Sofoni 2:11 - Bibeli Gusunɔn Gari

¹¹ Wi, Yinni Gusunɔ, u ǹ kɑ bu wɔnwɔndu mɔ̀. U koo hɑnduniɑ kpuron bũnu kɑm koosiɑ. Bɑɑ bwese ni nu wɑ̃ɑ tem burenɔ, nu koo yiirɑ win wuswɑɑɔ nin wusɔ.

Sofoni 2:11 ပူးပေါင်းရင်းမြစ်များ

Torubu 10:5

Yɑfɛtin bwese terɑ tɑ dɑ tɑ sinɑ nim wɔ̃kun bɔkuɔ kɑ tem burenɔ. Miyɑ bɑ mɑrurɑ mɑ ben bɑɑwure u dɑ u sinɑ yɑm tem kɑ win bwese kɛrɑ, bɑ ben bɑrum ɡerumɔ.

Womusu 138:4

Yinni Gusunɔ, sinɑmbu kpurowɑ bɑ koo nun siɑrɑ. Domi bɑ wunɛn ɡɑri nuɑ.

Womusu 72:17

Kpɑ nɛ sinɑ bokon yĩsiru tɑ n yɑrɑ sere kɑ bɑɑdommɑɔ, bɑ n tu soku mɛ̀n nɔɔ sɔ̃ɔ yɑrimɔ. Tɔmbu bɑ̀ n ben winsim domɑru kuɑmmɛ, bɑ n dɑ nɛn yĩsiru soku, kpɑ bwesenu kpuro nu nɛɛ, doo nɔɔruɡiiwɑ nɛ sinɑ boko.

Womusu 86:9

Bwese ni ɑ tɑkɑ kuɑ kpuro nu koo nɑ nu yiirɑ wunɛn wuswɑɑɔ, kpɑ nu wunɛn yĩsiru bɛɛrɛ wɛ̃.

Esɑi 2:20

Tɔ̃ɔ te sɔɔ, tɔmbɑ koo ben bwɑ̃ɑroku ni bɑ sekɑ kɑ sii ɡeesu kɑ wurɑ bɑ sɑ̃ɑmɔ ɡunɔnɡuunu kɑ yɑnkɔ̃su deriɑ.

Esɑi 42:10

I Yinni Gusunɔ wom kpɔɔ kuo. I nùn siɑro hɑnduniɑn ɡoonu nnɛ ye sɔɔ. Hunde koni be bɑ wɑ̃ɑ nim wɔ̃ku sɔɔ, kɑ bɛɛ be i sĩimɔ ɡen wɔllɔ, kɑ sere be bɑ wɑ̃ɑ n tomɑ, i Yinni Gusunɔ siɑro.

Esɑi 42:4

U ǹ mwiɑ kpɑnɑmɔ. U ǹ mɑɑ wɑsirɑmɔ sere u kɑ de ɡem mu n wɑ̃ɑ hɑnduniɑ kpuro sɔɔ, kpɑ tɔn be bɑ wɑ̃ɑ sere mi n tomɑ bɑ n win woodɑbɑ nɑɑnɛ sɑ̃ɑ.

Esɑi 49:1

Bɛɛ be i wɑ̃ɑ i tomɑ, i swɑɑ dɑkio i nɔ. Yinni Gusunɔwɑ mɑn ɡɔsɑ sɑɑ nɛn mɛron nukurun di. U mɑn sokɑ kɑ nɛn yĩsiru ye bɑ mɑn mɑrɑ wurɛ.

Yeremi 10:11

Bɛɛ bwese tukunu, i swɑɑ dɑkio i nɔ, bɛɛn bũu ni, nu ǹ wɔllu kɑ tem tɑkɑ kue. Nin tii nu koo kɑm kowɑ mɑm mɑm.

Yeremi 46:25

Nɛ, Gusunɔ Isirelibɑn Yinni, nɛ wi nɑ wɔllu kɑ tem mɔ, nɑ mɑɑ nɛɛ, kon bũu wi bɑ mɔ̀ Amɔɔ sɛɛyɑsiɑ wi u wɑ̃ɑ Tebɛsiɔ, kɑ Eɡibitin sunɔ, kɑ Eɡibitiɡibu kpuro kɑ ben bũnu kɑ ben sinɑmbu, kɑ sere mɑɑ be bɑ Eɡibitin sunɔ wi nɑɑnɛ sɑ̃ɑ.

Dɑniɛli 11:18

Yen biru, u koo sĩirɑ wuu si su wɑ̃ɑ nim wɔ̃kun bɔkuɔ kpɑ u sin dɑbinu mwɛɛri. Adɑmɑ tɑbu sunɔ ɡoo u koo win dɑm mɛ buɑ sere u kpɑnɑ u mɔru kɔsiɑ.

Osee 2:17

Kon nùn win resɛm ɡbɑɑru wesiɑ te tɑ wɑ̃ɑ Akɔɔn wɔwɑɔ. Yĩsi ten tubusiɑnɑ nɔni swɑ̃ɑrun wɔwɑ. Yerɑ yɑ ko n sɑ̃ɑ win yĩiyɔbun tore, kpɑ u womu ko nɡe sɑnɑm mɛ u yɑrimɑ sɑɑ Eɡibitin di win wɔndiɑru.

