ǹ bu mɛɛrimɔ kɑ wɔnwɔndu. Nɑ ǹ mɑɑ tii nɛnumɔ. Kon bu ben dɑɑ kɔsiewɑ ye bɑ kuɑ.

Misee 5:14

Nɛn mɔru koo se, kpɑ n nɛn dɑm sɔ̃ɔsi bwese ni nu ǹ mɑn mɛm nɔɔwɑmmɛn mi.

Mɑlɑsi 1:4

Esɑun bibun bweseru tɑ̀ n nɛɛ, bɑ ten wusu kɔsukɑ, ɑdɑmɑ tɑ koo sin bɑnsu seeyɑ, nɛ, Gusunɔ wɔllu kɑ tem Yinni, kon nɛɛ, bɑɑ tɑ̀ n su bɑnɑ, kon wure n su surɑ. Kpɑ bu ten tem soku nuku kɔ̃suruɡibun tem, ben tii mɑɑ bwese te nɛ, Yinni Gusunɔ nɑ kɑ mɔru sɑ̃ɑ bɑɑdommɑ.

Mɑteu 18:33

N dɑɑ weenɛwɑ wunɛn tii ɑ mɑɑ wunɛn sɔm kowosi wi wɔnwɔndu kuɑ nɡe mɛ nɑ nun kuɑ.

Korinti II 10:4

Domi tɑbu yɑ̃ɑ ni sɑ kɑ tɑbu mɔ̀, nu ǹ sɑ̃ɑ hɑnduniɑɡinu, nu sɑ̃ɑwɑ Gusunɔn tɑbu yɑ̃ɑ dɑmɡinu ni nu rɑ ɡbɑ̃rɑnu suriri. Sɑ tɔnun bwisiku torɑruɡinu kpeerɑsiɑmɔ,

Sɔ̃ɔsiru 28:52

Bɑ koo bɛɛ tɑrusiwɑ bɑɑmɑ mi i wɑ̃ɑ kpuro sere bɛɛn ɡbɑ̃rɑ dɑmɡii ni i nɑɑnɛ sɑ̃ɑ nu kɑ wɔruku. Bɑ koo bɛɛ tɑrusiwɑ tem mɛ kpuro sɔɔ mɛ Yinni Gusunɔ u bɛɛ wɛ̃.

Sɔ̃ɔsiru 32:22

Win mɔru koo se nɡe dɔ̃ɔ yɑrɑ kpɑ yi ɡɑ̃ɑnu kpuro dɔ̃ɔ mɛni tem sɔɔ, kpɑ yu mɑɑ dɑ sere tem sɔɔ sɔɔwɔ. Kpɑ yu ɡuunun kpɛɛkpɛɛkunu dɔ̃ɔ mɛni.