Sofoni 3:10 - Bibeli Gusunɔn Gari

¹⁰ Be bɑ nùn sɑ̃ɑmɔ bɑ yɑrinɛ bɑɑmɑ, bɑ koo kɑ nùn kɛ̃nu nɑɑwɑ sɑɑ Etiopin dɑɑnun ɡurun di.

Sofoni 3:10 ပူးပေါင်းရင်းမြစ်များ

Womusu 68:31

Yinni Gusunɔ, ɑ Eɡibiti yɑm swĩɛyɔ, ye yɑ nun sɑ̃ɑmɔ kɑ sii ɡeesu, ye, ye yɑ sɑ̃ɑ nɡe kɑrɑku ɡe ɡɑ wɑ̃ɑ dɑɑrun bɔkuɔ, ǹ kun mɛ nɡe nɑɑ kinɛ ni nu wɑ̃ɑ ɡɔ̃sɔ, ye, ye yɑ bwesenu dɑm dɔremɔ. A be bɑ rɑ n tɑbu kĩ yɑrinɑsio.

Esɑi 11:11

Sɑɑ ye sɔɔ, Yinni Gusunɔ u koo mɑɑ win dɑm sɔ̃ɔsi u kɑ win tɔn be bɑ tie yɑkiɑ be bɑ yɑrinɛ bɑ wɑ̃ɑ Asiriɔ kɑ Eɡibitiɔ kɑ Pɑturɔsiɔ kɑ Etiopiɔ kɑ Elɑmuɔ kɑ Bɑbiloniɔ kɑ Hɑmɑtiɔ Sirin temɔ, kɑ sere be bɑ wɑ̃ɑ nim wɔ̃kun ɡoonɔ.

Esɑi 11:12

U koo ɡidi bɔrɑ ɡirɑ u kɑ sɔ̃ɔsi mɑ u koo Isirelibɑ mɛnnɑ be bɑ rɑɑ yoru mwɛɛrɑ, kpɑ u Yudɑ be bɑ rɑɑ yɑrinɛ hɑnduniɑn ɡoonu nnɛ sɔɔ mɛnnɑ.

Esɑi 18:1

Tem mu wɑ̃ɑ Etiopin dɑɑrun berɑ ɡiɔ, mi tɑbun wurenu nɔɔrɑmɔ.

Esɑi 18:7

Sɑɑ ye sɔɔ, tɔn be bɑ ɡunu mi, mɑ ben wɑsi bɑllimɔ bɑ bu nɑsie bɑɑmɑ kpuro yèn sɔ̃ bɑ rɑ kpuro kɔsuku, mɑ dɑɑnu ben tem burɑnɛ, tɔn be, bɑ koo kɑ Gusunɔ wɔllu kɑ tem Yinni kɛ̃nu nɑɑwɑ Siɔnin ɡuurɔ mi bɑ rɑ nùn sɑ̃.

Mɑlɑsi 1:11

Domi hɑnduniɑn ɡoonu nnɛ sɔɔ tɔmbɑ nɛn kpɑ̃ɑru yɛ̃. Bɑɑmɑ bɑ mɑn turɑre dɔ̃ɔ dokeɑmmɛ mɑ bɑ mɑn yɑ̃ku ɡeenu kuɑmmɛ bu kɑ mɑn bɛɛrɛ wɛ̃. Kɑ ɡem tɔmbu kpurowɑ bɑ nɛn kpɑ̃ɑru yɛ̃.

Yohɑnu 7:35

Yuubɑ bɑ bikiɑnɑmɔ bɑ mɔ̀, mɑ ɡiɑrɑ durɔ wini u koo dɑ sɑ kun kɑ nùn wɑ. U koo dɑwɑ Yuubɑn mi be bɑ yɑrinɑ Gɛrɛkibɑn suunu sɔɔ, kpɑ u n Gɛrɛkibɑ keu sɔ̃ɔsimɔ?

Gɔrobun Kookoosu 24:17

Wɔ̃ɔ dɑbirun biru nɑ tɛ̃ wurɑ Yerusɑlɛmuɔ n kɑ nɛn tɔmbu somiru nɑɑwɑ kpɑ n mɑɑ Gusunɔ kɛ̃nu kɛ̃.

Gɔrobun Kookoosu 8:27

Mɑ u seewɑ u dɑ. Miyɑ u Etiopin tɔn kurɔ sunɔn dukiɑn wunɑnɔsun wiruɡii wɑ wi bɑ mɑɑtɑm kuɑ. Durɔ wi, u dɑ Yerusɑlɛmuɔ u kɑ Gusunɔ sɑ̃.

Romu 15:16

nɑ kɑ sɑ̃ɑ Kirisi Yesun sɔm kowo tɔn tukobun sɔ̃. Nɑ Gusunɔn Lɑbɑɑri ɡeɑn wɑɑsu mɔ̀ nɡe yɑ̃ku kowo, kpɑ tɔn tukobu bɑ n kɑ sɑ̃ɑ yɑ̃ku te tɑ koo nùn wɛ̃re, te Hunde Dɛɛro u dɛɛrɑsiɑ u yi.

Piɛɛ I 1:1

Bɛɛ be Gusunɔ u ɡɔsɑ mɑ i yɑrinɑ i sɑ̃ɑ sɔbu Pontuɔ kɑ Gɑlɑtiɔ kɑ Kɑpɑdosiɔ kɑ Asiɔ kɑ Bitiniɔ, Gusunɔ Bɑɑbɑ u bɛɛ ɡɔsɑ nɡe mɛ u rɑɑ ɡɔ̃ru doke u ko. Mɑ i kuɑ wiɡibu win Hunden sɑɑbu, kpɑ i kɑ Yesu Kirisi mɛm nɔɔwɑ, kpɑ win yɛm mu bɛɛ dɛɛrɑsiɑ. Nɛ Piɛɛ, Yesu Kirisin ɡɔrowɑ, nɑ bɛɛ tire teni yoruɑmmɛ. Durom kɑ ɑlɑfiɑ n bɛɛ sosiɑ.