Sɑmuɛli II 17:10 - Bibeli Gusunɔn Gari

¹⁰ Sɑɑ ye sɔɔ, bɛsɛn suunu sɔɔ, bɑɑ ɡoo ù n sɑ̃ɑ tɑbu durɔ, mɑ u wɔruɡɔru mɔ nɡe ɡbee sunɔ, yɛ̃ro koo bɛrum duurɑ. Domi Isirelibɑ kpuro bɑ yɛ̃ mɑ wunɛn tundo u sɑ̃ɑ tɑbu durɔ. Mɛyɑ u mɑɑ tɑbu kowo dɑmɡibu mɔ.

Sɑmuɛli II 17:10 ပူးပေါင်းရင်းမြစ်များ

Torubu 49:9

Yudɑ nɛn bii, ɑ sɑ̃ɑwɑ nɡe ɡbee sunɔ kpɛmbu, ɡe ɡɑ yɑɑ ɡoomɑ ɡɑ wee, kpɑ ɡu kpɑm wurɑ ɡu yɑɑ sɑ̃kiriɑ. A sɛ̃ nɡe ɡbee sunɔ mɛro. Wɑrɑ koo kɑ̃ku u nun bɛsu.

Sɑmuɛli II 1:23

Sɔɔlu kɑ Yonɑtɑm bɑ kĩɑnɑwɑ ben wɑ̃ɑrun tɔ̃ru kpuro sɔɔ. Bɑ ǹ kɑrɑnɛ bɑɑ kɑ ɡɔɔ sɔɔ. Bɑ sɑ̃u tɑbu sɔɔ n kere ɡunɔ bɑkenu. Bɑ ɡbee sinɑnsu dɑm kere.

Sɑmuɛli II 17:9

Wee ɑ̀ n dɑ tɛ̃, u kukuɑ kpee wɔru ɡɑɡu sɔɔ, ǹ kun mɛ yɑm ɡɑm. Win tɔmbu bɑ̀ n ɡbiɑ bɑ sun wɔri, mɑ bɑ bɛsɛn ɡɑbu ɡo, wi u ye nuɑ, u koo nɛɛ, wee, bɑ Abusɑlɔmun tɔmbu ɡo ɡo.

Sɑmuɛli II 23:20

Bɛnɑyɑ, Kɑbisɛɛliɡii, Yehoyɑdɑn bii, u sɑ̃ɑwɑ tɑbu durɔ wɔruɡɔ. Mɑ u yĩsiru yɑrɑ nɑsɑrɑ dɑbi ni u wɑn sɔ̃. Wiyɑ u Mɔɑbun tɔmbu yiru ɡɑbu ɡo be bɑ sɛ̃ nɡe ɡbee sinɑnsu. Wiyɑ u mɑɑ duɑ dɔkɔ kpiriru sɔɔ u ɡbee sunɔ kɑ̃ɑsi mi, u ɡo purɑn sɑɑ sɔɔ.

Womusu 89:19

Yinni Gusunɔ, wunɑ ɑ sɑ̃ɑ bɛsɛ Isirelibɑn tɛrɛru. Wunɛ Dɛɛro, wunɑ ɑ sɑ̃ɑ bɛsɛn sinɑ boko.

Yɑribu 15:15

Edɔmun sinɑmbun toronu kɑrɑ. Mɑ Mɔɑbun tɑbu durɔbu bɑ diirumɔ. Kɑnɑnibɑ kpuro, ben wɑsi dwiiyɑ.

Mɔnnu 28:1

Wi u kɔ̃sɑ mɔ̀ u rɑ dukɑ suwɑ bɑɑ ɡoo ù kun nùn ɡire. Adɑmɑ wi u kun ɡɑ̃ɑnu kue, u rɑ n tororu sɔ̃wɑ nɡe ɡbee sunɔ kpɛmbu.

Womu Duro 3:7

Sɑlomɔɔn kpin yerɑ bɑ sɔɔwɑ bɑ kɑ wee, Isirelibɑn tɑbu durɔ dɑmɡibu wɑtɑ bɑ nùn swĩi bɑ wɑ̃ɑ ɡɔn ɡɔnkɑ.

Esɑi 13:7

Yen sɔ̃nɑ tɔmbu kpuron ɡɔmɑ koo dwiiyɑ kpɑ ben wɔruɡɔru tu kpe.

Esɑi 19:1

Gɑri yiniwɑ bɑ ɡeruɑ Eɡibitin sɔ̃. Bɑ nɛɛ, wee Yinni Gusunɔ u sisi fuuku Eɡibitiɔ, u ɡuru wiru sɔni nɡe dumɑ. Mɑ Eɡibitiɡibun bũnu nu diirumɔ win wuswɑɑɔ, mɑ ben wɔruɡɔru tɑ kpɑ.

Esekiɛli 21:15

Yɑ bɑllimɔ, yerɑ bɑ koo kɑ tɔmbu ɡo. I tɑmɑɑ bɛɛn bɑndu tɑ ǹ kpeemɔ ,

Sɔ̃ɔsiru 1:28

I nɛɛ, mbɑn sɔ̃nɑ i ko i dɑ i bu wɔri. Bɛɛɡibu bɑ derɑ i mwiɑ kpɑnɑ domi bɑ nɛɛ, tɔn be, bɑ sun dɑm kere, bɑ sun ɡunum kere, bɑ mɑɑ ben wusu ɡbɑ̃rɑnu toosiwɑ n kɑ wɔllu ɡirɑri. Yen biru, bɑ mɑm Anɑkin bibun bweseru wɑ mi, be bɑ rɑ n sɑ̃ɑ dooɡobɑ.

Heberu 11:34

bɑ dɔ̃ɔ boko ɡo, bɑ tɑkobin ɡɔɔ kisirɑri. Bɑ ǹ dɑɑ dɑm mɔ ɑdɑmɑ bɑ kuɑ dɑmɡibu. Bɑ bu nɑsiɑ tɑbu sɔɔ, bɑ tɔn tukobu tɑbu di.

Sɑmuɛli I 16:18

Mɑ win bɔ̃ɔ turo u nɛɛ, nɑ Isɑi Bɛtelehɛmuɡiin bii turo wɑɑre wi u mɔrɔku soberu yɛ̃. U mɑɑ wɔruɡɔru mɔ ɡem ɡem, u sɑ̃ɑwɑ tɑbu durɔ, u rɑ mɑɑ ɡɑri ɡere kɑ lɑɑkɑri. Durɔ burɔn tiiwɑ. Yinni Gusunɔ mɑɑ wɑ̃ɑ kɑ wi.

Sɑmuɛli I 18:17

Mɑ Sɔɔlu u Dɑfidi sɔ̃ɔwɑ u nɛɛ, nɛn bii wɔndiɑ ɡbiikoo Mɛrɑbuwɑ kon nun kɛ̃ kurɔ. Adɑmɑ ɑ de ɑ n sɑ̃ɑ dɑmɡii kpɑ ɑ Yinni Gusunɔ sɑnnɑ. Domi Sɔɔlu u bwisikɑ u nɛɛ, u ǹ kĩ u nùn ɡo win tii, Filisitibɑrɑ u koo nùn bɔrie.