Swĩi 1:2 - Bibeli Gusunɔn Gari

² Yɑ wuri mɔ̀ wɔ̃ku ɡiriru mɑ yen nɔni yĩresu kokumɔ. Be bɑ rɑɑ sɑ̃ɑ yen kĩnɑsibu, ben ɡoo sɑri wi u ye nukuru yɛmiɑsiɑmɔ. Be kpuro bɑ kuɑwɑ nɑɑnɛ sɑribɑ, mɑ bɑ kuɑ yen yibɛrɛbɑ.

Swĩi 1:2 ပူးပေါင်းရင်းမြစ်များ

Yoobu 6:15

Adɑmɑ wee, bɛɛ nɛn bɔrɔbɑ i mɑn nuki sɑnkɑ nɡe dɑɑ te tɑ nim ɡberɑ.

Yoobu 7:3

Nɡe mɛyɑ nɛn tii nɑ sɑ̃ɑ. Suru dɑbinu nɑ wɑ̃ɑ nɔni swɑ̃ɑru sɔɔ. Wɔ̃ku dɑbinɑ nɑ rɑ n wɑ̃ɑ wɑhɑlɑ sɔɔ.

Womusu 126:5

Be bɑ duurumɔ kɑ nɔni yĩresu, bɑ koo ɡɛ̃ kɑ nuku dobun kuuki.

Womusu 31:11

Wɑhɑlɑ yɑ mɑn ɡoomɔ, mɑ weeweenu derɑ nɑ tɔkɔ mɔ̀. Nɛn dɑm mu doonɔ nɛn torɑrun sɔ̃, mɑ nɛn ɡɔmɑ dwiiyɑmɔ.

Womusu 6:6

Domi wi u ɡu u ǹ mɑɑ wunɛn bwisikunu mɔ̀. Wi bɑ sikɑ u ǹ mɑɑ kpɛ̃ u nun sɑ̃.

Womusu 69:21

Sekurɑ mɑn nuki sɑnkɑ sere nɑ kom yɑɑ bie. Nɑ mɑrɑ ɡoo u mɑn wɔnwɔndu kuɑ, ɑdɑmɑ sɑri. Nɑ kɑsu wi u koo mɑn nukuru yɛmiɑsiɑ, nɑ ǹ wɑ bɑɑ turo.

Mɔnnu 19:7

Sɑ̃ɑron mɛro bisibu bɑ rɑ nùn yinɛwɑ. Kɑɑ sere ɡere win bɔrɔbɑ? Bɑɑ ù n kɑsu u kɑ ɡoo ɡɑri ko, u ku rɑ wɑ.

Yeremi 13:17

Ì kun ɡɑri yi swɑɑ dɑki, kon dɑ n swĩ bɔkuɔ bɛɛn tii suɑ bin sɔ̃. Kon nɔni yĩresu yɑri n bɑndɑ. Domi bɑ koo bɛɛ Yinni Gusunɔn tɔmbu yoru mwɛɛri bu kɑ dɑ tem tukumɔ.

Yeremi 2:25

Bɛɛ Isirelibɑ, nɑ nɛɛ, i ku bũnu ɡɑsiri sere bɛɛn bɑrɑnu nu diirɑ, kpɑ nim nɔru ɡu bɛɛ ɡo. Adɑmɑ i ǹ wure. Mɑ i nɛɛ, n ǹ koorɔ, domi niyɑ i kĩ, i ko mɑɑ nu swĩi i sɑ̃wɑ.

Yeremi 3:1

Yinni Gusunɔ u mɑɑ nɛɛ, ɡoo ù n win kurɔ yinɑ, mɑ kurɔ wi, u dɑ u durɔ ɡoo suɑ, durɔ ɡuro wi, u rɑ mɑɑ kurɔ wi nɑɑ de? Aɑwo. Ù n kuɑ mɛ, yɑ koo win tem disi doke. Adɑmɑ bɛɛ Isirelibɑ, i kuɑ mɛ. I dɑ i bũu dɑbiru sɑ̃ɑmɔ, mɑ i kĩ n mɑɑ bɛɛ mwɑɑmɑ. Nɛ, Yinni Gusunɔwɑ nɑ yeni ɡeruɑ.

Yeremi 30:14

Be bɑ rɑɑ kɑ bɛɛ ɑrukɑwɑni bɔkuɑ, bɑ ǹ mɑɑ bɛɛ kɑsu, domi nɑ bɛɛ sowɑ nɡe mɛ bɑ rɑ yibɛrɛ so. Nɑ bɛɛ sɛɛyɑsiɑ kɑ dɑm bɛɛn durum dɑbinun sɔ̃.

