Sɑmuɛli II 5:6 - Bibeli Gusunɔn Gari

⁶ Sɔ̃ɔ teeru Dɑfidi sinɑ boko u seewɑ kɑ win tɔmbu bɑ dɑ Yerusɑlɛmuɔ bu kɑ Yebusibɑ tɑbu wɔri. Adɑmɑ Yebusi be, bɑ nɛɛ, u ǹ kpɛ̃ u du mi. Domi bɑɑ wɔ̃kobu kɑ yɛmɔbu bɑ koo nùn ɡirɑ.

Sɑmuɛli II 5:6 ပူးပေါင်းရင်းမြစ်များ

Torubu 14:18

Mɑ Mɛɛkisidɛki, Sɑlɛmun sunɔ u kɑ pɛ̃ɛ nɑ mi kɑ tɑm. Durɔ wi sɑ̃ɑwɑ Wɔrukoon yɑ̃ku kowo.

Sɑmuɛli II 22:30

A rɑ mɑn dɑm kɛ̃ n kɑ kpĩ n yibɛrɛ be bɑ tɑbu yɑ̃nu mɔ wɔri, kpɑ n yɔ̃ n ben ɡbɑ̃rɑru sure.

Mɔnnu 21:22

Bwisiɡii u rɑ kpĩ u du tɑbu durɔbun wuuɔ, kpɑ u ben dɑm buɑ mɛ bɑ nɑɑnɛ sɑ̃ɑ.

Yeremi 21:13

Kon Yerusɑlɛmuɡibu wɔri. Be, be bɑ wɑ̃ɑ wɔwɑ sɔɔ kperun wɔllɔ, bɑɑ bɑ̀ n ɡerumɔ bɑ mɔ̀, wɑrɑ u koo kpĩ u du ben wɑ̃ɑ yerɔ, u ben kuku yeru turi.

Yeremi 37:10

Bɑɑ bɑ̀ n Bɑbilonin tɑbu kowo be kɑmiɑ, kpɑ n tie be bɑ mɛɛrɑ kuɑ, kɑ mɛ, bɑ koo se sɑɑ ben kuu bekuruɡinun di bu wuu ɡe dɔ̃ɔ mɛni.

Heberu 7:1

Mɛɛkisidɛki wi, u sɑ̃ɑwɑ Sɑlɛmun sunɔ kɑ Wɔrukoon yɑ̃ku kowo. Ye Aburɑhɑmu u sinɑmbu tɑbu diimɑ u wee, yerɑ Mɛɛkisidɛki nùn sennɔ dɑ u nùn domɑru kuɑ.

Yosue 10:3

Yen sɔ̃nɑ Adoni Sedɛki, Yerusɑlɛmun sunɔ wi, u sinɑm beni ɡɔriɑ. Beyɑ Hohɑmu Heboronin sunɔ, kɑ Pireɑmu Yɑɑmutin sunɔ, kɑ Yɑfiɑ Lɑkisin sunɔ kɑ Debiri Eɡolonin sunɔ.

Yosue 15:63

Adɑmɑ Yudɑn bibun bweseru, bɑ ǹ kpĩɑ bɑ Yebusibɑ ɡire be bɑ wɑ̃ɑ Yerusɑlɛmuɔ. Yen sɔ̃nɑ bɑ wɑ̃ɑ sere kɑ ɡisɔn ɡisɔ, kɑ Yudɑbɑ sɑnnu.

Yosue 18:28

kɑ Selɑ, kɑ Elɛfu, kɑ Yebusi ye bɑ mɑɑ mɔ̀ Yerusɑlɛmu, kɑ Gibeɑ kɑ Kiriɑti. Si kpuro su sɑ̃ɑwɑ wusu wɔkurɑ nnɛ, ɡen bɑɑɡere kɑ ɡen bɑru kpɑɑnu. Yeni kpurowɑ n kuɑ Bɛnyɑmɛɛn bwese kɛrɑn tubi.

Kpɑrobu 1:21

Adɑmɑ Bɛnyɑmɛɛbɑ bɑǹ kpĩɑ bɑ Yebusibɑ ɡire sɑɑ Yerusɑlɛmun di. Yerɑ n derɑ bɑ kɑ wɑ̃ɑ ben suunu sɔɔ sere kɑ ɡisɔn ɡisɔ.

Kpɑrobu 1:8

Yenibɑ kpuron biru Yudɑbɑ bɑ Yerusɑlɛmu wɔri bɑ ye kɑmiɑ. Yen dɔmɑ te, bɑ yen tɔmbu ɡo mɑ bɑ wuu ɡe dɔ̃ɔ mɛni.