Sofoni 2:3 - Bibeli Gusunɔn Gari

³ Bɛɛ be i tii kɑwe kpuro tem mɛ sɔɔ, i Yinni Gusunɔ kɑsuo. Bɛɛ be i nùn mɛm nɔɔwɛ, i ɡem kɑsuo, kpɑ i tii kɑwɑ. Sɔrɔkudo i ko i yɑri Gusunɔn mɔrun tɔ̃ɔ te sɔɔn di.

Sofoni 2:3 ပူးပေါင်းရင်းမြစ်များ

Sɑmuɛli II 12:22

U bu wisɑ u nɛɛ, sɑɑ ye bii wi, u wɑsi, nɑ nɔɔ bɔkuɑ nɑ swĩ, domi nɑ ǹ yɛ̃ Yinni Gusunɔ ù n koo nɛn wɔnwɔndu wɑ kpɑ u bii wi bɛkiɑ.

Womusu 105:4

I Yinni Gusunɔn dɑm kɑsuo. I kɑsuo i n kɑ nùn wɑ̃ɑ.

Womusu 149:4

Yinni Gusunɔ u win tɔmbu kĩ. U rɑ wɔnwɔndobu bɛɛrɛ wɛ̃ u bu fɑɑbɑ ko.

Womusu 22:26

Kon nun siɑrɑ sɑnɑm mɛ be bɑ nun nɑsie bɑ mɛnnɛ. Kon nɛn nɔɔ mwɛɛnu yibiɑ ben bɑɑwuren wuswɑɑɔ.

Womusu 31:20

Yinni Gusunɔ, wunɛn durom mu kpɑ̃, mɛ ɑ be bɑ nun nɑsie yiiye, kɑ be bɑ ben nɑɑnɛ doke wunɛ sɔɔ. Tɔmbu bɑ koo kpĩ bu wɑ durom mɛ ɑ rɑ bu kue.

Womusu 45:4

Tɑbu kowo dɑmɡii, ɑ wunɛn tɑkobi bɛkio, wunɑ ɑ yiiko kɑ bɛɛrɛ bɑkɑ mɔ.

Womusu 57:1

Womu ɡe Dɑfidi u wom kowobun wiruɡii kuɑ. U womu ɡeni kuɑwɑ sɑnɑm mɛ Sɔɔlu u nùn nɑɑ ɡire u ɡo. Mɑ u dɑ u kukuɑ kpee bɑɑ sɔɔ. Ge wee.

Womusu 76:9

Wunɛn siribu nɔɔrɑ sɑɑ wɔllun di. Sɑnɑm mɛ ɑ seewɑ ɑ tɔmbu siri, mɑ ɑ be bɑ tii kɑwe fɑɑbɑ kuɑ, yerɑ hɑnduniɑn tɔmbu kpuro bɑ bɛrum soorɑ mɑ bɑ tii deri sɛ̃ɛ.

Womusu 91:1

Wunɛ wi Wɔrukoo u kɔ̃su, ɑ wɛ̃rewɑ Dɑm kpuroɡiin tɔbuɔ.

Yɑribu 12:27

i ko bu wisi i nɛɛ, Gɔɔ sɑrɑribun yɑ̃kurɑ te sɑ kɑ Yinni Gusunɔ sɑ̃ɑmɔ, domi u bɛsɛ Isirelibɑn diɑ sɑrɑri, u ǹ sun ɡo sɑnɑm mɛ u Eɡibitiɡibu ɡoomɔ. Yen biru Isirelibɑ bɑ yiirɑ bɑ Gusunɔ sɑ̃wɑ.

Mɔnnu 18:10

Yinni Gusunɔ u sɑ̃ɑwɑ nɡe ɡbɑ̃rɑ dɑmɡiru. Gemɡii ù n dukɑ dɑ mi, u ko n wɑ̃ɑwɑ bɔri yɛndu sɔɔ.

Esɑi 1:17

I seewo i ɡeɑ ko, kpɑ i n ɡem swĩi. I be bɑ dɑm dɔremɔ fɑɑbɑ koowo. I ɡobekubɑ wɛ̃ɛyɔ ye n sɑ̃ɑ beɡiɑ, kpɑ i kɑ ɡɔminibu yinɑ.

Esɑi 11:4

U koo sɑ̃ɑrobu siriɑwɑ dee dee, kpɑ u bwɛ̃ɛbwɛ̃ɛbu ben ɡem wɛ̃. Win ɡɑri yi ko n sɑ̃ɑwɑ nɡe bokuru te u koo kɑ tɔmbu sɛɛyɑsiɑ, kpɑ yi n sɑ̃ɑ nɡe tɑkobi ye yɑ koo tɔn kɔ̃sobu ɡo.

Esɑi 61:1

Yinni Gusunɔn Hunde u kɑ mɑn wɑ̃ɑ. Domi wiyɑ u mɑn ɡɔsɑ n kɑ dɑm sɑriruɡibu lɑbɑɑri ɡeɑ nɔɔsiɑ, kpɑ n be bɑ nuki sɑnkire nukuru yɛmiɑsiɑ, kpɑ n yobu sɔ̃ mɑ bɑ koo bu yɑkiɑ, kpɑ n mɑɑ pirisɔmbɑ sɔ̃ mɑ bɑ koo bu kɑrɑ.

