Sofoni 1:15 - Bibeli Gusunɔn Gari

¹⁵ Tɔ̃ɔ te, tɑ sɑ̃ɑwɑ mɔrun tɔ̃ru. Tɔ̃ɔ te, tɑ sɑ̃ɑwɑ nuku sɑnkirɑnun tɔ̃ru. Tɑ sɑ̃ɑwɑ kɑm kobun tɔ̃ru. Tɔ̃ɔ te, yɑm wɔ̃kurɑ koo tu wukiriwɑ nɡe bukɔ kɑ ɡuru winu.

Sofoni 1:15 ပူးပေါင်းရင်းမြစ်များ

Esɑi 13:9

Wee Yinni Gusunɔn tɔ̃ru tɑ sisi. Tɔ̃ɔ te, tɑ sɑ̃ɑwɑ nɔni swɑ̃ɑruɡiru tè sɔɔ u koo win mɔru bɑkɑ sɔ̃ɔsi. U koo durumɡibu kpeerɑsiɑ, kpɑ tem mɛ, mu ko bɑnsu.

Esɑi 22:5

Tɔ̃ɔ teni sɔɔ, Gusunɔ, wɔllu kɑ tem Yinni u derɑ sɑ nɔni sɔ̃ɔre, sɑ burisinɛ, sɑ wɑ̃ɑ biti sɔɔ wɔwɑ yeni sɔɔ mi bɑ rɑ kɑ̃si. Bɑ ɡɑni kɔsukumɔ mɑ sɑ nɔɔɡiru sue sɑ fɑɑbɑ kɑnɑmɔ ɡuunun berɑ ɡiɑ.

Esɑi 8:22

ǹ kun mɛ temɔ, kpɑ bu deemɑ yɑm wɔ̃kuru kɑ nuku sɑnkirɑnɑ kpuro. Ben ɡoo kun kisirɑmɔ yɑm wɔ̃ku bɑkɑ ten min di.

Yeremi 30:7

Annɑ ɑ wɑhɑlɑ bɑkɑ wɑ yɑ wee. Tɔ̃ɔ te, tɔ̃ɔ kɔ̃surɑ. Tɑ ǹ kɑ tɔ̃ru ɡɑru weenɛ. Te sɔɔrɑ Isirelibɑ bɑ koo nɔni swɑ̃ɑ bɑkɑru wɑ. Adɑmɑ kɑ mɛ, kon bu fɑɑbɑ ko.

Yoɛli 2:11

Nɡe mɛyɑ Yinni Gusunɔ ù n ɡɑri ɡeruɑ win tɑbu kowobun wuswɑɑɔ, bɑ rɑ nùn mɛm nɔɔwɛwɑ. Bɑ dɑbi, bɑ mɑɑ dɑm mɔ. Yen sɔ̃nɑ win tɔ̃ɔ te, tɑ nɑnum mɔ. Wɑrɑ u koo yɔ̃rɑ u tu mɑ.

Yoɛli 2:2

Tɔ̃ɔ te, tɑ tĩriwɑ. Tɑ ɡuru wiru kɑ bukɔ sɔɔwɑ. Mɑ twee wuurɑ wee yi dɑbi, yi mɑɑ dɑm mɔ. Yin wuu te, tɑ tĩriwɑ nɡe yɑm wɔ̃kurɑ ɡuuru wukiri. Sɑ ǹ yen bweseru wɑɑre. Sɑ ǹ mɑɑ yen bweseru wɑsi.

Sofoni 1:18

Yen dɔmɑ te, ben sii ɡeesu ǹ kun mɛ ben wurɑ, yen ɡɑɑ kun kpɛ̃ yu bu wɔrɑ Yinni Gusunɔn mɔru bɑkɑ yen min di. Tem mɛ kpuro mu koo dɔ̃ɔ mwɑɑrɑ win mɔrun sɔ̃. U koo mɛn tɔmbu kpuro ɡowɑ subɑru sɔɔ.

Sofoni 2:2

Yinni Gusunɔn himbɑ yu sere koorɑ. Kpɑ tɔ̃ɔ te, tu ku rɑɑ bɛɛ sɑmbɑ ko nɡe doo sɑko ɡe ɡɑ kɑ woo doonɔ. I de i sinɑ i bwisiku Yinni Gusunɔn mɔru bɑkɑ yen tɔ̃ru tu sere tunumɑ tu bɛɛ deemɑ.

Mɑteu 24:29

Mɑ Yesu mɑɑ nɛɛ, sɑnɑm mɛn nɔni swɑ̃ɑrun biru, mii mii sɔ̃ɔ koo yɑm tĩrɑ, suru kun mɑɑ win yɑm bururɑm sɔ̃ɔsimɔ, kperi koo wɔrumɑ wɔllun di kpɑ wɔllun dɑm mu yĩiri.

Romu 2:5

Adɑmɑ yèn sɔ̃ wunɛn ɡɔ̃ru ɡɑ bɔɔbu ɡɑ deɡɑnɡɑm yibɑ, ɑ wunɛn tii mɔru mɛnnɑmmɛwɑ Gusunɔn mɔrun tɔ̃run sɔ̃ tè sɔɔ u koo tɔmbu siri dee dee

Sɔ̃ɔsiru 28:52

Bɑ koo bɛɛ tɑrusiwɑ bɑɑmɑ mi i wɑ̃ɑ kpuro sere bɛɛn ɡbɑ̃rɑ dɑmɡii ni i nɑɑnɛ sɑ̃ɑ nu kɑ wɔruku. Bɑ koo bɛɛ tɑrusiwɑ tem mɛ kpuro sɔɔ mɛ Yinni Gusunɔ u bɛɛ wɛ̃.

Piɛɛ II 3:7

Kɑ ɡɑri tee yiyɑ bɑ mɑɑ kɑ tɛ̃n wɔllu kɑ tem yii dɔ̃ɔn sɔ̃, sere tɔ̃ɔ te Gusunɔ u koo be bɑ ǹ win bɛɛrɛ yɛ̃ siri, kpɑ u bu kɑm koosiɑ.

Kɑ̃siru 6:17

Domi ben mɔrun tɔ̃ɔ bembere te, tɑ tunumɑ. Wɑrɑ u koo kpĩ u yɔ̃rɑ u tu mɑ.