Swĩi 1:9 - Bibeli Gusunɔn Gari

⁹ Wee, yen durum yĩreru tɑ wɑ̃ɑ yen yɑberɔ. Adɑmɑ yɑ ǹ dɑɑ yen kpeeru bwisikɑ. Yɑ wɔrumɑ subɑru sɔɔ ɡoo kun ye nukuru yɛmiɑsie. Mɑ yɑ nɔɔɡiru suɑ yɑ nɛɛ, Yinni Gusunɔ, ɑ nɛn nɔni swɑ̃ɑru mɛɛrio. A mɛɛrio nɡe mɛ yibɛrɛ u tii sue.

Swĩi 1:9 ပူးပေါင်းရင်းမြစ်များ

Sɑmuɛli II 16:12

Sɔrɔkudo Yinni Gusunɔ u koo nɛn wɔnwɔndu wɑ kpɑ u kɔ̃sɑ ye ɡɔsiɑ ɡeɑ.

Sinɑmbu II 14:26

Mɛyɑ Yinni Gusunɔ u Isirelibɑn nɔni swɑ̃ɑru wɑ tɑ kpɑ̃. Domi be kpurowɑ bɑ yoru dimɔ, bɑ ǹ mɑɑ ɡoo mɔ wi u koo bu wɔrɑ.

Nɛɛmi 9:32

Gusunɔ bɛsɛn Yinni, ɑ kpɑ̃, ɑ mɑɑ dɑm mɔ. Wunɑ ɑ durom bɑkɑm mɔ. Mɑ ɑ wunɛn ɑrukɑwɑni nɛni ye ɑ kɑ sun bɔkuɑ. A bɛsɛn wɑhɑlɑ mɛɛrio ye sɑ mɔ̀ bɛsɛ kɑ bɛsɛn sinɑmbu kɑ ben sinɑ ɑsɑkpɔbu kɑ wunɛn sɔmɔbu kɑ bɛsɛn yɑ̃ku kowobu sɑɑ Asirin sinɑmbun wɑɑtin di sere n kɑ ɡisɔ ɡirɑri.

Womusu 119:153

A nɛn nɔni swɑ̃ɑru mɛɛrio, kpɑ ɑ mɑn wɔrɑ. Nɑ ǹ wunɛn woodɑbɑ duɑrimɔ.

Womusu 140:8

Yinni Gusunɔ, ɑ sɑ̃ɑwɑ ɡbɑ̃rɑru tèn mi nɑ rɑ kuke n kɑ fɑɑbɑ wɑ. A rɑ nɛn wiru bere tɑbun sɑɑ sɔɔ.

Womusu 25:18

A nɛn wɑhɑlɑ mɛɛrio. Wee, nɑ wɔnwɔndu soore. A nɛn durum wɔko.

Womusu 69:21

Sekurɑ mɑn nuki sɑnkɑ sere nɑ kom yɑɑ bie. Nɑ mɑrɑ ɡoo u mɑn wɔnwɔndu kuɑ, ɑdɑmɑ sɑri. Nɑ kɑsu wi u koo mɑn nukuru yɛmiɑsiɑ, nɑ ǹ wɑ bɑɑ turo.

Yɑribu 3:17

Mɑ nɑ nɛɛ, kon bu yɑrɑ Eɡibitin di mi bɑ nɔni swɑ̃ɑru wɑɑmɔ. Kpɑ n kɑ bu dɑ Kɑnɑnibɑ kɑ Hɛtibɑ kɑ Amɔrebɑ kɑ Feresibɑ kɑ Hefibɑ kɑ Yebusibɑn temɔ mɛ mu tim kɑ bom yibɑ.

Yɑribu 3:7

Yinni Gusunɔ u kpɑm nɛɛ, nɑ nɛn tɔmbun nɔni swɑ̃ɑru wɑ be bɑ wɑ̃ɑ Eɡibitiɔ. Nɑ mɑɑ ben weeweenu nuɑ dɑm mɛ bɑ bu dɔremɔn sɔ̃. Nɑ ben nuku sɑnkirɑnu yɛ̃.

