Sofoni 3:14 - Bibeli Gusunɔn Gari

¹⁴ Bɛɛ Siɔniɡibu, i ɡɔ̃ru dobun kuuki koowo. Bɛɛ Isirelibɑ kpuro ɡesi, i nuku dobun kuuki koowo. Bɛɛ Yerusɑlɛmuɡibu, i yɛ̃ɛrio kpɑ i nɑsɑrɑn kuuki ko kɑ bɛɛn ɡɔ̃ru kpuro.

Sofoni 3:14 ပူးပေါင်းရင်းမြစ်များ

Nɛɛmi 12:43

Yen tɔ̃ɔ te, tɔmbɑ yɑ̃ku dɑbi dɑbinu kuɑ mɑ bɑ nuku dobu kuɑ. Domi Gusunɔ u bu nuku doo bɑkɑbu wɛ̃. Kurɔbu kɑ bibun tii bɑ nuku dobu kuɑ mɑ Yerusɑlɛmun di nuku dobun kuuki yi nɔɔrɑ n tomɑ.

Womusu 14:7

Yinni Gusunɔ, nɑ nun kɑnɑmɔ, ɑ de fɑɑbɑ kowo ɡoo u yɑri Siɔnin di u Isirelibɑ, Yɑkɔbun bweseru yɑrɑ dɛsirun di, kpɑ bɑ n wɑ̃ɑ bɔri yɛndu sɔɔ. À n kuɑ mɛ, ɑnnɑ ɑ nuku dobu wɑ bi bɑ koo ko mi.

Womusu 149:2

Isireli, ɑ yɛ̃ɛrio wi u nun tɑkɑ kuɑ sɔɔ. Siɔniɡibu, i yɛ̃ɛrio bɛɛn sinɑ bokon sɔ̃.

Womusu 97:8

Yinni Gusunɔ, Siɔniɡibu bɑ ye nuɑ mɑ bɑ nukuru dorɑ. Yudɑbɑ bɑ nuku dobu mɔ̀ wunɛn siribun sɔ̃.

Esɑi 12:6

Be bɑ wɑ̃ɑ Siɔniɔ, bu nuku dobun kuuki koowo, domi Isirelibɑn Yinni Dɛɛro u kpɑ̃, u mɑɑ wɑ̃ɑ ben suunu sɔɔ.

Esɑi 29:19

Nɛ, Yinni Gusunɔ, kon de wɔnwɔndobu bɑ n yɛ̃ɛrimɔ bɑ n dɔɔ, kpɑ sɑ̃ɑrobu bu nuku dobu ko, nɛ, Isirelibɑn Yinni dɛɛron sɔ̃.

Esɑi 35:2

Kpɑ nuku dobu bu sɔ̃ɔsirɑ mi, kɑ womusu kɑ nɑsɑrɑn kuuki. Mu ko n ɡirimɑ mɔ nɡe Libɑnin dɑ̃ɑ sɔ̃ɔ. Mu ko n bɛɛrɛ mɔ nɡe ɡuu te bɑ mɔ̀ Kɑɑmɛli kɑ Sɑronin tem ɡem. Sɑɑ ye sɔɔ, bɑ koo Yinni Gusunɔn yiiko wɑ kɑ yen ɡirimɑ.

Esɑi 37:22

Ye Yinni Gusunɔ u ɡeruɑ Sɑnkeribun sɔ̃ wee. U nɛɛ, Yerusɑlɛmun tɔmbu kpuro bɑ nùn ɡɛmɑ bɑ nùn yɑɑkoru mɔ̀, bɑ nùn wii ɡimɑnu koosimɔ.

Esɑi 40:1

Yinni Gusunɔ u nɛɛ, i nɛn tɔmbu nukuru yɛmiɑsio.

Esɑi 40:9

Yerusɑlɛmuɡibu, i yɔɔwo ɡuu te tɑ ɡunun wɔllɔ, i nɔɔɡiru suɑ kɑ dɑm i lɑbɑɑri ɡeɑ kpɑrɑ. I ku bɛrum ko. I Yudɑbɑn wusun tɔmbu sɔ̃ɔwɔ i nɛɛ, Gusunɔ ben Yinni u wee.

