Sofoni 1:13 - Bibeli Gusunɔn Gari

¹³ Bɑ koo ben ɑrumɑni ɡurɑ kpɑ ben yɛnusu su ko bɑnsu. Bɑ koo diɑ bɑni yè sɔɔ bɑ ǹ sinɑmɔ. Bɑ koo resɛm duure, ɑdɑmɑ bɑ ǹ yen tɑm nɔrumɔ.

Sofoni 1:13 ပူးပေါင်းရင်းမြစ်များ

Esɑi 6:11

Mɑ nɑ nɛɛ, Yinni, sere sɑɑ yerɑ̀ yɑ ko n sɑ̃ɑ mɛ. Mɑ u mɑn wisɑ u nɛɛ, sere wuu sinin tɔmbu bɑ̀ n ɡbisukɑ, kpɑ su ko bɑnsu, kpɑ tem mɛ kpuro mu kɑm ko.

Yeremi 15:13

Kon de yibɛrɛbɑ bu nɑ bu tem mɛn ɑrumɑni kpuro ɡurɑ nɛn tɔmbun durum sɔ̃ ye bɑ kuɑ tem mɛ kpuro sɔɔ.

Yeremi 17:3

Yen sɔ̃nɑ nɛ, Yinni Gusunɔ, kon nɛn ɡuu tèn mi bɑ rɑ mɑn sɑ̃, kɑ ben dukiɑ kɑ ben ɡbeɑ kɑ ɡunɡunu mi bɑ rɑ bũnu sɑ̃ yibɛrɛbɑ nɔmu bɛriɑ, ben durum yen sɑɑbu ye bɑ kuɑ ben tem mɛ kpuro sɔɔ.

Yeremi 4:20

Bɑ sun nɔɔsiɑmɔ mɑ bɑ wuu dɑbinu kɔsukɑ. Tem mɛ kpuro mu kɑm kobu dɔɔwɑ. Subɑru sɔɔrɑ bɑ nɑ bɑ bɛsɛn tɑbu kowobun kuu bekuruɡinu wukurɑ. Mɑ bɑ nu ɡurɑ bɑ kɑ doonɑ.

Yeremi 4:7

Yibɛrɛ be bɑ rɑ bwesenu kɑm koosie bɑ seewɑ ben wɑ̃ɑ yerun di nɡe ɡbee sunɔ ɡe ɡɑ tii dɛmiɑmɔ ɡen bweun di, bɑ wee bu kɑ tem mɛ kɑm koosiɑ. Bɛɛ Yudɑbɑ, bɑ koo bɛɛn wusu kɔsuku kpɑ su ko bɑnsu.

Yeremi 5:17

Bwese te, tɑ koo bɛɛn dĩɑnu kɑm koosiɑ, kɑ bɛɛn bibu, kɑ bɛɛn yɑɑ sɑbenu, kɑ bɛɛn dɑ̃ɑ mɑrum, kpɑ bu bɛɛn wuu si su ɡbɑ̃rɑnu mɔ tɑbu wɔri, bu kɔsuku, sì sɔɔ bɛɛn yĩiyɔbu wɑ̃ɑ.

Yeremi 9:11

Wɑrɑ u bwisi mɔ u kɑ ye tubusiɑ. Yinni Gusunɔ ù n kɑ yɛ̃ro ɡɑri kuɑ, u ɡeruo yèn sɔ̃ tem mɛ, mu kuɑ bɑnsu mi ɡoo ku rɑ mɑɑ sɑre.

Yeremi 9:19

Bɛɛ kurɔbu, i Yinni Gusunɔn ɡɑri nɔɔwɔ. Kpɑ i swɑɑ dɑki i nɔ ye u ɡerumɔ. I bɛɛn wɔndiɑbɑ wuri sɔ̃ɔsio, i ɡɔɔ wuri sɔ̃ɔsinɔ.

Swĩi 5:2

Bɛsɛn tem mɛ ɑ sun wɛ̃ mu kuɑ ɡɑbuɡim. Tɔn tukobɑ bɑ wɑ̃ɑ bɛsɛn diɑɔ.

Esekiɛli 22:31

Kon bu mɔru seesiwɑ. Nɑ ǹ yɔ̃rɑmɔ sere nɛn mɔru yu kɑ kpe. Kon de bu bu ben dɑɑn ɑre kɔsie. Nɛ, Yinni Gusunɔwɑ nɑ yeni ɡeruɑ.

