Sofoni 2:9 - Bibeli Gusunɔn Gari

⁹ Yen sɔ̃nɑ wi, Gusunɔ Isirelibɑn Yinni, wi, wi u wɔllu kɑ tem mɔ, u nɛɛ, sere kɑ win wɑ̃ɑru, u koo de Mɔɑbubɑ bu kɑm ko nɡe Sodomuɡibu, kpɑ Amɔnibɑ bu mɑɑ kɑm ko nɡe Gomɔrɑɡibu, ben tem mu yɑkɑ kɔ̃susu kpi, ǹ kun mɛ mu ɡɔsirɑ bɔru. Gɑ̃ɑnu kun mɑɑ kpiimɔ mi sere kɑ bɑɑdommɑɔ. Win tɔn be bɑ tie, bɑ koo Mɔɑbu be, kɑ Amɔni be wɔri bu ben yɑ̃nu ɡurɑ bu tem tubi di.

Sofoni 2:9 ပူးပေါင်းရင်းမြစ်များ

Esɑi 11:14

Bɑ koo mɛnnɑ bu Filisitibɑ wɔriwɑ sɔ̃ɔ duu yeru ɡiɑ, kpɑ bu Filisiti be ko ben yobu. Mɛyɑ bɑ koo mɑɑ mɛnnɑ bu sɔ̃ɔ yɑri yeruɡibu wɔri. Bɑ koo Edɔmu kɑ Mɔɑbubɑ dɑm dɔre, kpɑ bu Amɔnibɑ tɑɑre.

Esɑi 25:10

Yinni Gusunɔ u koo Siɔnin ɡuuru kɔ̃su. Adɑmɑ u koo Mɔɑbubɑ munkuwɑ nɡe yɑkɑ si bɑ yɑri kɔkɔrɔwɔ.

Esɑi 49:18

A mɛɛrio ɑ kɑ sikerenɑ. Wunɛn bibu wee bɑ wee, bɑ mɛnnɑmɔ wunɛn mi. Bɑ ko n sɑ̃ɑ nɡe burɑ yɑ̃nu, kpɑ ɑ n sɑ̃ɑ nɡe kurɔ kpɑo. Nɛ, Yinni Gusunɔwɑ nɑ yeni bɔ̃ruɑ kɑ nɛn tiin wɑ̃ɑru.

Yeremi 46:18

Nɛ Gusunɔ, wɔllu kɑ tem Yinni, nɛ wi nɑ sɑ̃ɑ sinɑ boko, sere kɑ nɛn wɑ̃ɑru, nɡe mɛ bɑ yɛ̃ mɑ ɡuu te bɑ mɔ̀ Tɑbori tɑ ɡuu ni nu tie ɡunum kere, kɑ nɡe mɛ bɑ yɛ̃ mɑ ɡuu te bɑ mɔ̀ Kɑɑmɛli tɑ wɑ̃ɑ nim wɔ̃kun bɔkuɔ, nɡe mɛyɑ bɑ n yɛ̃ kɑm kɑm mɑ yibɛrɛbɑ bɑ koo nɑ bu bu wɔri.

Yeremi 48:1

Wee ye Gusunɔ Isirelibɑn Yinni wi u wɔllu kɑ tem mɔ, u ɡeruɑ Mɔɑbubɑn sɔ̃. U nɛɛ, Nɛbo yɑ kɑm kuɑ domi wee bɑ yen yɑ̃nu ɡurɑ. Kiriɑtɑimu yɑ wɑ̃ɑ sekuru sɔɔ domi bɑ ye mwɑ. Misiɡɑbu yɑ wɑ̃ɑ sekuru sɔɔ, domi bɑ ye kɔsukɑ.

Yeremi 49:1

Wee ye Yinni Gusunɔ u ɡeruɑ Amɔnibɑn sɔ̃. U nɛɛ, mbɑn sɔ̃nɑ bũu wi bɑ mɔ̀ Mɑlikɔmu u Gɑdin tem mwɑ. Mbɑn sɔ̃nɑ win tɔmbu Amɔnibɑ bɑ Isirelibɑn wusu wɔrɑ. Isirelibɑ bɑ ǹ bibu mɔwɑ be bɑ koo mu tubi di?

Yeremi 49:18

Domi yɑ ko n sɑ̃ɑwɑ nɡe mɛ bɑ Sodomu kɑ Gomɔrɑ kpeerɑsiɑ kɑ yen bɑru kpɑɑnɔ. Goo kun mɑɑ sinɑmɔ mi.

