Sofoni 1:7 - Bibeli Gusunɔn Gari

⁷ I nɔɔ mɑrio wi, Yinni Gusunɔn wuswɑɑɔ. Domi win tɔ̃ru tɑ turuku kuɑ. U win yɑ̃kuru sɔɔru kuɑ. U mɑɑ ɡɔsɑ be bɑ koo tu di.

Sofoni 1:7 ပူးပေါင်းရင်းမြစ်များ

Yoobu 24:1

Yoobu u mɑɑ nɛɛ, mbɑn sɔ̃nɑ Gusunɔ Dɑm kpuroɡii ku rɑ sɑɑ yi u kɑ tɔmbu siri. Mbɑn sɔ̃nɑ be bɑ nùn mɛm nɔɔwɑmmɛ bɑ ku rɑ sɑɑ ye wɑ.

Womusu 46:10

U tɑbu kpeesiɑ yen ɡoonu nnɛ ye sɔɔ. U tɛnnu kɑ yɑɑsi bɔɔkɑ, mɑ u tɑbu kɛkɛ yi dumi ɡɑwe dɔ̃ɔ mɛni.

Esɑi 13:3

Wee, nɑ nɛn tɑbu kowo be nɑ ɡɔsɑ woodɑ wɛ̃. Nɑ tɑbu durɔ wɔruɡɔ be sokɑ bu kɑ nɛn mɔru suresiɑ, be, be bɑ rɑ n nuku dobu mɔ nɛn kpɑ̃ɑrun sɔ̃.

Esɑi 13:6

I ɡɔɔ swĩiyɔ domi Yinni Gusunɔn tɔ̃ɔ te, tɑ turuku kuɑ. Tɑ sɑ̃ɑwɑ kɑm koo bi bu wee wi, Dɑm kpuroɡiin min di.

Esɑi 2:12

Domi wi, wɔllu kɑ tem Yinniwɑ. U tɔ̃ɔ te yi, tè sɔɔ u koo bɑɑwure siri wi u tii sue, kpɑ u nùn kɑwɑ.

Esɑi 29:2

Adɑmɑ kon nun wɔri, kpɑ wuri kɑ weeweenu nu nɔɔrɑ wunɛ sɔɔ, kpɑ ɑ ko nɡe nɛn yɑ̃ku yeru.

Esɑi 34:5

Yinni Gusunɔn tɑkobi yɑ yɛm debɑ wɔllɔ. Wee, yɑ koo sɑrɑmɑ yu Edɔmubɑ wɔri, be u siri u nɛɛ, bu kɑm koosio.

Esɑi 34:6

Wee, tɑkobi ye, yɑ yɛm kɑ yɑɑ ɡum yibɑ. N sɑ̃ɑre u kɑ yɑ̃ɑnu kɑ bonu yɑ̃kuru mɔ̀ Botisirɑɔ. Tɔn dɑbirɑ bɑ sɑkirɑ Edɔmu kpuro sɔɔ.

Esɑi 6:5

Sɑɑ ye sɔɔrɑ nɑ nɔɔɡiru suɑ nɑ nɛɛ, nɑ kɑm kuɑwɑ. Domi nɛn yɑrɑ yɑ durum sɔɔwɑ, nɑ mɑɑ wɑ̃ɑ tɔmbun suunu sɔɔ bèn yɑri durum sɔɔwɑ mɑ nɑ sere Gusunɔ, wɔllu kɑ tem Yinni wɑ kɑ nɔni wi u sɑ̃ɑ kpuron sunɔ.

Yeremi 46:10

Adɑmɑ tɔ̃ɔ teni, tɑ ko n sɑ̃ɑwɑ Gusunɔ, wɔllu kɑ tem Yinniɡiru. Tɑ ko n sɑ̃ɑwɑ tè sɔɔ u win yibɛrɛbɑ mɔru kɔsiemɔ. Tɑkobi yɑ koo tɔmbu di, kpɑ yu yɛm debu. Tɔn dɑbi te yɑ koo ɡo, Gusunɔ wɔllu kɑ tem Yinnin sɔ̃, tɑ ko n kpĩ nɡe yɑ̃ku yɑɑ Efɑrɑtin dɑɑrun ɡoorɔ, sɔ̃ɔ yɛ̃sɑn nɔm ɡeu ɡiɑ.

Esekiɛli 7:10

Tɔ̃ɔ te wee tɑ tunumɑ, tɑ turuku kuɑ. Bɔbunu kɑ tii suɑbu bu sosimɔ.

Esekiɛli 7:7

Bɛɛ Isirelibɑ, bɛɛ be i wɑ̃ɑ tem mɛ sɔɔ, sɑɑ yɑ turuku kuɑ. Tɔ̃ɔ te, tɑ turuku kuɑ, tɑ ko n sɑ̃ɑwɑ wɑhɑlɑn tɔ̃ru. Tɔ̃ɔ te sɔɔ, nuku dobun kuuki kun mɑɑ nɔɔrɑmɔ ɡuunu wɔllɔ.

Yoɛli 1:15

Yinni Gusunɔn tɔ̃ru tɑ turuku kuɑ. Tɔ̃ɔ te, tɑ sɑ̃ɑwɑ win tɔ̃ru. Te sɔɔrɑ wi, Dɑm kpuroɡii u koo kpuro kɑm koosiɑ. Annɑ ɑ tɔ̃ɔ kɔ̃suru wɑ te tɑ sisi mi.

