Sɑmuɛli II 23:3 - Bibeli Gusunɔn Gari

³ Gusunɔ, Isirelibɑn Yinni wi u rɑ bu kɔ̃su, u mɑn sɔ̃ɔwɑ u nɛɛ, sunɔ wi u tɔmbu kpɑrɑmɔ ɡem swɑɑ sɔɔ, mɑ win tii u Gusunɔ nɑsie,

Sɑmuɛli II 23:3 ပူးပေါင်းရင်းမြစ်များ

Torubu 33:20

Yerɑ u yɑ̃ku yeru kuɑ mi, u tu yĩsiru kɑ̃ u nɛɛ, Gusunɔwɑ u sɑ̃ɑ Isirelin Yinni.

Sɑmuɛli II 22:32

Gusunɔ turowɑ u wɑ̃ɑ. Wi turowɑ u sɑ̃ɑ bɛsɛn Yinni. Wi turowɑ u koo sun kɔ̃su.

Sɑmuɛli II 8:15

U bɑndu dii Isirelibɑ kpuro sɔɔ u be kpuro siriɑmmɛ nɡe mɛ n weenɛ.

Sinɑmbu I 10:9

Nɑ Gusunɔ wunɛn Yinni siɑrɑ wi u nun durom kuɑ u nun swĩi Isirelibɑn sinɑ ɡɔnɑ wɔllɔ. U bu kĩwɑ sere kɑ bɑɑdommɑɔ. Yen sɔ̃nɑ u nun kuɑ ben sunɔ, ɑ n dɑ kɑ bu sirie dee dee.

Nɛɛmi 5:14

Sɑɑ sinɑ boko Aɑtɑsɛsin bɑndun wɔ̃ɔ yɛndun diyɑ u mɑn kuɑ Yudɑbɑn kpɑro sere n kɑ ɡirɑri win bɑndun wɔ̃ɔ tɛnɑ kɑ yiru. N kuɑwɑ mi wɔ̃ɔ wɔkurɑ yiru. Sɑɑ ye kpuro sɔɔ, nɛ kɑ nɛn mɛro bisibu sɑ ǹ tem yɛ̃rorun ɡɑ̃ɑnu mwɑɑre.

Yoobu 34:17

Gusunɔ ù ku rɑ ɡem kɑ̃n nɑ, u koo kpĩ u hɑnduniɑ kpɑrɑ? Kɑɑ kpĩ ɑ wi, wi u sɑ̃ɑ Dɑm kpuroɡii tɑɑrɛ wɛ̃?

Womusu 110:2

Nɛn Yinni, Yinni Gusunɔ u koo nun ko sunɔ dɑmɡii Siɔniɔ, kpɑ ɑ wunɛn wɛrɔbu tɑɑre.

Womusu 42:9

A mɑn wunɛn kĩru sɔ̃ɔsio sɔ̃ɔ sɔɔ, wɔ̃kuru kpɑ nɑ n womusu mɔ̀, nɑ n nun tɔmɑmɔ, nɑ n nun kɑnɑmɔ wunɛ wi ɑ mɑn wɑ̃ɑru wɛ̃.

Womusu 72:1

Womu ɡe Sɑlomɔɔ u kuɑ. Ge wee. Gusunɔ, ɑ nɛ sinɑ boko bwisi kɛ̃ɛyɔ n kɑ siri nɡe mɛ ɑ rɑ siri,

Womusu 72:2

kpɑ n wunɛn tɔmbu siri ɡem sɔɔ bɑɑ be bɑ sɑ̃ɑ sɑ̃ɑrobu.

Yɑribu 18:21

Kpɑ ɑ ɡɑbu ɡɔsi be sɔɔ, be bɑ koo kpĩ bu bu kpɑrɑ kpɑ yɛ̃robɑ n sɑ̃ɑ be bɑ Gusunɔ nɑsie, bɑ ɡem swĩi, bɑ ku rɑ nɔm birɑn kɛ̃nu mwɛ. Kpɑ ɑ ben ɡɑbu ko tɔmbu nɔrɔbun (1.000) wiruɡibu, ɡɑbu mɑɑ wunɔbun (100) wiruɡibu, ɡɑbu weerɑɑkurun wiruɡibu, ɡɑbu mɑɑ wɔkurun wiruɡibu.

Yɑribu 20:2

Nɛnɑ Gusunɔ bɛɛn Yinni wi u rɑ n wɑ̃ɑ nɛ wi nɑ bɛɛ yɑrɑmɑ Eɡibitin tem di, nɑ bɛɛ yɑkiɑ sɑɑ yorun di.

Yɑribu 3:15

Mɛniwɑ nɛn yĩsiru sere kɑ bɑɑdommɑɔ. Mɛyɑ bɑ ko n dɑ mɑn soku sere kɑ ben bweserun bibɔ. Mɑ u kpɑm Mɔwisi sɔ̃ɔwɑ u nɛɛ, ɑmɛniwɑ kɑɑ Isirelibɑ sɔ̃ ɑ nɛɛ, nɛ wi nɑ rɑ n wɑ̃ɑ nɑ sɑ̃ɑ bɛɛn sikɑdobɑ Aburɑhɑmu kɑ Isɑki kɑ Yɑkɔbun Yinni, nɑ mɑɑ nun ɡɔrimɑ ben mi.

Mɔnnu 31:9

A kɑ bu yinɔ kpɑ ɑ bu siriɑ dee dee. A kɑ wɔnwɔndobu kɑ sere mɑɑ sɑ̃ɑrobu yinɔ.

Esɑi 32:1

Sɔ̃ɔ teeru ɡoo u koo yɑri u bɑndu di kpɑ wi kɑ win bwɑ̃ɑbu bu tem mɛ kpɑrɑ ɡem sɔɔ.

Yeremi 23:5

Wee sɑɑ yɑ sisi yè sɔɔ kon ɡemɡii ɡoo seeyɑ Dɑfidin bweserun di nɡe dɑ̃ɑ kpii pɔturɑ, kpɑ u n bɑndu dii kɑ bɑɑdommɑɔ. U koo tɔn be kpɑrɑwɑ kɑ bwisi ɡee. Kpɑ u ɡem sɔ̃ɔsi tem mɛ sɔɔ.

Sɑkɑri 9:9

Bɛɛ Siɔniɡibu, i nuku dobun kuuki koowo. Bɛɛ Yerusɑlɛmuɡibu, i yɛ̃ɛrio nuku dobun sɔ̃. Wee bɛɛn sinɑ boko u sisi bɛɛn mi. U sɑ̃ɑwɑ ɡemɡii kɑ fɑɑbɑ kowo. U ǹ tii sue. Kɛtɛku buuwɑ u sɔni.

Sɔ̃ɔsiru 32:4

Yinni Gusunɔ u sɑ̃ɑwɑ nɡe kperu. U rɑ kowɑ dee dee. Win siribu bu rɑ n dɛɛrewɑ. U sɑ̃ɑwɑ nɑɑnɛɡii, murɑfitiru sɑri win mi. U sɑ̃ɑwɑ ɡemɡii.

Heberu 1:8

Adɑmɑ win Biin sɔ̃nɑ u nɛɛ, “Gusunɔ, bɑ wunɛn bɑndu swĩi sere kɑ bɑɑdommɑɔ. Gemɑ ɑ kɑ wunɛn bɑndu nɛni.