Yɑribu 4:31

Yerɑ, bɑ nɑɑnɛ doke. Bɑ ɡiɑ mɑ Yinni Gusunɔ u wɑ nɡe mɛ bɑ bu nɔni sɔ̃ɔmɔ. Tɛ̃ u kĩ u bu fɑɑbɑ ko. Mɑ bɑ yiirɑ bɑ nùn sɑ̃wɑ.

Wɑɑsu kowo 4:1

Nɑ dɑm dɔrebu kpuro lɑɑkɑri kuɑ hɑnduniɑ sɔɔ. Ye nɑ wɑ wee. Be bɑ dɑm dɔremɔ bɑ rɑ n wuri mɔ̀wɑ. Goo ku rɑ mɑɑ bu somiru nɛ. Domi be bɑ bu dɑm dɔremɔ mi, berɑ bɑ dɑm bo.

Esɑi 3:8

Esɑi u mɑɑ nɛɛ, Yerusɑlɛmu yɑ bɑ̃ɑrimɔ, mɑ Yudɑ yɑ wɔrukumɔ yèn sɔ̃ bɑ Yinni Gusunɔ seesi kɑ ben ɡɑri kɑ ben kookoosu. Bɑ ǹ win bɛrum mɔ.

Esɑi 37:17

A nɔni seeyo ɑ mɛɛri, kpɑ ɑ swɑɑ dɑki ɑ nɛn ɡɑri nɔ, kpɑ ɑ Sɑnkeribu, Asirin sinɑ bokon ɡɑri nɔ yi win sɔm kowobun wiruɡii u kɑ nun wɔnwɑ.

Esɑi 37:23

Wɑrɑ u kɑm mɛɛrɑ u wɔnwɑ. Wɑrɑ u kɑ nɔɔ ɡɔmunu mɔ̀. U ǹ yɛ̃ mɑ wi, Gusunɔ, Isirelibɑn Yinni dɛɛron wuswɑɑɔrɑ u tii sue?

Esɑi 37:29

Yèn sɔ̃ wi, Yinni Gusunɔ u nuɑ mɑ u kɑ nùn mɔru mɔ̀, mɑ u tii sue win wuswɑɑɔ, u koo win wɛ̃ru yɑbɑ u yɔni doke, kpɑ u mɑɑ nùn yɑrukɑ dokeɑ nɔɔwɔ, kpɑ u ɡɔsirɑ u wurɑ mìn di u nɑ.

Esɑi 37:4

Sɔrɔkudo Gusunɔ wunɛn Yinni u ko n Asirin sinɑ bokon ɡɔron ɡɑri yi nuɑ wi u nɑ u nùn wɔnwɑ. Ǹ n mɛn nɑ, ɑ kɑnɑru koowo bɛsɛ be sɑ ɡinɑ tien sɔ̃ kpɑ Gusunɔ u nùn sɛɛyɑsiɑ.

Esɑi 40:2

I Yerusɑlɛmuɡibu nukuru yɛmiɑsio, i nɛɛ, ben yorɑ kpɑ. Domi nɑ bu ben ɡɔbɑ ye bɑ kuɑ kpuron ɑre wɛ̃. Nɑ bu sɛɛyɑsiɑ ben durum ye bɑ kuɑ kpuron sɔ̃.

Esɑi 47:7

Mɛyɑ ɑ rɑ n ɡerumɔ ɑ n mɔ̀, kɑɑ n bɑndu diiwɑ sere kɑ bɑɑdommɑɔ. Adɑmɑ ɑ ǹ bwisikɑ wunɛn ɡɔ̃ruɔ mɑ yenibɑ kpuro yɑ koo nɔru ko.