Yoɛli 2:11

Nɡe mɛyɑ Yinni Gusunɔ ù n ɡɑri ɡeruɑ win tɑbu kowobun wuswɑɑɔ, bɑ rɑ nùn mɛm nɔɔwɛwɑ. Bɑ dɑbi, bɑ mɑɑ dɑm mɔ. Yen sɔ̃nɑ win tɔ̃ɔ te, tɑ nɑnum mɔ. Wɑrɑ u koo yɔ̃rɑ u tu mɑ.

Sofoni 1:4

Yinni Gusunɔ u mɑɑ nɛɛ, kon Yudɑbɑ kɑ Yerusɑlɛmuɡibu kpuro nɔmɑ doke. Kon bũu wi bɑ mɔ̀ Bɑɑlin sɑ̃ɑ yee ni nu tie kpeerɑsiɑ min di. Kon yen wiruɡibu kɑ yen yɑ̃ku kowobun yĩsɑ ɡo.

Sofoni 3:9

Sɑɑ ye sɔɔ, Yinni Gusunɔ u koo tɔmbun yɑri dɛɛrɑsiɑ kpɑ bu win yĩsiru soku bu nùn sɑ̃ sɑnnu.

Sɑkɑri 13:2

Yen tɔ̃ɔ te, nɛ, Gusunɔ wɔllu kɑ tem Yinni kon bũnun yĩsinu kpeerɑsiɑ tem mɛ sɔɔ kpɑ bu ku rɑɑ mɑɑ nu yɑɑyɑ. Kon mɑɑ nɛn sɔmɔ weesuɡii be bɑ bũu sɑ̃ɑrun kĩru mɔ mi wunɑ.

Sɑkɑri 2:11

Bɛɛ Yerusɑlɛmuɡibu, bɛɛ be i yoru dimɔ Bɑbiloniɔ, i kisirɑmɑ.

Sɑkɑri 8:20

Nɑ mɑɑ wure nɑ nɛɛ, tɔmbu bɑ koo nɑ Yerusɑlɛmuɔ sɑɑ wusu dɑbinun di.

Sɑkɑri 8:23

Nɛ, Gusunɔ wɔllu kɑ tem Yinni nɑ nɛɛ, yen tɔ̃ɔ te, bweseru bɑɑtere sɔɔ, tɔmbu wɔku wɔkubu bɑ ko n Yuu turon yɑbe soo nɛni bɑ n mɔ̀, bɑ koo kɑ nùn dɑ. Domi bɑ nuɑ mɑ nɛ, Gusunɔ nɑ wɑ̃ɑ kɑ wi.

Mɑlɑsi 1:11

Domi hɑnduniɑn ɡoonu nnɛ sɔɔ tɔmbɑ nɛn kpɑ̃ɑru yɛ̃. Bɑɑmɑ bɑ mɑn turɑre dɔ̃ɔ dokeɑmmɛ mɑ bɑ mɑn yɑ̃ku ɡeenu kuɑmmɛ bu kɑ mɑn bɛɛrɛ wɛ̃. Kɑ ɡem tɔmbu kpurowɑ bɑ nɛn kpɑ̃ɑru yɛ̃.

Mɑlɑsi 1:14

Bɔ̃rurowɑ wi u win sɑbenu sɔɔ kinɛ ɡeeru mɔ, mɑ u dɑ u te tɑ ɑlebu mɔ suɑ u kɑ mɑn yɑ̃kuru kuɑ, u kɑ mɑn nɔni wɔ̃ke. Domi nɑ sɑ̃ɑwɑ sinɑ boko. Tɔmbu kpurowɑ bɑ nɛn dɑm nɑsie. Nɛ Gusunɔ wɔllu kɑ tem Yinniwɑ nɑ yeni ɡeruɑ.

Sɔ̃ɔsiru 32:38

ni i rɑ yɑɑ ɡumɡiɑ ɡoowe, kpɑ i nu tɑm wɛ̃ nu nɔ. I nu sokuo nu nɑ nu bɛɛ somi tɛ̃. I de nu duki nɑ nu bɛɛ fɑɑbɑ ko.

Timɔte I 2:8

Yen sɔ̃nɑ nɑ kĩ bɑɑmɑ mi bɑ kɑnɑru mɔ̀ tɔn durɔbu bu tu ko bɑ n nɔmɑ ye yɑ dɛɛre sue wɔllɔ n kun kɑ mɔru n kun kɑ sikirinɔ.

Kɑ̃siru 11:15

Yen biru wɔllun ɡɔrɑdo nɔɔbɑ yiruse u win kɔbɑ so. Yerɑ nɔɔ dɑmɡisu nɔɔrɑ Gusunɔ wɔllɔ su nɛɛ, hɑnduniɑ yenin bɑndɑ kuɑ Gusunɔ bɛsɛn Yinni kɑ win Kirisiɡiru. U ko n bɑndu dii sere kɑ bɑɑdommɑɔ.