Sofoni 3:17 - Bibeli Gusunɔn Gari

¹⁷ Gusunɔ bɛɛn Yinni u wɑ̃ɑ bɛɛn suunu sɔɔ. U sɑ̃ɑwɑ nɡe tɑbu durɔ wi u rɑ fɑɑbɑ ko. U koo nuku doo bɑkɑbu ko bɛɛn sɔ̃. U ǹ mɑɑ ɡɑ̃ɑnu ɡerumɔ yèn sɔ̃ u bɛɛ kĩ. U ko n nuku doo bɑkɑbu mɔ.

Sofoni 3:17 ပူးပေါင်းရင်းမြစ်များ

Torubu 1:31

Yerɑ u mɛɛrɑ kpuro ye u kuɑ, mɑ n nùn wɛ̃re ɡem ɡem. Sɑɑ ye u yebɑ mɔ̀, sɔ̃ɔ sɔɔ kɑ wɔ̃kuru n swĩinɑ mɑ n kuɑ tɔ̃ru nɔɔbɑ tiɑse.

Torubu 17:1

Ye Aburɑmu kuɑ wɔ̃ɔ wunɔbu tiɑ sɑri yerɑ Yinni Gusunɔ u nùn kure u nɛɛ, nɛnɑ nɑ Gusunɔ Dɑm kpuroɡii. A n sĩimɔ nɛn wuswɑɑɔ kpɑ ɑ kun tɑɑrɛ mɔ.

Torubu 18:14

Gɑ̃ɑnu ɡɑnu wɑ̃ɑ ni nu kɑ mɑn sɛ̃? Nɡe mɛ nɑ yi, suru nɔɔbɑ nnɛn biru kon wurɑmɑ kpɑ Sɑɑrɑɑ u bii tɔn durɔ mɑ.

Torubu 2:2

Tɔ̃ru nɔɔbɑ tiɑse sɔɔrɑ u win sɔmɑ ye u kuɑ kpuro wiru ɡo mɑ u wɛ̃rɑ tɔ̃ru nɔɔbɑ yiruse.

Womusu 147:11

Be bɑ nùn nɑsie kɑ be bɑ win durom yĩiyɔ, beyɑ u kĩ.

Womusu 149:4

Yinni Gusunɔ u win tɔmbu kĩ. U rɑ wɔnwɔndobu bɛɛrɛ wɛ̃ u bu fɑɑbɑ ko.

Womusu 78:65

Yerɑ Yinni Gusunɔ u seewɑ nɡe tɔnu wi u dom yɑndɑmɑ. U seewɑ nɡe tɑbu durɔ wɔruɡɔ wi tɑm mu ɡoomɔ.

Esɑi 12:2

Wunɑ ɑ sɑ̃ɑ bɛsɛn Yinni, ɑ sun fɑɑbɑ mɔ̀. Sɑ nun nɑɑnɛ sɑ̃ɑ, sɑ ǹ mɑɑ ɡɑ̃ɑnun bɛrum mɔ. Domi wunɑ ɑ sɑ̃ɑ bɛsɛn dɑm, wunɑ sɑ siɑrɑmɔ. Wunɑ ɑ sɑ̃ɑ bɛsɛn fɑɑbɑ kowo.

Esɑi 12:6

Be bɑ wɑ̃ɑ Siɔniɔ, bu nuku dobun kuuki koowo, domi Isirelibɑn Yinni Dɛɛro u kpɑ̃, u mɑɑ wɑ̃ɑ ben suunu sɔɔ.

Esɑi 18:4

Domi ɑmɛniwɑ Yinni Gusunɔ u mɑn sɔ̃ɔwɑ. U nɛɛ, u yɔ̃ sɛ̃ɛ u yɑm mɛɛrɑ kɑ lɑɑkɑri win wɑ̃ɑ yerun di sɔ̃ɔ sɑ̃rerun sɑɑ kɑ wuburun sɑɑ.

Esɑi 63:1

Wɑrɑ u wee Botisirɑn di ye yɑ wɑ̃ɑ Edɔmun temɔ, u yɑbe swɑ̃ɑru sebuɑ kom kom. Mɑ u sĩimɔ kɑ win dɑm kpuro, kɑ toro sindu. Yinni Gusunɔ u nɛɛ, nɛnɑ nɑ wee n kɑ siri dee dee. Nɑ dɑm mɔ n kɑ nɛn tɔmbu fɑɑbɑ ko.

Esɑi 63:12

Mɑ u Mɔwisi kpɑrɑ kɑ win dɑm bɑkɑm. U nim burɑnɑ bɛsɛn wuswɑɑɔ u n kɑ yĩsi bɛɛrɛɡiru yɑrɑ sere kɑ bɑɑdommɑɔ.

Esɑi 65:19

Nɛn tii kon yɛ̃ɛri Yerusɑlɛmu yen sɔ̃ kɑ nɛn tɔmbun sɔ̃. Bɑ ǹ mɑɑ wuri kɑ weeweenu nɔɔmɔ mi.

Esɑi 9:6

U sɑ̃ɑwɑ Dɑfidin sikɑdobu. Yen sɔ̃, u koo win bɑndu di kpɑ u tu dɑm sire kpɑ tɑ n bɔri yɛndu mɔ sere kɑ bɑɑdommɑɔ. U koo win tɔmbu siri ɡem sɔɔ, sɑɑ tɛ̃n di sere kɑ bɑɑdommɑɔ. Yeniwɑ Gusunɔ, wɔllu kɑ tem Yinni, u yɔ̃rɑri u ko.

