Sɑmuɛli II 5:19 - Bibeli Gusunɔn Gari

¹⁹ Mɑ Dɑfidi u Yinni Gusunɔ bikiɑ u nɛɛ, n doo n Filisiti be wɔri? Kɑɑ mɑn bu nɔmu bɛriɑ? Mɑ Yinni Gusunɔ u nùn wisɑ u nɛɛ, ɑ doo, kon nun bu nɔmu bɛriɑ.

Sɑmuɛli II 5:19 ပူးပေါင်းရင်းမြစ်များ

Sɑmuɛli II 2:1

Yenibɑ kpuron biru ye yɑ koorɑ wee. Dɑfidi u Yinni Gusunɔ bikiɑ u nɛɛ, n doo n Yudɑn wuu ɡɑɡu mwɑ? Mɑ Yinni Gusunɔ u nɛɛ, oo, ɑ doo. Mɑ u nɛɛ, ɡen ɡeren miyɑ kon dɑ. Yinni Gusunɔ u nùn wisɑ u nɛɛ, ɑ doo Heboroniɔ.

Mɔnnu 3:6

A de ɑ n win bwisikunu mɔ wunɛn kookoosu kpuro sɔɔ, kpɑ u wunɛn swɑɑ sɔmɛ.

Sɑmuɛli I 23:2

Yerɑ Dɑfidi u Yinni Gusunɔ bikiɑ u nɛɛ, kon kpĩ n dɑ n Filisiti be wɔri? Mɑ Yinni Gusunɔ u nùn wisɑ u nɛɛ, oo, ɑ doo ɑ bu wɔri. Kɑɑ bu kɑmiɑ kpɑ ɑ Keilɑ wɔrɑ.

Yɑkɔbu 4:15

Mɛ n weenɛ i ɡere wee. Yinni Gusunɔ ù n kĩ, mɑ i wɑ̃ɑ, i ko yeni ko, ǹ kun mɛ yeɔnɔ.

Sinɑmbu I 22:6

Sɑɑ yerɑ Isirelibɑn sinɑ boko u sɔmɔbu mɛnnɑ nɡe tɔnu nɛɛrun (400) sɑkɑ. Mɑ u bu bikiɑ u nɛɛ, n doo Rɑmɔtiɔ Gɑlɑdin temɔ n kɑ Siriɡibu tɑbu ko? Nɡe n ku dɑ. Yerɑ sɔmɔ be, bɑ nùn wisɑ bɑ nɛɛ, ɑ doo. Yinni Gusunɔ u koo nun ye nɔmu bɛriɑ.

Sɑmuɛli II 5:23

Mɑ Dɑfidi u Yinni Gusunɔ bikiɑ u nɛɛ, n doo n bu wɔri kpɑm? Mɑ Yinni Gusunɔ u nùn wisɑ u nɛɛ, oo, ɑdɑmɑ ɑ ku dɑ sɔru sɔrum mɛ. A besiro kpɑ ɑ dɑ ben biruɔ, ɑ n wɑ̃ɑ dɑ̃ɑ ye bɑ mɔ̀ miren sɔ̃ɔwɔ.

Sɑmuɛli I 28:6

Mɑ u Yinni Gusunɔ kɑnɑ u nùn sɔ̃ɔsi ye u koo ko. Adɑmɑ u ǹ nùn wisɑ dosu sɔɔ, ǹ kun mɛ yɑ̃ku kowon min di, ǹ kun mɛ win sɔmɔ ɡoon min di.

Sɑmuɛli I 23:4

Yerɑ Dɑfidi u mɑɑ Yinni Gusunɔ bikiɑ u nɛɛ, n doo n Keilɑ ye wɔrɑ? Mɑ Yinni Gusunɔ u nùn wisɑ u nɛɛ, oo, ɑ seewo ɑ dɑ ɑ Filisiti be wɔri. Domi nɑ nun bu nɔmu bɛriɑ.

Sɑmuɛli I 22:15

Gisɔrɑ nɑ bikiɑru toruɑ Yinni Gusunɔn mi win sɔ̃? Ǹ n mɛn nɑ, yinni, ɑ ku mɑn ɡɑri yini sɔbi, ǹ kun mɛ nɛn yɛnuɡii ɡoo. Nɑ ǹ yi yɛ̃, bɑɑ fiiko.