Sofoni 3:2 - Bibeli Gusunɔn Gari

² I ku rɑ ɡooɡii nɔ. I ku rɑ mɑɑ sɛɛyɑsiɑbu wure. I ku rɑ Gusunɔ bɛɛn Yinni nɑɑnɛ ko. I ku rɑ mɑɑ nùn susi.

Sofoni 3:2 ပူးပေါင်းရင်းမြစ်များ

Nɛɛmi 9:26

Adɑmɑ kɑ mɛ, bɑ ǹ nun mɛm nɔɔwɛ. Bɑ nun seesiwɑ, bɑ wunɛn woodɑbɑ biru kisi. Mɑ bɑ wunɛn sɔmɔbu ɡo ɡo be bɑ bu kirɔ kuɑ bu kɑ ɡɔ̃ru ɡɔsiɑ bu ben dɑɑ kɔ̃sɑ deri kpɑ bu wurɑmɑ wunɛn mi. Adɑmɑ bɑ ben dɑɑ kɔ̃sɑ sosiwɑ.

Womusu 10:4

Ben tii suɑbu sɔɔ, bɑ rɑ nɛɛ, Gusunɔ sɑri, u ǹ bikiɑmɔ ye bɑ mɔ̀.

Womusu 50:17

wunɛ wi ɑ ku rɑ sɔ̃ɔsiru kɑ̃, mɑ ɑ nɛn ɡere ɑtɑfiiru sɑ̃ɑ.

Womusu 73:28

Adɑmɑ nɛ, n mɑn wɛ̃re nɑ n wɑ̃ɑ wunɛn bɔkuɔ Yinni Gusunɔ. Domi nɑ kuku yee nɑɑnɛɡiru wɑ wunɛ sɔɔ. Kon kpɑrɑ ye ɑ mɑn kuɑ kpuro.

Womusu 78:22

Domi bɑ ǹ nùn nɑɑnɛ kue. Bɑ ǹ win somiru yĩiyɔ.

Mɔnnu 1:7

À n kĩ ɑ n bwisi mɔ, ɑ de ɑ ɡinɑ Gusunɔ nɑsiɑ. Domi wi u rɑ bwisi kɑ sɛɛyɑsiɑbu ɑtɑfiiru ko, u sɑ̃ɑwɑ ɡɑri bɔkɔ.

Mɔnnu 5:12

Sɑɑ ye sɔɔ, kpɑ ɑ nɛɛ, mbɑn sɔ̃nɑ ɑ bwisi kɛ̃ru ɑtɑfiiru kuɑ, ɑ ǹ yi mɛm nɔɔwɛ.

Esɑi 1:5

Sɛɛyɑsiɑ birɑ̀ u koo mɑɑ bɛɛ ko, domi nɔn dɑbinɑ i nùn seesi. I sɑ̃ɑwɑ nɡe tɔnu wìn bwisikunu kun wɑ̃, mɑ u dɑɑ kɔ̃sɑ mɔ̀.

Esɑi 29:13

Yinni Gusunɔ u nɛɛ, bwese teni tɑ̀ n nùn sɑ̃ɑmɔ, nɔɔwɑ tɑ rɑ kɑ nùn bɛɛrɛ wɛ̃. Ben ɡɔ̃ru ɡɑ kɑ nùn tomɑ. Tɔmbun woodɑ kɑ ben sɔ̃ɔsinɑ bɑ swĩi, bɑ kɑ nùn sɑ̃ɑmɔ.

Esɑi 31:1

Bɔ̃rurobɑ Yudɑ be bɑ kpikiru dɔɔ Eɡibitiɔ bu kɑ somiru wɑ. Bɑ ben nɑɑnɛ doke dumi sɔɔ, kɑ tɑbu kɛkɛ dɑbi ni dumi ɡɑwe sɔɔ kɑ sere mɑɑsɔ dɑmɡibu sɔɔ. Adɑmɑ bɑ ǹ Gusunɔ ben Yinni Dɛɛro kɑsu, bu nùn nɑɑnɛ ko.

Esɑi 43:22

Adɑmɑ bɛɛ Isirelibɑ, bɛɛ be i sɑ̃ɑ Yɑkɔbun bweseru, i kɑ mɑn wɑsirɑ, i ku rɑ mɑɑ mɑn sɑ̃.

Esɑi 9:12

Adɑmɑ bɑ ǹ wurɑmɑmɔ win mi, wi, wi u bu sɛɛyɑsiɑmɔ, wi, wi u sɑ̃ɑ wɔllu kɑ tem Yinni. Bɑ ǹ mɑɑ nùn kɑsumɔ.

Yeremi 13:25

Wunɛ, Yerusɑlɛmu, yèn sɔ̃ ɑ nɛ, Yinni Gusunɔ duɑri, mɑ ɑ wunɛn nɑɑnɛ doke weesu sɔɔ, wee ye nɑ nun yiiye.

