Sɑmuɛli II 18:4 - Bibeli Gusunɔn Gari

⁴ Mɑ sinɑ boko u bu sɔ̃ɔwɑ u nɛɛ, ye yɑ bɛɛ wɛ̃re, yeyɑ kon ko. Mɑ u dɑ u yɔ̃ ɡbɑ̃rɑ kɔnnɔn bɔkuɔ sɑɑ ye tɑbu kowobu bɑ yɑriɔ wuu wuukɑ, ɡɑbu wunɔm wunɔm, ɡɑbu mɑɑ nɔrɔm nɔrɔm (1.000).

Sɑmuɛli II 18:4 ပူးပေါင်းရင်းမြစ်များ

Sɑmuɛli II 18:1

Yen biru Dɑfidi u seewɑ u win tɑbu kowobu ɡɑrɑ be bɑ kɑ nùn wɑ̃ɑ. Yerɑ u bu kuɑ wuu wuukɑ tɔmbu nɔrɔm nɔrɔm (1.000) kɑ wunɔm wunɔm (100), wuu nin bɑɑtere kɑ ten wiruɡii.

Sɑmuɛli II 18:24

Sɑɑ ye sɔɔ, Dɑfidi u sɔ̃ wuun ɡbɑ̃rɑrun kɔnnɔsu yirun bɑɑ sɔɔ. N deemɑ wuun kɔ̃so u yɔɔwɑ dii tɛɛrɑn wɔllɔ ɡbɑ̃rɑrun kɔnnɔn deedeeru. Ye u wiru seeyɑ, yerɑ u wɑ wee, ɡoo u dukɑ mɔ̀ u wee wi turo.

Sɑmuɛli II 18:5

Sinɑ boko u Yoɑbu kɑ Abisɑi kɑ Itɑi woodɑ yeni wɛ̃ u nɛɛ, i ku kɑ Abusɑlɔmu bii ɑluwɑɑsi wi bɔɔbɔm ko, ì n yɛ̃ i mɑn kĩn nɑ. Mɑ tɔmbu kpuro bɑ sinɑ bokon woodɑn ɡɑri yi nuɑ yi u wiruɡii be sɔ̃ɔwɑ Abusɑlɔmun sɔ̃.

Esɑi 28:6

U koo siri kowobu kpɑrɑ bu kɑ siri dee dee. Mɛyɑ u ko n mɑɑ sɑ̃ɑ ben dɑm bu kɑ yibɛrɛbɑ nɑɑ ɡirɑ sere ben wuun ɡbɑ̃rɑrun kɔnnɔwɔ.

Sɑmuɛli I 29:2

Yerɑ Filisitibɑn tɑbu kowobu bɑ seewɑ wuu wuukɑ mɑ ben sinɑmbu bɑ bu swɑɑ ɡbiiye bɑ kɑ dɔɔ. Mɑ Dɑfidi kɑ win tɔmbu bɑ wɑ̃ɑ Akisin wuuru sɔɔ biruɔ.