Sofoni 1:11 - Bibeli Gusunɔn Gari

¹¹ Bɛɛ Mɑkitɛsiɡibu, i wuri koowo. Domi tenkubɑ kpuro bɑ koo kɑm ko. Be bɑ ɡobi kɔsimɔ kpuro bɑ koo kpeerɑ.

Sofoni 1:11 ပူးပေါင်းရင်းမြစ်များ

Yoobu 27:16

Bɑɑ bɑ̀ n ɡobi wɑɑmɔ nɡe tuɑ, mɑ bɑ yɑ̃nu ɡurɑmɔ nɡe yɑnim,

Yoobu 27:17

ɡemɡiiwɑ u koo yɑ̃ɑ ni dendi, kpɑ u ɡobi yi di.

Yeremi 25:34

Bɛɛ, win tɔmbun kpɑrobu, i wuri koowo, i bindio temɔ. Domi tɔ̃rɑ tunumɑ tè sɔɔ bɑ koo bɛɛ sɑkiri. I ko i wɔrumɑ i kɔsikirɑ nɡe tem mɔn weke burɑru.

Yeremi 4:8

I sɑɑki sebuo nuku sɑnkirɑnun sɔ̃ kpɑ i swĩ i weeweenu ko, domi Yinni Gusunɔn mɔru kun sun doonɑrimɔ.

Esekiɛli 21:12

Bɑ̀ n nun bikiɑ mbɑn sɔ̃nɑ ɑ weeweenu mɔ̀, kɑɑ bu wisiwɑ ɑ nɛɛ, lɑbɑɑri kɔ̃sɑ ɑ nuɑ. Yɑ koo mɑɑ tunumɑ. Kpɑ tɔmbun toronu nu kɑrɑ. Bɑ koo ɡɔmɑ dwiiyɑ. Kpɑ ben wɔruɡɔru tu kpe, bu dũunu soonɑ. Wee, yɑ koo nɑ yɑ mɑm tunumɑ. Nɛ, Yinni Gusunɔwɑ nɑ yeni ɡeruɑ.

Osee 9:6

Ì n bɛɛn yɛnusu deri bɑnsu, Eɡibitiɡibɑ koo bɛɛ dɑm koosiɑ ben mi. Adɑmɑ yen wuu ɡe bɑ mɔ̀ Mɛnfisi ɡɑ ko n sɑ̃ɑwɑ nɡe bɛɛn sikiru. Awĩi yi koo bɛɛn ɑrumɑni di. Kpɑ sɑ̃ki yi kpi bɛɛn kunɔ.

Yoɛli 1:13

Bɛɛ Yinni Gusunɔn sɔm kowobu, yɑ̃ku kowobu, i sɑɑki sebuo i kɑ kpunɑ wɔ̃ku ɡiriru nuku sɑnkirɑnun sɔ̃. Domi wee bɑ ku rɑ mɑɑ kɑ ɑlikɑmɑ kɑ tɑm kɛ̃nu nɛ Gusunɔ bɛsɛn Yinnin sɑ̃ɑ yerɔ.

Yoɛli 1:5

Bɛɛ be tɑm mu ɡoomɔ, i dom yɑndo kpɑ i swĩ. Bɛɛ tɑm nɔrobu, i weeweenu koowo. Domi tɑm mu koo kpe resɛm biɑrun sɔ̃.

Sofoni 2:5

Bɛɛ Keretin bweseru, bɛɛ be i wɑ̃ɑ nim wɔ̃kun ɡoorɔ, i kɑm kuɑwɑ. Wunɛ mɑɑ Kɑnɑni, wunɛ wi ɑ sɑ̃ɑ Filisitibɑn tem, Yinni Gusunɔ u nun ɡerusimɔ. U nɛɛ, u koo nun kpeerɑsiɑ. Goo kun mɑɑ sinɑmɔ wunɛ sɔɔ.

Sɑkɑri 14:21

Wekenu kpuro nu ko n sɑ̃ɑwɑ Gusunɔ, wɔllu kɑ tem Yinniɡinu Yerusɑlɛmuɔ kɑ Yudɑɔ. Be bɑ koo yɑ̃kuru nɑ, berɑ bɑ ko n dɑ nu sue bu kɑ ben yɑ̃ku yɑɑ yike. Yen tɔ̃ɔ te sɔɔ, bɑ ǹ mɑɑ tenkubɑ wɑsi sɑ̃ɑ yeru mi, bɑ n yɑ̃nu dɔrɑmɔ.

Yohɑnu 2:16

Mɑ u totobɛrɛ dɔrobu sɔ̃ɔwɑ u nɛɛ, i kɑ yɑbu ye kpuro yɑrio min di, i ku nɛn Bɑɑbɑn yɛnu ɡɔsiɑ yɑburu.

Yɑkɔbu 5:1

Tɛ̃ bɛɛ dukiɑɡibu, i mɑn swɑɑ dɑkio. I swĩiyɔ kpɑ i n ɑrɑru mɔ̀ wɑhɑlɑ ye yɑ bɛɛ sisien sɔ̃.