Swĩi 2:11 - Bibeli Gusunɔn Gari

¹¹ Nɛn nɔni yɑndɑmɔ wurin sɔ̃. Nɛn wɑsi ɡbisimɔ mɑ nɛn tororɑ kɑre. Domi nɛn tɔmbɑ kɑm kuɑ. Wee, bii wɛ̃ɛnu kɑ bibu bɑ wɑ̃ɑ Yerusɑlɛmun swɛɛ sɔɔ, bɑ ǹ mɑɑ dɑm mɔ.

Swĩi 2:11 ပူးပေါင်းရင်းမြစ်များ

Yoobu 16:13

Win sɛ̃ɛnu mɑn kooro bure. U nɛn ɡɑbu swii yɑburɑ kɑ wɔnwɔndu sɑriru. Mɑ u nɛn yɛ̃sɔ kɔrɑ u yɑri temɔ.

Yoobu 30:27

Nɛn bwɛ̃rɑ ku rɑ kpunɛ yèn sɔ̃ nɑ kɑ wɑhɑlɑ ɡɑbirinɑmɔ.

Womusu 119:82

Nɑ kɑsu n wunɛn nɔɔ mwɛɛru ɡiɑ sere nɛn nɔni dɑm dwiiyɑ. Mɑ nɑ tii sɔ̃ɔmɔ nɑ mɔ̀, sere sɑɑ yerɑ̀ kɑɑ mɑn nukuru yɛmiɑsiɑ.

Womusu 22:14

Bɑ mɑn kukirisimɔ nɡe ɡbee sunɔ ɡe ɡɑ yɑɑ kɑsu.

Womusu 31:9

A mɑn wɔrɑ yibɛrɛbɑn nɔmɑn di. Wee ɑ derɑ nɑ tii mɔ.

Womusu 38:8

Domi bɑrɑrɑ nɛn wɑsi kpuro mwɑ. Yin ɡɑm mɑɑ sɑri mi n bwɑ̃ɑ do.

Womusu 6:7

Yinni Gusunɔ, weeweenu derɑ nɑ ǹ dɑm mɔ. Wɔ̃kuru bɑɑtere nɛn nɔni yĩresu rɑ n kokumɔwɑ. Wɔ̃kuru bɑɑtere nɛn kpin yerɑ rɑ n wɑɑrewɑ.

Womusu 69:3

Nɑ nummɔ yironu sɔɔ, nɑ ǹ kpɛ̃ n yɔ̃rɑ. Nɑ wɔri nim bwerɔ mɑ nim torɑ kɑ mɑn doonɔ.

Esɑi 22:4

Yen sɔ̃, nɑ bɛɛ sɔ̃ɔmɔ, i ɡɛsiro nɛn bɔkun di, i mɑn derio n swĩ. I ku tii nɔwiɑ ko i nɛɛ, i ko i mɑn nukuru yɛmiɑsiɑ nɛn tɔmbun nɔni swɑ̃ɑrun sɔ̃.

Esɑi 38:14

Wee, nɑ rɑ n wuri mɔ̀wɑ nɡe kpɑɑru bɑniku ɡe ɡɑ yɔ̃ɔwɑ. Kpɑ nɑ n weeweenu mɔ̀ nɑ n kukirimɔ nɡe totobɛrɛru. Nɑ wɔllu twɛ̃ɛ kɑ wɔnwɔndu. Yinni Gusunɔ, nɑ wɑ̃ɑ nuku sɑkirɑ bɑkɑnu sɔɔ. A mɑn somiɔ.

Esɑi 51:20

Wunɛn bibu bɑ dɑm biɑ nɛ Gusunɔ, wunɛn Yinnin mɔrun sɔ̃. Mɑ bɑ kpĩ kpĩ swɛɛ sɔɔ nɡe nɛm ni bɑ tɑɑ mwɑ.

Yeremi 14:17

Yeremi u nɛɛ, Gusunɔ u mɑn sɔ̃ɔwɑ n tɔn be sɔ̃ n nɛɛ, nɛn nɔni yĩresu su kokumɔ bururu kɑ yokɑ, su ǹ yɔ̃re. Domi wɑhɑlɑ bɑkɑ yɑ nɛn tɔmbu deemɑ. Bɑ bu so bɑ mɛɛrɑ kuɑ.