Yeremi 32:41

Kɑ nuku dobɑ kon bu ɡeɑ kuɑ kpɑ n bu swĩi mɑm mɑm tem mɛ sɔɔ kɑ ɡɔ̃ru tiɑ.

Osee 14:4

Asiriɡii wi, u ǹ kpɛ̃ u sun fɑɑbɑ ko. Sɑ mɑɑ yɛ̃ mɑ dumi kun sun fɑɑbɑ mɔ̀ tɑbu sɔɔ. Sɑ ǹ mɑɑ bwɑ̃ɑroku ni sɑ tii kuɑ sokumɔ bɛsɛn yinnibu pɑi. Domi wunɑ ɑ rɑ ɡobekubɑ wɔnwɔndu kue.

Yoɛli 2:21

Tem, ɑ ku bɛrum ko, ɑ nuku dobu koowo, domi Yinni Gusunɔ u ɡɑ̃ɑ bɑkɑnu kuɑ.

Sofoni 3:15

Yinni Gusunɔ u bɛɛn sɛɛyɑsiɑbu kpeesiɑ bi u koo rɑɑ bɛɛ ko. U bɛɛn yibɛrɛbɑ yɑrinɑsiɑ. Gusunɔ sinɑ boko, bɛɛ Isirelibɑn Yinni, u wɑ̃ɑ bɛɛn suunu sɔɔ. I ǹ mɑɑ kɔ̃sɑ ɡɑɑ wɑsi.

Sofoni 3:5

Adɑmɑ kɑ mɛ, Yinni Gusunɔ u wɑ̃ɑ kɑ bɛɛ. U sɑ̃ɑwɑ ɡemɡii, u ku rɑ weesu ko. U rɑ win ɡem terɑsiewɑ siribu sɔɔ bururu bɑɑtere. U ku rɑ tɔ̃ru bure. Adɑmɑ tɔn kɔ̃sobɑ bɑ kɔ̃sɑ mɔ̀, sekurɑ kun bu mɔ̀.

Gbɑburu 14:8

Tim kɑ bomɑ mu kokumɔ mi. Gusunɔ ù n kɑ sun nɔnu ɡeu mɛɛrɑ, u koo kɑ sun dɑ mi, kpɑ u sun mu wɛ̃.

Luku 15:32

Adɑmɑ n weenɛ su nuku dobu ko kpɑ su yɛ̃ɛri yèn sɔ̃ wunɛn wɔnɔ wini n sɑ̃ɑre u rɑɑ ɡu, mɑ u wurɑmɑ wɑ̃ɑru sɔɔ. U rɑɑ kɔ̃ɔrɑ, u mɑɑ wɑɑrɑ.

Yohɑnu 13:1

Yesu u rɑ n wiɡibu kĩ be bɑ wɑ̃ɑ hɑnduniɑɔ, yen sɔ̃, bu sere tɔ̃ɔ bɑkɑ te ko te bɑ rɑ nɛɛ Gɔɔ sɑrɑribu, u bu win kĩi bɑkɑru sɔ̃ɔsi. Domi u yɛ̃ mɑ win sɑɑ yɑ turɑ u kɑ doonɑ hɑnduniɑn di u dɑ win Bɑɑbɑn mi.

Yohɑnu 15:11

Nɑ bɛɛ yeni sɔ̃ɔwɑ kpɑ nɛn nuku dobu bu n kɑ wɑ̃ɑ bɛɛ sɔɔ, kpɑ bɛɛn nuku dobu bu kɑ yibu.

Sɔ̃ɔsiru 23:15

Domi Gusunɔ bɛsɛn Yinni u wɑ̃ɑ bɛɛn sɑnsɑni ye sɔɔ u sĩimɔ sĩimɔ u kɑ bɛɛ kɔ̃su kpɑ u bɛɛ bɛɛn yibɛrɛbɑ nɔmu bɛriɑ. Yen sɔ̃, n weenɛwɑ bɛɛn sɑnsɑni yɑ n dɛɛre kpɑ u ku bɔrɔnu ɡɑnu wɑ bɛɛn suunu sɔɔ ni nu koo de u bɛɛ biru kisi.

Sɔ̃ɔsiru 30:9

Yinni Gusunɔ u koo bɛɛ dukiɑ yibie kpɑ u bɛɛ kuurɑsiɑ ye i mɔ̀ kpuro sɔɔ. U koo bɛɛn bibu kɑ bɛɛn yɑɑ sɑbenu kɑ bɛɛn ɡbeɑn dĩɑnu dɑbiɑsiɑ. Domi u koo mɑɑ bɛɛn doo nɔɔru kĩɑ nɡe mɛ u rɑɑ yellu bɛɛn sikɑdobɑɡiru kĩɑ.

Heberu 7:25

Yen sɔ̃nɑ u koo kpĩ u bu fɑɑbɑ ko tɛ̃n di kɑ bɑɑdommɑɔ be bɑ Gusunɔ susimɔ win min di, domi u wɑ̃ɑwɑ u kɑ Gusunɔ suuru kɑnɑ ben sɔ̃.