Yeremi 49:33

Hɑsorin wuu ɡɑ koo ko bɑnsu, kpɑ ɡɑ n sɑ̃ɑ ɡbeeku bɔ̃nun wɑ̃ɑ yeru sere kɑ bɑɑdommɑɔ. Goo kun mɑɑ sinɑmɔ mi.

Yeremi 50:40

Kon Bɑbiloni ye kɔsukuwɑ nɡe Sodomu kɑ Gomɔrɑ kɑ sin wuu si nɛ, Yinni Gusunɔ nɑ kɑm koosiɑ. Goo kun mɑɑ sinɑmɔ mi. Nɛ, Yinni Gusunɔwɑ nɑ yeni ɡeruɑ.

Amɔsu 1:13

Nɛ, Yinni Gusunɔ nɑ nɛɛ, Amɔnibɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ ɡuriɡibun nukunu bɛsukɑ Gɑlɑdiɔ, sɑɑ ye bɑ Gɑlɑdiɡii ben tem mwɑɑmɔ beɡim mu kɑ yɑsiɑn sɔ̃.

Amɔsu 2:1

Nɛ, Yinni Gusunɔ nɑ nɛɛ, Mɔɑbubɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ Edɔmun sinɑ bokon kukunu dɔ̃ɔ mɛni nu kuɑ torom.

Sofoni 2:14

Yɑɑ sɑbenɑ nu koo sinɑ mi, yɛɛ bwese bwesekɑ ɡesi. Boorosu kɑ duuru bɛɛkunɑ nu koo kpunɑ furɔ si bɑ yen ɡberebɑ kuɑn sɔɔwɔ. Bɑ koo kuuki nɔ sɑɑ fɛnɛntibɑn di. Nɔni swɑ̃ɑrɑ ko n wɑ̃ɑ yen kɔnnɔwɔ. Domi dirun burɑ te bɑ kuɑ kɑ sɛdurun dɑ̃ɑ tɑ koo kɛsikirɑ.

Sofoni 2:7

Domi sɑɑ ye sɔɔ, Gusunɔ, Yudɑbɑn Yinni u koo ben be bɑ tie kpɑrɑ kpɑ u kɑ ben yobu wurɑmɑ. Nim wɔ̃kun ɡoo te, tɑ koo ko beɡiru. Miyɑ bɑ ko n dɑ yɑɑ sɑbenu kpɑre, kpɑ yokɑ bu kpunɑ Asikɑloniɡibun diɑ mi.

Sofoni 3:13

Isireli be bɑ tie, bɑ ǹ mɑɑ kɔ̃sɑ mɔ̀. Bɑ ǹ mɑɑ weesu mɔ̀. Gɑri kɔ̃si yi ǹ ko n wɑ̃ɑ ben nɔsɔ. Bɑ ko n wɛ̃rewɑ, ɡoo kun bu bɑɑsimɔ.

Sɑkɑri 2:13

Wee u koo nu nɔmɑ doke kpɑ nu ɡɔsiɑ bɛɛn yobu. Sɑɑ ye sɔɔrɑ nu koo ɡiɑ mɑ Gusunɔ, wɔllu kɑ tem Yinniwɑ u mɑn ɡɔrimɑ.

Gbɑburu 14:21

Adɑmɑ sere kɑ nɛn wɑ̃ɑru kɑ sere mɑɑ nɛn yiiko ye yɑ tem kpuro yibɑ,

Romu 14:11

Domi bɑ yoruɑ, “Yinni Gusunɔ u nɛɛ, sere kɑ nɛn wɑ̃ɑru, dũuru bɑɑtere tɑ koo yiirɑ nɛn wuswɑɑɔ. Nɔɔ bɑɑɡere ɡɑ koo mɑɑ mɑn bɛɛrɛ wɛ̃.”

Sɔ̃ɔsiru 29:22

kɑ sɔ̃ɔ bisu kɑ bɔru sere bɑ ǹ kpɛ̃ bu ɡɑ̃ɑnu duure, ɡɑ̃ɑnu kun mɑm kpɛ̃ nu kpi mɛ sɔɔ bɑɑ yɑkɑsu su ǹ seemɔ mi. Bɑ mu kpeerɑsiɑwɑ nɡe Sodomu kɑ Gomɔrɑ kɑ Adimɑ kɑ Seboimu, wuu si Yinni Gusunɔ u kpeerɑsiɑ kɑ win mɔru bɑkɑ.

Sɔ̃ɔsiru 29:23

Sɑɑ yerɑ bwese ni, nu koo bikiɑ nu nɛɛ, mbɑn sɔ̃nɑ Yinni Gusunɔ u tem mɛ kuɑ mɛsum. Mbɑn sɔ̃nɑ u mu kpeerɑsiɑ kɑ win mɔru bɑkɑ.