Yeremi 4:19

Yeremi u nɛɛ, nɛn nuki mɑn wuririmɔ mɑ nɛn tororɑ kɑrɑ. Nɑ ǹ kpɛ̃ n nɔɔ mɑri wɑhɑlɑ yenin sɔ̃. Nɑ tɑbun kɔbɑ nɔɔmɔ. Bu wee.

Yeremi 44:7

Yen sɔ̃ tɛ̃, ɑmɛniwɑ nɛ, Gusunɔ Isirelibɑn Yinni, nɛ wi nɑ wɔllu kɑ tem mɔ, nɑ ɡeruɑ. Nɑ nɛɛ, mbɑn sɔ̃nɑ i tii durum bɑkɑ yeni sɔbimɔ ye i kɑ derɑ bɑ kurɔbu kɑ durɔbu kɑ bibu kɑ bii wɛ̃ɛnu ɡo sere ɡoo kun mɑɑ tie.

Yeremi 8:19

Wee, nɑ nɛn tɔmbun weeweenu nɔɔmɔ bɑɑmɑn di. Bɑ mɔ̀, Yinni Gusunɔ u sɑriwɑ Siɔniɔ? Yen sunɔ u ǹ mɑɑ wɑ̃ɑwɑ mi? Mɑ Yinni Gusunɔ u wisɑ u nɛɛ, mbɑn sɔ̃nɑ bɑ nɛn mɔru seeyɑ bɑ bũnu sɑ̃ɑmɔ nìn bwɑ̃ɑrokunu bɑ wɑɑmɑ tɔn tukobun min di.

Swĩi 1:11

Wee, Yerusɑlɛmuɡibu kpuro bɑ wɑsire bɑ dĩɑnu kɑsu ni bɑ koo di. Mɑ bɑ kɑ ben ɡɑ̃ɑ ɡeenu dĩɑ ni kɔsinɑ bu wɑ bɑ n kɑ wɑ̃ɑ. Yerusɑlɛmu yɑ nɛɛ, Yinni Gusunɔ, ɑ mɛɛrio nɡe mɛ nɑ wɔnwɔndu soore.

Swĩi 1:16

Yen sɔ̃nɑ nɑ wurɑ mɔ̀, nɑ nɔni yĩresu kokumɔ. Wi u koo mɑn nukuru yɛmiɑsiɑ u mɑn wɑ̃ɑru wesiɑ, u mɑn deri. Nɛn bibɑ nuki sɑnkire, domi yibɛrɛ u mɑn kɑmiɑ.

Swĩi 1:20

Yinni Gusunɔ, ɑ nɛn nɔni swɑ̃ɑru mɛɛrio, nɛn bwɛ̃rɑ kun kpĩ. Nɑ nuki sɑnkire too, domi nɑ ǹ nun mɛm nɔɔwɛ. Tɔɔwɔ tɑbu sun dimɔ. Mɑ wuun sɔɔwɔ ɡɔɔ wɑ̃ɑ.

Swĩi 5:17

Gisɔ sɑ nuki sɑnkire, mɑ sɑ nɔni yĩresu kokumɔ,

Luku 23:29

Domi n wee, sɑnɑm sisi ye bɑ koo nɛɛ, doo nɔɔruɡibɑ wĩrobu kɑ bèn nukurɑ kun mɑrure, kɑ bèn bwɑ̃ɑ kun bii bɔm kɛ̃ɛre.

Sɑmuɛli I 30:4

Bɑ kɑ Dɑfidin tiin kurɔbu yiru ye doonɑ, Akinɔɑmu Yisirɛɛliɡii, kɑ Abiɡɑli, wi u rɑɑ sɑ̃ɑ Nɑbɑlin kurɔ Kɑɑmɛliɔ. Yerɑ Dɑfidi kɑ win tɔmbu bɑ wuri kuɑ sere bɑ ǹ mɑɑ dɑm tie.