Sofoni 2:13 - Bibeli Gusunɔn Gari

¹³ U koo win nɔmu dɛmiɛ sɔ̃ɔ yɛ̃sɑn nɔm ɡeuɔ u Asiriɡibu kɑm koosiɑ, kpɑ Ninifu yu ko bɑnsu. Gɑ̃ɑnu kun mɑɑ kpiimɔ mi.

Sofoni 2:13 ပူးပေါင်းရင်းမြစ်များ

Esɑi 10:12

Adɑmɑ nɛ, Yinni Gusunɔ, nɑ̀ n nɛn himbɑ kpuro yibiɑ Siɔnin ɡuurɔ, kɑ Yerusɑlɛmuɔ, kon Asirin sinɑ boko sɛɛyɑsiɑ, win ɡɔ̃ru bɔbunu kɑ win tii suɑbun sɔ̃.

Esɑi 10:16

Yen sɔ̃nɑ nɛ Gusunɔ, wɔllu kɑ tem Yinni, kon de win tɑbu durɔbu bu woorɑ. Kpɑ dɔ̃ɔ u nɑ u bu wukiri sɑnɑm mɛ u wɑ̃ɑ win sinɑndun yiiko sɔɔ.

Esɑi 10:5

Yinni Gusunɔ u nɛɛ, bɔ̃rurobɑ bɛɛ Asiriɡibu. Kon bɛɛ kowɑ nɡe nɛn bokuru te kon kɑ Isirelibɑ sɛɛyɑsiɑ nɛn mɔru yɑ̀ n seewɑ.

Esɑi 11:11

Sɑɑ ye sɔɔ, Yinni Gusunɔ u koo mɑɑ win dɑm sɔ̃ɔsi u kɑ win tɔn be bɑ tie yɑkiɑ be bɑ yɑrinɛ bɑ wɑ̃ɑ Asiriɔ kɑ Eɡibitiɔ kɑ Pɑturɔsiɔ kɑ Etiopiɔ kɑ Elɑmuɔ kɑ Bɑbiloniɔ kɑ Hɑmɑtiɔ Sirin temɔ, kɑ sere be bɑ wɑ̃ɑ nim wɔ̃kun ɡoonɔ.

Esɑi 14:26

Yeniwɑ nɛn himbɑ tɔmbu kpuron sɔ̃. Wee nɑ nɔmu dɛmiɛ n kɑ bwesenu kpuro sɛɛyɑsiɑ.

Esɑi 37:37

Yerɑ Sɑnkeribu, Asirin sinɑ boko u ɡɔsirɑ u dɑ u wɑ̃ɑ Ninifuɔ.

Yeremi 49:33

Hɑsorin wuu ɡɑ koo ko bɑnsu, kpɑ ɡɑ n sɑ̃ɑ ɡbeeku bɔ̃nun wɑ̃ɑ yeru sere kɑ bɑɑdommɑɔ. Goo kun mɑɑ sinɑmɔ mi.

Yonɑsi 1:2

Yonɑsi, ɑ seewo ɑ dɑ Ninifu wuu mɑro bɔkɔ ɡen mi. Kpɑ ɑ nɔɔɡiru suɑ ɑ bu ɡerusi. Domi ben nuku kɔ̃suru tɑ bɑndɑ sere tɑ mɑn ɡirɑri.

Yonɑsi 3:2

Yonɑsi, ɑ seewo ɑ dɑ Ninifu wuu mɑro ɡen mi. Kpɑ ɑ ɡɑri yi ɡere yi kon nun sɔ̃.

Misee 5:6

Isireli be bɑ tiɑrɑ bɑ ko n wɑ̃ɑ tɔn dɑbinun suunu sɔɔ nɡe kɑko ɑrufɑɑniɡiru te Yinni Gusunɔ u derɑ tɑ wɔrumɑ, ǹ kun mɛ nɡe ɡurɑ ye yɑ nɛmɔ tɛɛru, yɑ ǹ ɡɑ̃ɑnu yĩiyɔ tɔnun min di.

Nɑhumu 1:1

Gɑri wee yi Yinni Gusunɔ u ɡeruɑ wuu ɡe bɑ mɔ̀ Ninifun sɔ̃. Nɑhumu Ɛlikosiɡiiwɑ Gusunɔ u derɑ u yi wɑ kɑ̃siru sɔɔ mɑ u yoruɑ.

Nɑhumu 3:15

Bɑɑ ì n yebɑ kpuro kuɑ, kɑ mɛ, dɔ̃ɔ u koo nɑ u bɛɛ di, ǹ kun mɛ bu bɛɛ ɡo kɑ tɑkobi. Bɑ koo bɛɛ kpeerɑsiɑwɑ nɡe mɛ twee yi rɑ dɑ̃ɑ wurusu di. Wee, i dɑbiɑ nɡe twee.

Nɑhumu 3:7

Sɑɑ yerɑ wi u ye wɑ u koo dukɑ su, kpɑ u nɛɛ, Ninifu yɑ kuɑ bɑnsu. Wɑrɑ u koo ye wɔnwɔndu kuɑ. Mɑnɑ kon bu wɑ be bɑ koo ye nukuru yɛmiɑsiɑ.

Sofoni 1:4

Yinni Gusunɔ u mɑɑ nɛɛ, kon Yudɑbɑ kɑ Yerusɑlɛmuɡibu kpuro nɔmɑ doke. Kon bũu wi bɑ mɔ̀ Bɑɑlin sɑ̃ɑ yee ni nu tie kpeerɑsiɑ min di. Kon yen wiruɡibu kɑ yen yɑ̃ku kowobun yĩsɑ ɡo.