Swĩi 2:17 - Bibeli Gusunɔn Gari

¹⁷ Yinni Gusunɔ u kuɑ ye u ɡɔ̃ru doke. U yibiɑ ye u ɡeruɑ sɑɑ yellun di u nɛɛ, u koo ko. Wee u wunɛ Yerusɑlɛmu kɑm kuɑ. U ǹ wunɛn wɔnwɔndu wɑ. U derɑ yibɛrɛbɑn nukurɑ dorɑ wunɛn sɔ̃, domi u bu dɑm kɑ̃.

Swĩi 2:17 ပူးပေါင်းရင်းမြစ်များ

Sinɑmbu I 9:7

kon bɛɛ wunɑ tem mɛ nɑ rɑɑ bɛɛ wɛ̃ kpuron di. Kpɑ n mɑɑ dii te nɑ wunɑ nɛnɛm nɛn sɔ̃ mi yinɑ mɑm mɑm kpɑ i sekuru wɑ bwese tukunun wuswɑɑɔ nu bɛɛ yɛ̃ɛ.

Womusu 35:24

Gusunɔ nɛn Yinni, ɑ sɑ̃ɑwɑ ɡemɡii, ɑ mɑn sirio, kpɑ bu ku rɑɑ mɑɑ nuku dobu ko nɛn sɔ̃,

Womusu 35:26

A de be, be bɑ nuku dobu mɔ̀ nɛn wɑhɑlɑn sɔ̃, be kpuro bu sekuru wɑ sɑnnu sɑnnu. A de be, be bɑ mɑn seesimɔ, bu sekuru wɑ tɑ n kpɑ̃.

Womusu 38:16

Yinni Gusunɔ, wunɛ sɔɔrɑ nɛn yĩiyɔbu wɑ̃ɑ. Gusunɔ nɛn Yinni, ɑ de ɑ mɑn wisi.

Womusu 89:42

A derɑ be bɑ sɑrɔ mi, bɑ win ɑrumɑni ɡurɑ. Mɑ bɑ nùn sekuru doke.

Womusu 89:43

A win yibɛrɛbɑ dɑm kɑ̃. A derɑ bɑ nuku dobu kuɑ.

Esɑi 14:29

bɛɛ Filisitibɑ kpuro i ku nuku dobu ko yèn sɔ̃ boku te tɑ rɑɑ bɛɛ soomɔ tɑ bɔɔrɑ. I n yɛ̃ mɑ ì n wɑɑ ɡɔsɔbu sɑrɑri, i ko i surɔkɔru ɡirɑri.

Yeremi 18:11

Yen sɔ̃, ɑ Yudɑbɑ kɑ Yerusɑlɛmuɡibu sɔ̃ɔwɔ ɑ nɛɛ, nɛ, Yinni Gusunɔ nɑ sɔɔru mɔ̀ n kɑ bu kɔ̃sɑ kuɑ. Nɑ yen kpunɑɑ yi. Ǹ n mɛn nɑ, ben bɑɑwure u win dɑɑ kɔ̃sɑ derio u wurɑmɑ nɛn mi.

Yeremi 4:28

Yen sɔ̃, tem mu ko n ɡɔɔ wooru sɔ̃, kpɑ wɔllu tu yɑm tĩrɑ. Domi u himbɑ yi kɔ, u ǹ mɑɑ biru wurɔ.

Yeremi 40:3

Wee, tɛ̃, ye u ɡeruɑ mi, yɑ koorɑ yèn sɔ̃ i nùn torɑri, i ǹ win ɡere mɛm nɔɔwɛ.

Swĩi 1:5

Yen yibɛrɛbɑ bɑ ye tɑbu di, mɑ bɑ wɑ̃ɑ bɔri yɛndu sɔɔ. Yinni Gusunɔwɑ u ye nuku sɑnkirɑ ni kpɛ̃ɛ yen torɑ dɑbinun sɔ̃. Wee yibɛrɛbɑ bɑ yen bibu kpɑrɑ bɑ kɑ dɑ bɑ yoru diisiɑmɔ.