Yeremi 4:30

Wunɛ Yerusɑlɛmu, burɑru mbɑ kɑɑ mɑɑ tii kuɑ. Kɑɑ tii beku wunɔmɡiru kɑsuɑwɑ ɑ dewe, kpɑ ɑ wurɑn sɑbɑ sebe, kpɑ ɑ kiro doke? Kɑm sɔɔrɑ kɑɑ tii burɑru kuɑ. Wee wunɛn kĩnɑsibu bɑ nun tusɑ bɑ kɑsu bu nun ɡo.

Yeremi 9:1

Yeremi u nɛɛ, nɑ̀ n dɑɑ kuru mɔ ɡbɑburɔ, kon dɑɑ dɑwɑ ten mi, n nɛn tɔmbu deri nɑ n kɑ bu tondinɛ. Domi be kpuro bɑ sɑ̃ɑwɑ nɡe sɑkɑrɑ kowobu. Mɑ bɑ kuɑ nɑɑnɛ sɑriruɡibu.

Swĩi 1:19

Nɑ nɛn kĩnɑsibu somiru kɑnɑ, ɑdɑmɑ bɑ mɑn bɔrɔ kɔ̃ɔru kuɑ. Nɛn yɑ̃ku kowobu kɑ wuun ɡuro ɡurobu bɑ ɡu nɛn swɛɛ sɔɔ sɑnɑm mɛ bɑ dĩɑnu kɑsu ni bɑ koo di bɑ n kɑ wɑ̃ɑ.

Swĩi 1:21

Bɑ nɛn weeweenu nuɑ. Adɑmɑ ɡoo kun mɑn nukuru yɛmiɑsie. Yibɛrɛbɑn nukurɑ dorɑ, yèn sɔ̃ ɑ mɑn kuɑ mɛ. Ǹ n mɛn nɑ, ɑ de tɔ̃ɔ te, tu nɑ te ɑ ɡeruɑ mi, kpɑ bu ko nɡe nɛ.

Swĩi 1:9

Wee, yen durum yĩreru tɑ wɑ̃ɑ yen yɑberɔ. Adɑmɑ yɑ ǹ dɑɑ yen kpeeru bwisikɑ. Yɑ wɔrumɑ subɑru sɔɔ ɡoo kun ye nukuru yɛmiɑsie. Mɑ yɑ nɔɔɡiru suɑ yɑ nɛɛ, Yinni Gusunɔ, ɑ nɛn nɔni swɑ̃ɑru mɛɛrio. A mɛɛrio nɡe mɛ yibɛrɛ u tii sue.

Swĩi 2:11

Nɛn nɔni yɑndɑmɔ wurin sɔ̃. Nɛn wɑsi ɡbisimɔ mɑ nɛn tororɑ kɑre. Domi nɛn tɔmbɑ kɑm kuɑ. Wee, bii wɛ̃ɛnu kɑ bibu bɑ wɑ̃ɑ Yerusɑlɛmun swɛɛ sɔɔ, bɑ ǹ mɑɑ dɑm mɔ.

Esekiɛli 16:37

Yen sɔ̃nɑ kon wunɛn kĩnɑsi be mɛnnɑ kɑ sere mɑɑ be ɑ tusɑ. Be kpurowɑ kon mɛnnɑmɑ bɑɑmɑ kpuron di, kpɑ n nun yɔ̃su tereru ben wuswɑɑɔ.

Osee 2:7

U kurɔ tɑnɑru kɑ sekuru sɑriru dɔrɑ. Domi u nɛɛ, u koo win durɔ tɑnɔbu swĩiwɑ kpɑ bu nùn nim kɑ dĩɑnu kɑ tɑm kɑ ɡum kɑ yɑ̃nu wɛ̃ ni u koo doke.

Misee 7:5

Yen sɔ̃, ɑ ku wunɛn berusebu nɑɑnɛ ko. A de ɑ wunɛn yɑrɑ nɛnɛ wunɛn tiin kurɔn wuswɑɑɔ.

Kɑ̃siru 17:13

Be wɔku te kpuro, himbɑ tiɑ bɑ mɔ, bɑ koo ben dɑm kɑ ben yiiko ɡbeeku yɑɑ ye wɛ̃.

Kɑ̃siru 17:16

Kɔbi wɔku te nɑ mɑɑ wɑ mi kɑ ɡbeeku yɑɑ ye, ye kpurowɑ yɑ koo kurɔ tɑnɔ wi tusi. Bɑ koo ye u mɔ kpuro suɑ kpɑ bu nùn deri tereru. Bɑ koo win yɑɑ tem kpɑ bu ye yɑ tie dɔ̃ɔ mɛni muku muku.