Esekiɛli 7:19

Bɑ koo ɡobi kɔ̃ swɛɛ sɔɔ, kpɑ bu ben wurɑbɑ ɡɑrisi nɡe kubɑnu, domi sii ɡeesu ǹ kun mɛ wurɑ yen ɡɑɑ kun kpɛ̃ yu bu fɑɑbɑ ko Gusunɔn mɔrun tɔ̃ru sɔɔ. Bɑ ǹ ɡɑ̃ɑnu wɑsi ye yɑ koo bu debu, ǹ kun mɛ ye yɑ koo ben binɛ kpunɑsiɑ, domi sii ɡeesu kɑ wurɑ yerɑ yɑ derɑ bɑ torɑ.

Esekiɛli 7:21

Kon de tɔn tukobu bu ben dukiɑ ye ɡurɑ, kpɑ be bɑ ǹ Gusunɔn bɛɛrɛ yɛ̃ bu ye tubi di bu ye kpuro disi doke.

Esekiɛli 7:24

Kon bwesenu sokumɑ ni nu nuku kɔ̃suru bo, kpɑ nu bɛɛn yɛnusu mwɛɛri. Kon bɛɛn dɑmɡibun tii suɑbu kpeesiɑ. Kpɑ n de bu bɛɛn sɑ̃ɑ yenu disi doke.

Amɔsu 5:11

I rɑ bwɛ̃ɛbwɛ̃ɛbu dɑm dɔre, i n ben ɡbeɑn dĩɑnu mwɛɛrimɔ kɑ dɑm. Yen sɔ̃, i ǹ sinɑmɔ bɛɛn diɑ sɔɔ ye i bɑnɑ kɑ kpee ni i dɑ̃kɑ. Mɛyɑ i ǹ mɑɑ bɛɛn resɛm ye i duurɑn bii duronun tɑm nɔrumɔ.

Misee 3:12

Tɛ̃, bɛɛn sɔ̃, bɑ koo Siɔni kɛrɑ nɡe ɡbee te bɑ wukɑ. Kpɑ Yerusɑlɛmu yu ko bɑnsu. Kpɑ ɡuu te tɑ wɑ̃ɑ sɑ̃ɑ yerɔ tu kikisu kpi.

Misee 6:15

I ko i duure, ɑdɑmɑ i ǹ ɡɛ̃ɛmɔ. I ko i olifi ɡɑmɑ, ɑdɑmɑ i ǹ wɑsi i yen ɡum sɑwɑ. I ko i resɛm tɑm wĩɑ, ɑdɑmɑ i ǹ wɑsi i mu nɔ.

Sofoni 1:9

Yen tɔ̃ɔ te, be bɑ ku rɑ sɑ̃ɑ yerun kɔnnɔ suuku tɑɑrɑm kɑ̃ nɡe bũu sɑ̃ɔbu, kɑ sere be bɑ ben sunɔn yɛnu dukiɑ yibiɑmɔ ye bɑ ɡurɑmɑ kɑ ɡbɛnɑ, kɑ dɑm dibu, be kpurowɑ u koo wɔri.

Sɔ̃ɔsiru 28:30

Bɛɛn ɡoo ù n kurɔ wɑ, ɡoowɑ u koo nùn suɑ. Goo ù n diru bɑnɑ, ɡoowɑ u koo du te sɔɔ. Goo ù n mɑɑ resɛm ɡbɑɑru kuɑ, ɡoowɑ u koo ten dɑ̃ɑ binu di.

Sɔ̃ɔsiru 28:39

I ko i resɛm ɡbɑɑnu ko i nu nɔɔri, ɑdɑmɑ i ǹ nin binun tɑm nɔrumɔ, mɛyɑ i ǹ mɑɑ nin dɑ̃ɑ mɑrum wɑsi i sɔri domi kɔkɔnɑ nu koo mu di.

Sɔ̃ɔsiru 28:51

Tɑ koo bɛɛn yɑɑ sɑbenu kɑ bɛɛn ɡbeɑn dĩɑnu mwɛɛriwɑ sere tu kɑ bɛɛ kɑm koosiɑ. Tɑ ǹ bɛɛ dĩɑnu ɡɑnu deriɑmmɛ ǹ kun mɛ ɡum ǹ kun mɛ tɑm ǹ kun mɛ yɑɑ sɑberu.