Sɑmuɛli II 11:1 - Bibeli Gusunɔn Gari

¹ Wɔ̃ɔ kpɔɔn sɑɑ yè sɔɔ sinɑmbu bɑ rɑ tɑbu yɑri, yerɑ Dɑfidi u win bwɑ̃ɑbu kɑ win tɑbu sunɔ Yoɑbu kɑ sere mɑɑ Isirelibɑ kpuro ɡɔrɑ bu dɑ bu Amɔnibɑ ɡo. Kpɑ bu wuu ɡe bɑ mɔ̀ Rɑbɑ mwɑ. Adɑmɑ win tii u ǹ de. U sɔ̃ yɛnuɔ Yerusɑlɛmuɔ.

Sɑmuɛli II 11:1 ပူးပေါင်းရင်းမြစ်များ

Sɑmuɛli II 10:14

Ye Amɔnibɑ bɑ wɑ mɑ Siriɡibu bɑ duki yɑkikirɑ, yerɑ ben tii bɑ mɑɑ yɑkikirɑ Abisɑin wuswɑɑn di, bɑ wɔri wuuɔ. Yen biru Yoɑbu u ɡɔsirɑ u wurɑ Yerusɑlɛmuɔ.

Sinɑmbu I 20:22

Yerɑ Gusunɔn sɔmɔ wi, u mɑɑ dɑ Akɑbun mi, u nùn sɔ̃ɔwɑ u nɛɛ, ɑ doo kpɑ ɑ n wɔruɡɔru mɔ kpɑ ɑ bwisiku mɛ kɑɑ ko. Domi wɔ̃ɔ kpɔɔ Sirin sinɑ boko wi, u koo mɑɑ ɡɔsirɑmɑ u nun wɔri.

Sinɑmbu I 20:26

Yen wɔ̃ɔ kpɔɔ Bɛni Hɑdɑdi u win tɑbu kowo be mɛnnɑ u ɡɑrɑ, mɑ bɑ dɑ Afɛkiɔ bu kɑ Isirelibɑ wɔri.

Bɑndun Gɑri I 20:1

Wɔ̃ɔ kpɔɔn sɑɑ yè sɔɔ sinɑmbu bɑ rɑ tɑbu yɑri, yerɑ Yoɑbu kɑ win tɑbu kowo dɑmɡii be u kpɑre bɑ dɑ bɑ Amɔnibɑn tem wɔri bɑ kɔsukɑ. Mɑ bɑ Rɑbɑ tɑrusi bɑ mwɑ. N deemɑ sɑɑ ye sɔɔ, Dɑfidi u wɑ̃ɑwɑ win yɛnuɔ Yerusɑlɛmuɔ.

Bɑndun Gɑri II 36:10

Ye n kuɑ wɔ̃ɔ kpɔɔ, yerɑ Nɛbukɑnɛsɑɑ Bɑbilonin sinɑ boko u nɑ u Yoyɑkini mwɑ u kɑ dɑ Bɑbiloniɔ. Mɑ u Yinni Gusunɔn sɑ̃ɑ yerun dendi yɑ̃nu ɡɑnu ɡurɑ. Mɑ u Yoyɑkinin bɑɑ yɑ̃kɑbu Sedesiɑsi kuɑ sunɔ Yudɑbɑn suunu sɔɔ Yerusɑlɛmuɔ.

Womusu 60:9

Wiyɑ u Gɑlɑdi mɔ. Wiyɑ u mɑɑ Mɑnɑse mɔ. Efɑrɑimu yɑ sɑ̃ɑwɑ nɡe win sii furɔ kɔkɔru. Mɑ Yudɑ yɑ sɑ̃ɑ nɡe win sinɑ dɛkɑ.

Wɑɑsu kowo 3:8

Kĩɑnɑɑ kɑ yen sɑɑ, tusinɑɑ mɑɑ kɑ yen sɑɑ. Tɑbu kɑ bin sɑɑ, bɔri yɛndu mɑɑ kɑ ten sɑɑ.

Yeremi 49:2

Yen sɔ̃ tɛ̃, kon de tɑbun wurenu nu nɔɔrɑ ben wuu mɑroɔ ɡe bɑ mɔ̀ Rɑbɑ. Rɑbɑ ye, yɑ koo bɑnsu ko, kpɑ yen bɑru kpɑɑnu nu dɔ̃ɔ mwɑɑkirɑ. Nɡe mɛyɑ Isirelibɑ bɑ koo bu ɡirɑ be, be bɑ rɑɑ bu ɡirɑ. Nɛ, Yinni Gusunɔwɑ nɑ yeni ɡeruɑ.

Yeremi 49:3

Bɛɛ, Hɛsiboniɡibu, i ɡɔɔ swĩiyɔ. Domi bɑ koo Ayi kɑm koosiɑ. Rɑbɑn bɑru kpɑɑnuɡibu, i nɔɔɡiru suo i somiru kɑnɑ. I sɑɑki deewo nuku sɑnkirɑnun sɔ̃, kpɑ i n sirenɛ i n ɡɔɔ sumɔ. Domi bɑ koo bɛɛn bũu wi bɑ mɔ̀ Mɑlikɔmu suɑ, kɑ win yɑ̃ku kowobu kɑ win wiruɡibu bu kɑ doonɑ.

Esekiɛli 21:20

Yɑ bɑɑwuren wɔruɡɔrun dɑm buɑmɔ. Yɑ derɑ bɑ wɔrukumɔ. Wee nɑ derɑ yɑ wɑ̃ɑ bɑɑwuren kɔnnɔwɔ. Wee yɑ bɑllimɔ nɡe ɡuru mɑɑkinu, yɑ sɔɔru sɑ̃ɑ yu kɑ ɡo.

Amɔsu 1:14

Yen sɔ̃, kon de bu ben wuu Rɑbɑ tɑbu wɔri bu ye dɔ̃ɔ sɔku, kpɑ u yen dii ɡeenu di mɑm mɑm. Sɑɑ ye sɔɔ, tɑbun wurenu koo nɔɔrɑ nɡe woo bɔkɔ.

Sɑkɑri 14:3

Sɑɑ ye sɔɔrɑ Yinni Gusunɔ u koo tii sɔ̃ɔsi kpɑ u kɑ bwese ni tɑbu ko nɡe mɛ u rɑ ko tɑbu sɔɔ.

Sɔ̃ɔsiru 3:11

N deemɑ Refɑbɑn bweseru sɔɔ, Oɡu, Bɑsɑnin sinɑ boko, wi turowɑ u rɑɑ tie. Kpɑkoro sisuɡiru sɔɔrɑ bɑ win ɡoru doke. Kpɑkoro te, tɑ wɑ̃ɑ Amɔnibɑn wuu mɑro Rɑbɑɔ. Ten dɛ̃ɛbu sɑ̃ɑwɑ ɡɔm soonu nɔɔbɑ nnɛ. Mɑ ten yɑsum sɑ̃ɑ ɡɔm soonu nnɛ.

Sɑmuɛli I 18:30

Yen biru Filisitibɑn tɑbu sinɑmbu bɑ rɑ n wɔrɑɑ nɑɑmɔ Isirelibɑn mi. Dɑfidi ù n kɑ bu sɑnnɑ, u rɑ nɑsɑrɑ suewɑ n kere Sɔɔlun tɑbu tɔnwero be bɑ tie. Yen sɔ̃nɑ u yĩsiru yɑrɑ.