Esɑi 51:11

Nɡe mɛyɑ tɛ̃, be ɑ yɑkiɑ bɑ koo kpɑm ɡɔsirɑmɑ, bu wurɑmɑ Siɔniɔ kɑ nɑsɑrɑn womusu, kpɑ nuku doo bi bu ku rɑ kpe bu n sɔ̃ɔsire ben wuswɑɑɔ. Yɛ̃ɛribu kɑ nuku dobu ko n bu wɑ̃ɑsi, kpɑ nɔni swɑ̃ɑru kɑ weeweenu nu doonɑ.

Esɑi 52:9

Yerusɑlɛmun bɑnsu, ɑ kuuki koowo kɑ nuku dobu, domi Yinni Gusunɔ u win tɔmbun nukuru yɛmiɑsiɑ. U Yerusɑlɛmu yɑkiɑ.

Esɑi 54:1

Wunɛ Yerusɑlɛmu, wunɛ wi ɑ sɑ̃ɑ nɡe kurɔ wi u kun bii mɔ, ɑ nuku dobu koowo kɑ kuuki, domi wunɛ wi bɑ rɑɑ yinɑ, kɑɑ bibu mɑ bɑ n dɑbi, n kere wi u rɑ n mɑrumɔn bibu.

Yeremi 30:19

I ko i siɑrɑbun womusu ko kɑ nuku dobun kuuki. Kon bɛɛ dɑbiɑsiɑ, i ǹ mɑɑ kɑɑrɑmɔ. Kon de bu bɛɛ bɛɛrɛ wɛ̃, kpɑ bu ku bɛɛ ɡɛm.

Yeremi 31:13

Wɔndiɑbɑ bɑ koo nuku dobu ko, bɑ n yɑɑmɔ. Mɛyɑ mɑɑ ɑluwɑɑsibɑ kɑ durɔ tɔkɔnu ko n yɛ̃ɛrimɔ. Domi kon ben nuku sɑnkirɑnu ɡɔsiɑ nuku dobu, n bu nukuru yɛmiɑsiɑ. Kpɑ n mɑɑ ben nɔni swɑ̃ɑru ɡɔsiɑ bɔri yɛndu.

Yeremi 33:11

Adɑmɑ bɑ koo wure bu nuku dobun kuuki nɔ kɑ tɔ̃ɔ bɑkɑruɡii. Bɑ koo kurɔ kpɑɑnun womusu nɔ. Bɑ koo mɑɑ wure bu womu ɡeni nɔ, ɡe ɡɑ nɛɛ, i Gusunɔ, wɔllu kɑ tem Yinni siɑro. Domi u sɑ̃ɑ tɔn ɡeo. Win kĩru tɑ ǹ nɔru mɔ. Mɛyɑ bɑ koo mɑɑ tɔn be bɑ kɑ yɑ̃kunu nɑ sɑ̃ɑ yerɔn womusu nɔ. Domi kon de tɔn be bɑ rɑɑ yoru mwɛɛrɑ mi, bu wurɑmɑ tem mɛ sɔɔ, kpɑ n bu wesiɑ nɡe yellu. Nɛ, Yinni Gusunɔwɑ nɑ yeni ɡeruɑ.

Yoɛli 2:23

Bɛɛ Siɔniɡibu i nuku dobu koowo Gusunɔ bɛɛn Yinni sɔɔ. Domi u koo de ɡurɑ yu nɛ yen sɑɑ sɔɔ nɡe yellu. U koo de yu nɛ sɑɑ ye yɑ rɑ tore kpɑ u de yu kpe sɑɑ ye yɑ rɑ kpe.

Misee 4:8

Wunɛ Yerusɑlɛmun ɡuuru, wunɛ wi ɑ sɑ̃ɑ nɡe wuu kɔ̃sobun diru, ɑ tɔmbu kɔ̃su, kɑɑ mɑɑ wunɛn bɛɛrɛ wɑ nɡe yellu. Domi Yerusɑlɛmu yɑ koo kpɑm ko Isirelibɑn wuu mɑro.

Mɑteu 21:9

Tɔn be bɑ nùn ɡbiiye kɑ be bɑ nùn swĩi biruɔ, bɑ ɡbɑ̃rɑmɔ bɑ mɔ̀, su Dɑfidin sikɑdobu wɔlle suɑ. U sɑ̃ɑwɑ domɑruɡii. U sisi kɑ Yinnin yĩsiru! Su Wɔrukoo wɔlle suɑ.