Sofoni 3:6 - Bibeli Gusunɔn Gari

⁶ Wi, Yinni Gusunɔ u nɛɛ, u bwese ɡirinu ɡo, mɑ u nin ɡbɑ̃rɑnu kɑ nin kuku yenu kɔsukɑ. U derɑ ɡoo ku rɑ mɑɑ sĩ nin swɛɛ sɔɔ. U nin wusu kɔsukɑ, ɡoo kun mɑɑ wɑ̃ɑ mi.

Sofoni 3:6 ပူးပေါင်းရင်းမြစ်များ

Esɑi 14:26

Yeniwɑ nɛn himbɑ tɔmbu kpuron sɔ̃. Wee nɑ nɔmu dɛmiɛ n kɑ bwesenu kpuro sɛɛyɑsiɑ.

Esɑi 37:36

Ye n kuɑ wɔ̃kuru, yerɑ Yinni Gusunɔn ɡɔrɑdo u yɑrɑ u dɑ Asiriɡibun sɑnsɑniɔ mɑ u tɔnu nɔrɔbun subɑ wunɑɑ wɛnɛ kɑ nɔɔbu (185.000) ɡo. Ye bɑ seewɑ bururu, bɑ deemɑ wee, ɡonɑ nu tɛrie bɑɑmɑ kpuro.

Esɑi 6:11

Mɑ nɑ nɛɛ, Yinni, sere sɑɑ yerɑ̀ yɑ ko n sɑ̃ɑ mɛ. Mɑ u mɑn wisɑ u nɛɛ, sere wuu sinin tɔmbu bɑ̀ n ɡbisukɑ, kpɑ su ko bɑnsu, kpɑ tem mɛ kpuro mu kɑm ko.

Yeremi 9:12

Yinni Gusunɔ u mɑɑ nɛɛ, yeni yɑ koorɑwɑ yèn sɔ̃ nɛn tɔmbu bɑ nɛn woodɑbɑ deri ye nɑ bu wɛ̃, mɑ bɑ ǹ nɛn ɡere wure, bɑ ǹ kɑ ye sɔmburu kue.

Sɑ̃ɑrun Woodɑ 26:31

Kon bɛɛn wusu ɡɔsiɑ bɑnsu kpɑ n bɛɛn sɑ̃ɑ yenu kɔsuku. Nɑ ǹ mɑɑ bɛɛn yɑ̃kunu mwɑɑmɔ.

Sofoni 2:5

Bɛɛ Keretin bweseru, bɛɛ be i wɑ̃ɑ nim wɔ̃kun ɡoorɔ, i kɑm kuɑwɑ. Wunɛ mɑɑ Kɑnɑni, wunɛ wi ɑ sɑ̃ɑ Filisitibɑn tem, Yinni Gusunɔ u nun ɡerusimɔ. U nɛɛ, u koo nun kpeerɑsiɑ. Goo kun mɑɑ sinɑmɔ wunɛ sɔɔ.

Sɑkɑri 7:14

Yen sɔ̃nɑ nɑ bu yɑrinɑsiɑ bwesenu kpuron suunu sɔɔ ni bɑ ǹ dɑɑ yɛ̃. Mɑ bɑ ben tem deri dirum ɡoo ku rɑ mɑɑ sɑre mi. Mɑ tem ɡem mɛ, mu kuɑ bɑnsu. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Mɑteu 23:38

N wee bɑ ko bɛɛ bɛɛn yɛnu deriɑ ɡu ko bɑnsu.

Korinti I 10:11

Yeyɑ yɑ bu deemɑ nɡe yĩreru, mɑ bɑ ye yoruɑ bu kɑ sun kirɔ ko, bɛsɛ be sɑ wɑ̃ɑ hɑnduniɑn tɔ̃ɔ dɑ̃ɑki teni sɔɔ.

Korinti I 10:6

Tɛ̃, yeyɑ yɑ sɑ̃ɑ yĩreru bɛsɛn sɔ̃ kpɑ sɑ kun mɑɑ sɑ̃ɑ kɔ̃sɑn kĩrobu nɡe be.

Yosue 23:4

Yen biru i wɑ nɡe mɛ tem mɛ sɑ mwɑ kɑ mɛ sɑ ǹ mwɑɑbu kpɑ, nɑ mu bɔnu kuɑ kɑ tɛtɛ, mɑ nɑ bwese kɛrɑ bɑɑyere yeɡim wɛ̃. Tem mɛyɑ mu wɑ̃ɑ sɑɑ Yuudɛnin di sɔ̃ɔ yɑri yeru ɡiɑ n kɑ ɡirɑri nim wɔ̃ku ɡe bɑ mɔ̀ Mɛditerɑnɛɔ, sɔ̃ɔ duu yeru ɡiɑ.