Yoɛli 2:11

Nɡe mɛyɑ Yinni Gusunɔ ù n ɡɑri ɡeruɑ win tɑbu kowobun wuswɑɑɔ, bɑ rɑ nùn mɛm nɔɔwɛwɑ. Bɑ dɑbi, bɑ mɑɑ dɑm mɔ. Yen sɔ̃nɑ win tɔ̃ɔ te, tɑ nɑnum mɔ. Wɑrɑ u koo yɔ̃rɑ u tu mɑ.

Amɔsu 6:10

Goo ù n win tɔnun ɡoru suɑ yɛnun di u kɑ yɑrɑ u dɔɔ u dɔ̃ɔ mɛni, u koo wi u wɑ̃ɑ yɛnu sɔɔwɔ bikiɑ u nɛɛ, ɡoo mɑɑ tie u wɑ̃ɑ kɑ wunɛ? Kpɑ yɛ̃ro u nùn wisi u nɛɛ, ɡoo sɑri. Kpɑ wini u nɛɛ, ɑ mɑrio. N ǹ weenɛ su Gusunɔn yĩsiru siɑ sɑɑ yeni sɔɔ kpɑ u sun sĩiremɑ.

Amɔsu 8:3

U mɑɑ nɛɛ, yen tɔ̃ɔ te, sinɑ kpɑɑrun womusu koo ɡɔsiɑ nuku sɑnkirɑnun womusu. Kpɑ tɔn dɑbinun ɡonu nu n tɛrie bɑɑmɑ. Kpɑ yɑm mu n mɑɑri sɔ̃ɔ sɔ̃ɔ.

Hɑbɑkuku 2:20

Yinni Gusunɔ u wɑ̃ɑ win sɑ̃ɑ yee dɛɛrɑrɔ. Tɔmbu kpuro bu nɔɔ mɑrio win wuswɑɑɔ.

Sofoni 1:14

Yinni Gusunɔn tɔ̃ɔ nɑnumɡirɑ tɑ turuku kuɑ. Te wee tɑ wee fuuku, tɑ nɔɔɡiru sue. Tɑbu durɔ dɑmɡii u koo kuuki ko dɔmɑ te.

Sɑkɑri 14:1

Bɛɛ Yerusɑlɛmuɡibu, Yinni Gusunɔn tɔ̃rɑ wee. Bɑ koo bɛɛn yɑ̃nu ɡurɑ bu bɔnu ko bɛɛn nɔni biru.

Sɑkɑri 2:13

Wee u koo nu nɔmɑ doke kpɑ nu ɡɔsiɑ bɛɛn yobu. Sɑɑ ye sɔɔrɑ nu koo ɡiɑ mɑ Gusunɔ, wɔllu kɑ tem Yinniwɑ u mɑn ɡɔrimɑ.

Mɑteu 22:4

Mɑ u kpɑm win sɔmɔbu ɡɑbu ɡɔrɑ u nɛɛ, i doo i be nɑ dim sokɑ sɔ̃ nɑ sɔɔru kpɑ, nɑ nɛn nɑɑ kinɛnu kɑ yɑɑ sɑbe ɡumɡinu ɡo. Ye kpuro yɑ sɔɔru kpeerɑ, bu nɑ kurɔ kpɑɑ yerɔ.

Romu 3:19

Tɛ̃ sɑ yɛ̃ mɑ kpuro ye woodɑ yɑ ɡerumɔ, yɑ ye ɡerumɔwɑ be bɑ wɑ̃ɑ yen nɔmuɔn sɔ̃, kpɑ nɔɔ bɑɑɡere ɡu kɑ mɑri, kpɑ bɑɑwure u win dɑɑ tusiɑ Gusunɔn wuswɑɑɔ.

Romu 9:20

Adɑmɑ wɑrɑ rɑ n wunɛ tɔnu, ɑ sere kɑ Gusunɔ sikirinɑ. Mɔndu tɑ koo mɔmɔ bikiɑ tu nɛɛ, mbɑn sɔ̃nɑ u tu kuɑ mɛ?

Filipi 4:5

I de tɔmbu kpuro bu bɛɛn tɔn ɡeeru wɑ, domi Yinnin nɑɑru tɑ turuku koomɑ.

Kolose 1:12

I n Bɑɑbɑ siɑrɑmɔ wi u derɑ i bɔnu mɔ tubi sɔɔ ye Gusunɔ u nɑɑnɛ dokeobu yiiye yɑm bururɑm sɔɔ.

Sɑmuɛli I 16:5

Mɑ Sɑmuɛli u bu wisɑ u nɛɛ, n do ɡbɑ̃ɑ ɡbɑ̃ɑ. Nɑ nɑwɑ n kɑ Yinni Gusunɔ yɑ̃kuru kuɑ. I bɛɛn tii disi wunɑrio kpɑ i nɑ yɑ̃ku yerɔ. Mɑ Sɑmuɛli u mɑɑ Isɑi kɑ win bii tɔn durɔbu sokɑ. Bɑ tii disi wunɑri bɑ nɑ yɑ̃ku yeru mi.

Sɑmuɛli I 20:26

Tɔ̃ɔ te sɔɔ, Sɔɔlu kun ɡɑ̃ɑnu ɡeruɑ, domi u tɑmɑɑ, u disi mɔwɑ. Yiyɑ yi ko n nùn yinɑri.