Esɑi 51:19

Wee, ɡɑ̃ɑnu yiru yɑ nun deemɑ, tɑbu kɑ ɡɔ̃ɔru kɑ kpeerɑbu kɑ bɑnsu. Wɑrɑ koo nun duurɑ. Wɑrɑ koo nun nukuru yɛmiɑsiɑ.

Esɑi 54:11

Yinni Gusunɔ u nɛɛ, Yerusɑlɛmu, wunɛ wi wɑhɑlɑ yɑ so nɡe woo bɔkɔ, mɑ ɡoo kun nun nukuru yɛmiɑsie, wee, kon wure n wunɛn kpɛɛkpɛɛku swĩi kpɑ n nun bɑni kɑ kpee ɡobiɡinu.

Yeremi 13:27

Nɑ wɑɑmɔ sɑkɑrɑru kɑ kuuki yi ɑ mɔ̀, sɑnɑm mɛ ɑ bũnu ɡɑsirimɔ ɑ sɑ̃ɑmɔ ɡuunu wɔllɔ kɑ yɑkɑsɔ. Yɑ sɑ̃ɑwɑ ɡɑ̃ɑ kɔ̃sunu nɛn nɔni sɔɔ. Yen sɔ̃, wunɛ Yerusɑlɛmu, kɑɑ kɑm ko ɑ̀ kun tii dɛɛrɑsie. Sɑɑ yerɑ̀ ɑ mɑrɑ, ɑ kɑ tii dɛɛrɑsiɑ.

Yeremi 16:7

Bèn tɔmbɑ ɡu mi, bɑ ǹ ɡoo wɑsi wi u koo kɑ bu dĩɑnu nɑɑwɑ u kɑ bu nukuru yɛmiɑsiɑ. Goo mɑɑ sɑri wi u koo kɑ bu tɑm nɑɑwɑ u kɑ bu dɑm kɛ̃, bɑɑ ǹ n ben mɛron nɑ u ɡu, ǹ kun mɛ, ben tundo.

Yeremi 2:34

Wee tɔn be bɑ ǹ toren yɛm mu yibɑ bɛɛn yɑbenɔ be, be i ǹ kɑ ɡɑ̃ɑ kɔ̃sunu ɡɑnu mwɛ.

Yeremi 48:26

Mɔɑbubɑ bɑ tii suɑ Gusunɔn wuswɑɑɔ. Yen sɔ̃, bu bu tɑm tɑɑsio sere bu mu siruku kpɑ bu bu yɛ̃ɛ.

Yeremi 5:31

Ben sɔmɔbu bɑ ɡɑri weesuɡii mɔ̀. Mɑ yɑ̃ku kowobu bɑ ben tiin ɑrufɑɑni kɑsu. Mɑ nɛn tɔmbu bɑ bu yen dɑm kɛ̃mɔ. Sɑnɑm mɛ kpuro yɑ koo nɔru ko, ɑmɔnɑ bɑ koo ko.

Yeremi 50:29

I tɛn towobu mɛnnɔ bu Bɑbiloni wɔri, kpɑ bu ben sɑnsɑni ɡirɑ bu kɑ ye sikerenɑ, kpɑ bu ku rɑɑ de ɡoo u kisirɑ min di. Bu bu kɔsieyo nɡe mɛ ben dɑɑ yɑ nɛ. Bu bu kuo nɡe mɛ bɑ rɑɑ ɡɑbu kuɑ. Domi bɑ tii wɔlle suɑ nɛ, Yinni Gusunɔn wuswɑɑɔ, nɛ wi nɑ sɑ̃ɑ Isirelibɑn Yinni Dɛɛro.

Swĩi 1:17

Nɑ nɔmɑ yiiyɑ nɑ kɑnɑru kuɑ. Adɑmɑ ɡoo kun nɛ u mɑn nukuru yɛmiɑsiɑ. Yinni Gusunɔ u derɑ be bɑ kɑ nɛn tɔmbu Isirelibɑ sikerenɛ bɑ kuɑ nɛn yibɛrɛbɑ, mɑ bɑ mɑn ɡɑrisi disi.

