Swĩi 2:10 - Bibeli Gusunɔn Gari

¹⁰ Wee, yen ɡuro ɡurobu bɑ sɔ̃ temɔ bɑ nɔsu mɑɑri. Bɑ tii torom wisi winɔ, bɑ sɑɑki deewɑ nuku sɑnkirɑnun sɔ̃. Mɑ yen wɔndiɑbɑ bɑ sɔ̃ bɑ tuke.

Swĩi 2:10 ပူးပေါင်းရင်းမြစ်များ

Sɑmuɛli II 13:19

Ye Tɑmɑɑ u yɑrɑ, yerɑ u tii torom wisi wirɔ mɑ u win yɑbe nɔniɡii te ɡĩɑ u kɑ win nuku sɑnkirɑnu sɔ̃ɔsi. U wiru nɔmɑ sɔndi u sumɔ kɑ dɑm.

Esɑi 15:3

Mɑ bɑ sɑɑkibɑ sebuɑ bɑ wɑ̃ɑ swɛɛ sɔɔ kɑ dii tɛɛriɔ kɑ dii yɑɑriɔ nuku sɑnkirɑnun sɔ̃. Mɑ bɑ weeweenu mɔ̀ bɑ sumɔ kɑ nɔni yĩresu.

Esɑi 3:24

Bɑ ǹ mɑɑ turɑren nuburu nɔɔmɔ mɑ n kun mɔ nubu kɔ̃suru. Bɑ ǹ mɑɑ sɛ̃kɑtii sɛ̃kemɔ mɑ n kun mɔ wɛ̃ɛ. Bɑ ǹ mɑɑ seri wɑsi wirɔ bu tɑri. Wii pɔnnɑ bɑ ko n mɔ. Bɑ ǹ mɑɑ yɑbe bɑkɑnu sebumɔ sere sɑɑkibɑ nuku sɑnkirɑnun sɔ̃. Ben burɑm kun mɑɑ sɔ̃ɔsirɑmɔ. Sekurɑ bɑ koo wɑ.

Esɑi 3:26

Tɔmbɑ koo wuri ko bu ɡɔɔ swĩ yen ɡbɑ̃rɑ kɔnnɔwɔ nɡe tɔn kurɔ wi bɑ wɔri bɑ win yɑ̃nu ɡurɑ mɑ u sɔ̃ temɔ.

Esɑi 36:22

Mɑ Eliɑkimu, Hilikiyɑn bii sinɑ bokon sɔm kowobun wiruɡii wi, kɑ mɑɑ win tire yoro Sebinɑ, kɑ sere Yoɑsi Asɑfun bii, wi u rɑ tirenu bere, bɑ nɑ Esekiɑsin mi. Bɑ yɑbe kĩɑnu sebuɑ nuku sɑnkirɑnun sɔ̃, mɑ bɑ nùn sɔ̃ɔwɑ kpuro ye durɔ wi, u ɡeruɑ.

Esɑi 47:1

Yinni Gusunɔ u nɛɛ, wunɛ wi bɑ ǹ kɑmiɑre, kɑɑ wɔrumɑ ɑ kpunɑ tuɑ sɔɔ. Wunɛ wi ɑ sɑ̃ɑ nɡe wɔndiɑ, kɑɑ sinɑ temɔ, ɑ ǹ mɑɑ sinɑmɔ sinɑ kitɑrɔ. Domi bɑ ǹ mɑɑ nun sokumɔ kurɔ burɔ.

Esɑi 47:5

Bɑbiloni, wunɛ wi ɑ sɑ̃ɑ nɡe Kɑlɑdebɑn wɔndiɑ, ɑ doo ɑ sinɑ yɑm wɔ̃kuru sɔɔ, ɑ mɑri. Bɑ ǹ mɑɑ nun sokumɔ sinɑmbun sinɑ boko.

Yeremi 8:14

Yudɑbɑ bɑ nɛɛ, mbɑn sɔ̃nɑ sɑ sɔ̃ mini. I de su mɛnnɑ kpɑ su dɑ wuu si su ɡbɑ̃rɑnu mɔn mi, sɑ n ɡɔɔ mɑrɑ. Domi Gusunɔ bɛsɛn Yinni u yiwɑ su ɡbi. U koo sun nim dɛ̃ɛɡim nɔrusiɑ, yèn sɔ̃ sɑ nùn torɑri.

Swĩi 1:1

Yerusɑlɛmu yè sɔɔ tɔmbɑ rɑɑ dɑbi, wee yɑ wɑ̃ɑ ye tɔnɑ, yɑ kuɑ nɡe ɡɔmini. Yɑ rɑɑ yĩsiru yɑrɑ bwesenun suunu sɔɔ. Wee tɛ̃ bɑ ye yoru diisiɑmɔ.