Yeremi 2:30

Kɑm sɔɔrɑ nɑ bɛɛ sɛɛyɑsiɑ. I ǹ nɛn sɛɛyɑsiɑ bi ɡɑrisi ɡɑ̃ɑnu. I Gusunɔn sɔmɔbu wɔri i ɡo nɡe mɛ ɡbee sunɔ ɡɑ rɑ yɑɑ wɔri ɡu ɡo.

Yeremi 22:21

U bɛɛ kirɔ kuɑ sɑnɑm mɛ i wɑ̃ɑ bɔri yɛndu sɔɔ, ɑdɑmɑ i nɛɛ, i ǹ nùn swɑɑ dɑkimɔ. Nɡe mɛyɑ bɛɛn dɑɑ yɑ sɑ̃ɑ sɑɑ bɛɛn piiburun di, i ku rɑ nùn swɑɑ dɑki.

Yeremi 32:33

Bɑ yinɑ bu mɑn mɛɛri. Biruwɑ bɑ mɑn kisi. Nɑ bu keu kuɑ sɑɑ yee yellun di. Adɑmɑ bɑ yinɑ bu nɛn sɔ̃ɔsiru nɔ.

Yeremi 35:13

nɛ Gusunɔ, wɔllu kɑ tem Yinni, nɛ wi nɑ mɑɑ sɑ̃ɑ Isirelibɑn Yinni, nɑ nɛɛ, ɑ doo ɑ Yudɑbɑ kɑ Yerusɑlɛmuɡibu sɔ̃ ɑ nɛɛ, bɑ ǹ nɛn kirɔbɑ swɑɑ dɑkimɔ kpɑ bu mɑn mɛm nɔɔwɑ?

Yeremi 35:17

Yen sɔ̃nɑ nɛ Gusunɔ, wɔllu kɑ tem Yinni, nɛ wi nɑ mɑɑ sɑ̃ɑ Isirelibɑn Yinni, nɑ nɛɛ, wee kon de kɔ̃sɑ kpuro ye nɑ rɑɑ ɡeruɑ mi yu Yudɑbɑ kɑ Yerusɑlɛmuɡibu deemɑ. Domi nɑ kɑ bu ɡɑri kuɑ, bɑ ǹ mɑn swɑɑ dɑki. Nɑ bu sokɑ, bɑ ǹ mɑn wurɑri.

Yeremi 5:3

Yinni, n ǹ wi u ɡem swĩi, wiyɑ ɑ kɑsu? Wee, ɑ bu surɑ ɑdɑmɑ bɑ nun ɑtɑfiiru kuɑ. A bu nɔni sɔ̃ɔwɑ, ɑdɑmɑ kɑ mɛ, bɑ ǹ ɡɑ̃ɑnu ɡie. Ben ɡɔ̃ru ɡɑ bɔbiɑwɑ nɡe kperu. Bɑ yinɑ bu wurɑmɑ wunɛn mi.

Esekiɛli 22:24

tɔnun bii, ɑ Yerusɑlɛmuɡibu sɔ̃ɔwɔ ɑ nɛɛ, ben tem mu sɑ̃ɑwɑ nɡe mi ɡurɑ ku rɑ nɛ. Yen sɔ̃, kon de mu kɑm ko nɛn mɔrun sɑɑ sɔɔ.

Esekiɛli 24:13

Nɡe mɛyɑ Yerusɑlɛmu yɑ disi duurɑ yen torɑ ni yɑ kuɑn sɔ̃. Wee nɑ kĩɑ n ye dɛɛrɑsiɑ ɑdɑmɑ yɑ ǹ wure. Yen sɔ̃ tɛ̃, yɑ ǹ mɑɑ kpɛ̃ yu dɛɛrɑ sere nɛn mɔru yu kɑ sure.

Sofoni 1:6

Be bɑ mɑn biru kisi kɑ be bɑ ku rɑ mɑn kɑsu, kɑ sere mɑɑ be bɑ ku rɑ mɑn ben ɡɑri sɑɑwɑrɑ ko, be kpurowɑ kon ɡo.

Timɔte II 3:16

Gusunɔn ɡɑri kpuro yi weewɑ sɑɑ Gusunɔn min di. Yi mɑɑ ɑrufɑɑni mɔ yi kɑ ɡem sɔ̃ɔsi, kpɑ yi kɑ tɔnu win torɑnu sɔ̃ɔsi, kpɑ yi kɑ nùn sɛɛyɑsiɑ, kpɑ yi mɑɑ nùn sɔ̃ɔsi nɡe mɛ u ko n kɑ wɑ̃ɑ ɡem sɔɔ.

Heberu 10:22

Ǹ n mɛn nɑ, i de su Gusunɔ susi kɑ murɑfiti sɑriru kɑ nɑɑnɛ doke bi bu toro sindu mɔ kɑ ɡɔ̃ru dɛɛrɔ ɡe ɡɑ ǹ tɑɑrɛ mɔ kɑ wɑsi yi bɑ dɛɛrɑsiɑ kɑ nim dɛɛrɑm.