Swĩi 1:21

Bɑ nɛn weeweenu nuɑ. Adɑmɑ ɡoo kun mɑn nukuru yɛmiɑsie. Yibɛrɛbɑn nukurɑ dorɑ, yèn sɔ̃ ɑ mɑn kuɑ mɛ. Ǹ n mɛn nɑ, ɑ de tɔ̃ɔ te, tu nɑ te ɑ ɡeruɑ mi, kpɑ bu ko nɡe nɛ.

Swĩi 2:13

Yerusɑlɛmu, mbɑ kon nun sɔ̃. Mbɑ kon kɑ nun weesinɑ. Wɑrɑ u mɑɑ nɔni sɔ̃ɔre nɡe wunɛ, n kɑ kpĩ n nun nukuru yɛmiɑsiɑ. Domi wunɛn nɔni swɑ̃ɑrɑ kpɑ̃ nɡe nim wɔ̃kun nim. Goo sɑri wi u koo kpĩ u tu kpeesiɑ.

Swĩi 4:1

Yinni Gusunɔn sɑ̃ɑ yerun wurɑ ɡeɑ ye, yɑ tĩrɑ. Ten kpenu nu yɑri swɛɛ kpuro sɔɔ.

Swĩi 5:1

Yinni Gusunɔ, ɑ yɑɑyo ye n sun deemɑ. A mɛɛrio ɑ wɑ nɡe mɛ sɑ wɑ̃ɑ sekuru sɔɔ.

Osee 2:14

Kon de win resɛm dɑ̃nu kɑ win fiɡiebɑ bu kɑm ko be u nɛɛ, u wɑ durɔ tɑnɔbun min di. Kon de ɡbee ni, nu ko dɑ̃ɑ sɔ̃ɔ, kpɑ ɡbeeku yɛɛ yi dɑ̃ɑ nin mɑrum di.

Sofoni 2:10

Yeniwɑ Gusunɔ u koo de yu bu deemɑ ben tii suɑbun sɔ̃ kɑ sere mɑɑ ye bɑ wi, Gusunɔ wɔllu kɑ tem Yinnin tɔmbu wɔnwɑ bɑ sekuru doke.

Yohɑnu 11:19

Mɑ Yuu dɑbiru bɑ yɑrimɑ ben wuun di bɑ nɑ Mɑɑtɑ kɑ Mɑɑrin mi bu kɑ bu nukuru yɛmiɑsiɑ ben sesun ɡɔɔn sɔ̃.

Sɔ̃ɔsiru 26:7

Yerɑ bɑ Gusunɔ bɛsɛn bɑɑbɑbɑn Yinni nɔɔɡiru sue, mɑ u beɡiɑ nuɑ. U ben nɔni swɑ̃ɑru wɑ kɑ dɑm mɛ bɑ bu dɔremɔ kɑ nɡe mɛ bɑ bu tɑɑre.

Sɔ̃ɔsiru 32:27

Adɑmɑ u ǹ wurɑmɔ yibɛrɛbɑ bu nùn yɛ̃ɛ yèn sɔ̃ bɑ win tɔmbu kɑmiɑ, kpɑ bu nɛɛ, n ǹ wi, Yinni Gusunɔ u ye kuɑ.

Sɔ̃ɔsiru 32:29

Bɑ̀ n dɑɑ bwisi mɔn nɑ, bɑ koo rɑɑ ɡiɑ ye yɑ koo bu deemɑ.

Piɛɛ I 4:17

Sɑɑ yɑ turɑ siribu bu kɑ tore. Gusunɔn tɔmbɑ bu koo mɑɑ ɡbi bu kɑ tore. Too, bù n toruɑ bɛsɛn min di, ɑmɔnɑ bin wii ɡoberu tɑ ko n sɑ̃ɑ be bɑ yinɑ bu Gusunɔn Lɑbɑɑri ɡeɑ nɑɑnɛ doken mi.