Sɑmuɛli II 1:14 - Bibeli Gusunɔn Gari

^14-16 Dɑfidi kpɑm nùn bikiɑ u nɛɛ, ɑmɔnɑ ɑ kɑ kɑ̃kɑ ɑ wi Yinni Gusunɔ ɡɔsɑ nɔmɑ doke ɑ ɡo. Yen sɔ̃, wunɛn yɛm mu yɔ̃rɑ wunɛn wiru wɔllɔ. Domi wunɛn tiin nɔɔwɑ ɡɑ seedɑ di mɑ ɑ wi Yinni Gusunɔ ɡɔsɑ ɡo. Sɑɑ yerɑ Dɑfidi u win ɑluwɑɑsibɑn turo sokɑ u nɛɛ, ɑ susio ɑ nùn sɛ̃re ɑ ɡo. Mɑ ɑluwɑɑsi wi, u Amɑlɛki wi sɛ̃re u so u ɡo.

Sɑmuɛli II 1:14 ပူးပေါင်းရင်းမြစ်များ

Womusu 105:15

U nɛɛ, i ku be nɑ ɡɔsɑ bɑbɑ. I ku be, nɛn sɔmɔbu kɔ̃sɑ kuɑ.

Swĩi 4:20

Bɛsɛn sinɑ boko wi u derɑ sɑ wɑ̃ɑ, wi, wi Yinni Gusunɔ u ɡɔsɑ, wee, bɑ nùn yinɑ mwɑ. N deemɑ sɑ rɑɑ nɛɛ, win sɑɑbuwɑ sɑ kɑ tii mɔ bwesenun suunu sɔɔ.

Gbɑburu 12:8

Nɔɔ kɑ nɔɔwɑ nɑ rɑ kɑ nùn ɡɑri ko, n ǹ mɑɑ mɔ kɑ̃siru sɔɔ nɑ rɑ nùn tii sɔ̃ɔsi. U rɑ mɑn wɑwɑ sɑ̃ɑ sɑ̃ɑ nɡe mɛ nɑ sɑ̃ɑ. Ǹ n mɛn nɑ, mbɑn sɔ̃nɑ iǹ bɛrum kue i kɑ nɛn sɔm kowo Mɔwisi wĩi.

Piɛɛ II 2:10

n mɑm nɛɛre be bɑ ben wɑsin kĩru kɑnkɑm mɔ̀ mɑ bɑ Gusunɔn yiiko ɡɛmɑ. Keu koosio weesuɡii be, bɑ sɑ̃ɑwɑ wɔbiɑɡibu kɑ tii suobu, bɑ ǹ mɑɑ bɛrum mɔ bu kɑ wɔllun yiikoɡibu wɔmɛ.

Sɑmuɛli I 10:1

Mɑ Sɑmuɛli u ɡum kpɑrɑbɑ piibu suɑ u ɡen ɡum tɑ̃re Sɔɔlun wirɔ u nùn bɔkɑsi u nɛɛ, nɑ yeni kuɑwɑ ɑ n kɑ yɛ̃ mɑ Yinni Gusunɔwɑ u nun ɡɔsɑ ɑ kɑ ko win tɔmbun sunɔ.

Sɑmuɛli I 12:3

I mɑn seedɑ diiyo Yinni Gusunɔ kɑ sunɔ wi u ɡɔsɑn wuswɑɑɔ. Wɑrɑn kɛtɛwɑ nɑ mwɑɑre. Ǹ kun mɛ, weren kɛtɛkuwɑ nɑ mwɑ. Wɑrɑ nɑ tