Sɑmuɛli II 8:4 - Bibeli Gusunɔn Gari

⁴ Yerɑ Dɑfidi u durɔ win mɑɑsɔbu tɔmbu nɔrɔbu kɑ nɑtɑ kɑ wunɔbu (1.700) mwɑ kɑ mɑɑ nɑɑnɑɑkobu nɔrɔbun subɑ yɛndu (20.000). Mɑ u tii dumi wunɔbu (100) yiiyɑ ben dumi sɔɔ, mɑ u yi yi tien nɑɑ sĩinu bɔɔrɑ.

Sɑmuɛli II 8:4 ပူးပေါင်းရင်းမြစ်များ

Torubu 49:6

Bɛɛn mɔrun sɔ̃ i tɔmbu ɡo. Bɛɛn nuku kɔ̃surun sɔ̃ i kɛtɛ kinɛnun nɑɑ sĩinu bɔɔrɑ. Yen sɔ̃, nɛn ɡɔ̃ru ɡu ku rɑɑ du bɛɛn kɑnkɑm wesiɑnɔ sɔɔ. Nɛn bwɛ̃rɑ yu ku rɑɑ kɑ bɛɛ mɛnnɛ.

Sinɑmbu I 10:26

Mɑ Sɑlomɔɔ u tɑbu kɛkɛbɑ kɑsu yi dumi ɡɑwe kɑ mɑɑ mɑɑsɔbu. Tɑbu kɛkɛ yen ɡeerɑ sɑ̃ɑwɑ nɔrɔbu kɑ nɛɛru (1.400). Mɑɑsɔ be, bɑ mɑɑ sɑ̃ɑ nɔrɔbun subɑ wɔkurɑ yiru (12.000). Mɑ u mɑɑsɔ be yi yi wuu mɑrosɔ mi win tɑbu kɛkɛ yi wɑ̃ɑ kɑ sere mɑɑ Yerusɑlɛmuɔ mi win tii u wɑ̃ɑ.

Bɑndun Gɑri I 18:4

Mɑ Dɑfidi u nùn tɑbu kɛkɛ nɔrɔbu (1.000) mwɑɑri ye dumi ɡɑwe, kɑ mɑɑsɔbu nɔrɔbun subɑ nɔɔbɑ yiru (7.000), kɑ nɑɑnɑɑkobu nɔrɔbun subɑ yɛndu (20.000). Mɑ u ben dumi kpuron nɑɑ sĩinu bɔɔrɑ mɑ n kun mɔ wunɔbu (100) yi u tii deriɑ.

Womusu 20:7

Tɛ̃, nɑ yɛ̃ mɑ wunɑ ɑ sinɑ boko ɡɔsɑ, ɑ rɑ mɑɑ nùn somi. Wunɑ ɑ rɑ win kɑnɑru nɔ sɑɑ wɔllun di, kpɑ ɑ nùn nɑsɑrɑ wɛ̃ kɑ wunɛn dɑm bɑkɑm.

Sɔ̃ɔsiru 17:16

Sinɑ boko wi, u ǹ ko u n dumi mɔ dɑbi dɑbiru. U ǹ ko u n dɑ mɑɑ ɡɑbu ɡɔri Eɡibitiɔ bu dumi dweemɑ. Domi Yinni Gusunɔ u bɛɛ sɔ̃ɔwɑ u nɛɛ, u ǹ kĩ i mɑɑ wurɑ mi.

Yosue 11:6

Yerɑ Yinni Gusunɔ u Yosue sɔ̃ɔwɑ u nɛɛ, ɑ ku ben bɛrum ko. Siɑ ɑmɑdɑɑre kon bɛɛ bu nɔmu sɔndiɑ, kpɑ i bu mwɛɛri i ɡo, kpɑ i ben dumin nɑɑ sĩinu bɔɔri, yen biru i ben tɑbu kɛkɛ be dumi ɡɑwe dɔ̃ɔ mɛni.

Yosue 11:9

Yosue u kuɑwɑ nɡe mɛ Yinni Gusunɔ u nùn sɔ̃ɔwɑ. U tɔn ben dumin nɑɑ sĩinu bɔɔrɑ mɑ u tɑbu kɛkɛ be dumi ɡɑwe mi dɔ̃ɔ mɛni.