Yeremi 39:18

Nɑ ǹ derimɔ bu nùn ɡo. Kon win wɑ̃ɑru yɑkiɑ, domi u mɑn nɑɑnɛ kuɑ. Nɛ, Yinni Gusunɔwɑ nɑ yeni ɡeruɑ.

Yeremi 45:5

U mɑɑ nɛɛ, ɡɑ̃ɑ bɑkɑnɑ ɑ kɑsu wunɛn tiin sɔ̃? A ku be nu kɑsu. Domi u koo de kɔ̃sɑ yu nɑ yu tɔmbu kpuro wɔri. Adɑmɑ wunɛ u koo wunɛn wɑ̃ɑru yɑrɑ mi ɑ dɑ kpuro. Terɑ tɑ ko n sɑ̃ɑ nɡe wunɛn ɑrumɑni ye ɑ ɡurɑ tɑbu sɔɔ.

Esekiɛli 13:5

Wee bɑ ǹ dere bu ɡbɑ̃rɑrun kuunu kɔre. Bɑ ǹ mɑɑ ɡbɑ̃rɑru bɑnɛ tu kɑ bu ɡɑnɛ nɛ, Gusunɔn mɔrun sɑɑ sɔɔ.

Osee 10:12

Yen sɔ̃ tɛ̃, bɛɛ Isirelibɑ i ɡbee kpɑɑru koowo i ɡem duure. Kpɑ i durom ɡɛ̃. Domi sɑɑ yɑ turɑ i kɑ ɡɔsirɑmɑ nɛ, Yinni Gusunɔn mi, kpɑ n bɛɛ susi n bɛɛ ɡeɑ kuɑ.

Osee 7:10

Ben tii suɑbu sɔ̃ɔsirɑmɔ. Domi bɑ ǹ ɡɔsirɑmɛ nɛ Gusunɔ ben Yinnin mi. Kɑ yen de kpuro, bɑ ǹ mɑn kɑsu.

Yonɑsi 3:9

Sɔrɔkudo Gusunɔ u koo ɡɔ̃ru ɡɔsiɑ kpɑ win mɔru yu sure u kun mɑɑ sun kɑm koosie.

Sɑkɑri 8:19

nɔɔ bɔku ni i rɑ ko suru nnɛse sɔɔ kɑ suru nɔɔbuse sɔɔ kɑ suru nɔɔbɑ yiruse sɔɔ kɑ suru wɔkuruse sɔɔ, nu koo ɡɔsirɑ nuku dobun tɔ̃nu Yudɑɔ. Ni sɔɔrɑ bɑ ko n dɑ tɔ̃ɔ bɑkɑnu di. Adɑmɑ yebɑ kpuro sɔɔ, i de i ɡem kɑ bɔri yɛndu kĩɑ.

Mɑteu 5:5

Doo nɔɔruɡibɑ bèn dɑɑ yɑ du. Beyɑ bɑ koo tem mɛ tubi di.

Tɛsɑlonikɑ I 4:1

Ye n tie nɛɡibu, i ɡiɑ bɛsɛn min di mɛ n weenɛ i n sĩimɔ n kɑ Gusunɔ wɛ̃re, i mɑɑ mɔ̀ mɛ kɔ. Tɛ̃ sɑ yiire sɑ bɛɛ kɑnɑmɔ kɑ Yinni Yesun yĩsiru, i n mɔ̀ mɛ i n dɔɔ.

Tɛsɑlonikɑ I 4:10

Geemɑ, i mɔ̀ mɛ kɑ nɑɑnɛ dokeobu kpuro be bɑ wɑ̃ɑ Mɑsedɔniɔ. Adɑmɑ nɛɡibu, sɑ bɛɛ kɑnɑmɔ, i n mɔ̀ mɛ i n dɔɔ.

Piɛɛ I 1:22

Tɛ̃ ye i tii sɑ̃rɑsiɑ sɑnɑm mɛ i ɡem mɛm nɔɔwɑ, mɑ i bɛɛn nɑɑnɛ dokeosibu kĩ murɑfitiru sɑriru sɔɔ, ǹ n mɛn nɑ, i n kĩɑnɛ ɡem ɡem kɑ bɛɛn ɡɔ̃ru kpuro.

Piɛɛ I 3:4

Adɑmɑ i de bɛɛn burɑru tɑ n sɑ̃ɑ sɔɔkiru te tɑ ǹ kpeemɔ, teyɑ dɑɑ duudwiɑ. Yeniwɑ ɡɑ̃ɑ bɛɛrɛɡinu Gusunɔn wuswɑɑɔ.

Piɛɛ II 3:18

Adɑmɑ i n kpɛ̃ɑmɔ bɛsɛn Yinni Fɑɑbɑ kowo Yesu Kirisin durom sɔɔ kpɑ i n nùn ɡiɑmɔ. Su nùn bɛɛrɛ wɛ̃ tɛ̃n di sere kɑ bɑɑdommɑɔ. Ami.