Swĩi 2:8

Yinni Gusunɔ u ɡɔ̃ru doke u Yerusɑlɛmun ɡbɑ̃rɑnu kɔsuku. Wee u nu kɔsukɑ kpuro mɑm mɑm. Yɑ kuɑ wɔnwɔndu bɑɑmɑ kpuro. Gbɑ̃rɑnu yiru ye kpuro yɑ kuɑ bɑnsu.

Swĩi 3:43

A tii beruɑ wunɛn mɔru bɑkɑn sɔ̃, mɑ ɑ sun nɑɑ ɡirɑ ɑ ɡo wɔnwɔndu sɑri.

Swĩi 4:11

Yinni Gusunɔ u win mɔru kpuro sɔ̃ɔsi, u Yerusɑlɛmu dɔ̃ɔ sɔ̃re mɑ yɑ dɔ̃ɔ mwɑɑrɑ sere kɑ yen kpɛɛkpɛɛkuɔ.

Esekiɛli 5:11

Wee bɑ nɛn sɑ̃ɑ yeru disi doke kɑ ben bũnu kpuro. Yen sɔ̃, sere kɑ nɛn wɑ̃ɑru nɛn tii kon bu biru kisi, nɑ ǹ mɑɑ bu mɛɛrimɔ kɑ wɔnwɔndu.

Esekiɛli 8:18

Nɛn tii kon bu ye bɑ kuɑ kɔsie kɑ nɛn mɔru bɑkɑ. Nɑ ǹ bu mɛɛrimɔ kɑ wɔnwɔndu. Bɑ koo wuri kowɑ kɑ dɑm bu kɑ mɑn somiru kɑnɑ. Adɑmɑ nɑ ǹ bu swɑɑ dɑkimɔ.

Esekiɛli 9:10

Yen sɔ̃nɑ nɛn tii nɑ̀ n bu sɛɛyɑsiɑmɔ, nɑ ǹ bu mɛɛrimɔ kɑ wɔnwɔndu. Nɑ ǹ mɑɑ tii nɛnumɔ. Kon bu ben dɑɑ kɔsiewɑ ye bɑ kuɑ.

Dɑniɛli 9:12

Nɡe mɛyɑ ɑ derɑ wunɛn ɡɑri yi koorɑ yi ɑ nɛɛ, kɑɑ bɛsɛ kɑ bɛsɛn wiruɡibu kuɑ. A derɑ Yerusɑlɛmu yɑ nɔni swɑ̃ɑru wɑ tèn bweseru bɑ ǹ wɑɑre ɡɑm.

Misee 2:3

Yen sɔ̃nɑ Yinni Gusunɔ u nɛɛ, wee nɑ kɔ̃sɑn sɔɔru mɔ̀ tɔn ben sɔ̃. Bɑ ǹ mɑɑ kpɛ̃ bu ye dukɑ suuri. Mɛyɑ bɑ ǹ mɑɑ kpɛ̃ bu sĩ bɑ n wĩiru yɔ̃rɑsie dɑm dɑm. Domi tɔ̃ɔ te tɑ wee mi, tɔ̃ɔ kɔ̃surɑ.

Sofoni 1:2

Yinni Gusunɔ u nɛɛ, kon kpuro kpeerɑsiɑ hɑnduniɑ sɔɔ.

Sɑkɑri 1:6

Aɑwo, bɑ ɡu. Kɑ mɛ, woodɑ kɑ ɡɑri yi nɑ nɛn sɔmɔ be wɛ̃, bɑ yi bɛɛn bɑɑbɑbɑ sɔ̃ɔwɑ, mɑ bɑ ɡɔ̃ru ɡɔsiɑ bɑ nɛɛ, nɛ Gusunɔ wɔllu kɑ tem Yinni nɑ bu kuɑ nɡe mɛ nɑ ɡɔ̃ru doke ben dɑɑ kɔ̃sɑn sɔ̃.