Swĩi 1:4

Yerusɑlɛmu yɑ wɑ̃ɑ nuku sɑnkirɑnu sɔɔ, domi bɑ ku rɑ mɑɑ yen swɛɛ sĩ bu tɔ̃ɔ bɑkɑru nɑ. Goo kun mɑɑ wɑ̃ɑ yen ɡbɑ̃rɑ kɔnnɔwɔ. Yen yɑ̃ku kowobu bɑ weeweenu mɔ̀. Yen wɔndiɑbɑn nuki sɑnkirɑ. Yen tii yɑ wɑ̃ɑ nuku sɑnkirɑ bɑkɑru sɔɔ.

Swĩi 3:28

Ù n lɑɑkɑri mɛɛribu ɡɑbu wɑ, u tii ɡɑwo sɛ̃ɛ u dɑ u n wɑ̃ɑ wi turo, domi Yinni Gusunɔwɑ u nùn bu kpɛ̃ɛ.

Swĩi 4:16

Yinni Gusunɔn tii u bu yɑrinɑsiɑ kɑ mɔru. U ǹ kĩ u bu wɑ. U ǹ ben yɑ̃ku kowo ɡoo doke ɡɑ̃ɑnu. U ǹ mɑɑ ben durɔ tɔkɔnun wɔnwɔndu kue.

Swĩi 4:5

Be bɑ rɑ rɑɑ dĩɑ ɡeenu di, bɑ ɡbisukumɔ swɛɛ sɔɔ. Be bɑ seeyɑ doo nɔɔru sɔɔ, bɑ kubɑnu bũurimɔ.

Swĩi 5:12

Bɑ bɛsɛn wiruɡibu mwɛɛrɑ bɑ soorɑ doke. Bɑ ǹ durɔ tɔkɔnu bɛɛrɛ wɛ̃.

Swĩi 5:14

Bɛsɛn bukurobu bɑ ku rɑ mɑɑ sinɛ bu siribu ko siri yerɔ. Mɛyɑ bɛsɛn ɑluwɑɑsibɑ bɑ ku rɑ mɑɑ womusu ko.

Esekiɛli 27:30

Bɑ koo nɔɔɡiru suɑ bu nun wuri kɔ̃si koosi kpɑ bu tii tuɑ wisi winɔ bu bindi torom sɔɔ nuku sɑnkirɑnun sɔ̃.

Esekiɛli 27:31

Bɑ koo ben winu kɔni wunɛn sɔ̃, kpɑ bu sɑɑkibɑ dewe bu nun ɡɔɔ swĩiyɑ nuku sɑnkirɑnun sɔ̃.

Esekiɛli 7:18

Bɑ koo sɑɑki sebewɑ kpɑ bu ben seri kɔni nuku sɑnkirɑnun sɔ̃. Bɑ koo nɑndɑ kpɑ sekuru bu mwɑ.

Yoɛli 1:8

I wuri koowo nɡe kurɔ kpɑo wi ɡɔminirɑ deemɑ.

Amɔsu 5:13

Sɑnɑm mɛni, sɑnɑm kɔ̃sumɑ. Yen sɔ̃, wi u lɑɑkɑri mɔ, wiyɑ u ko n nɔɔ mɑɑri.

Amɔsu 8:13

Sɑɑ ye sɔɔ, bɛɛn wɔndiɑ burɔbu kɑ bɛɛn ɑluwɑɑsibɑ bɑ koo ɡbi nim nɔrun sɑɑbu.

Amɔsu 8:3

U mɑɑ nɛɛ, yen tɔ̃ɔ te, sinɑ kpɑɑrun womusu koo ɡɔsiɑ nuku sɑnkirɑnun womusu. Kpɑ tɔn dɑbinun ɡonu nu n tɛrie bɑɑmɑ. Kpɑ yɑm mu n mɑɑri sɔ̃ɔ sɔ̃ɔ.

Yonɑsi 3:6

Ye Ninifun sinɑ boko u ɡɑri yi nuɑ mɑ u seewɑ sɑɑ win sinɑ kitɑrun di u win yɑberu potɑ. Mɑ u sɑɑki sebuɑ, u tii torom wisi wirɔ nuku sɑnkirɑnun sɔ̃.

Yosue 7:6

Yosue kɑ Isirelibɑn ɡuro ɡurobu bɑ ben yɑbenu nɛnuɑ bɑ kɑrɑnɑ bɑ tii tuɑ wisi wirɔ nuku sɑnkirɑnun sɔ̃, mɑ bɑ wiru tem ɡirɑri Yinni Gusunɔn woodɑn kpɑkoro ten wuswɑɑɔ sere sɔ̃ɔ kɑ kpɑ.

Kɑ̃siru 18:19

Bɑ tii yɑnim wisimɔ winɔ bɑ sumɔ kɑ nuku sɑnkirɑnu bɑ nɔɔɡiru mɔ̀ bɑ mɔ̀, wuu bɔkɔ ɡe, ɡɑ kɑm kuɑwɑ. Gen dukiɑwɑ be bɑ ɡoo nimkusu mɔ bɑ kɑ kuɑ ɡobiɡibu. Mɑ kɔbi tiɑ sɔɔ ye kpuro yɑ kuɑ bɑnsu.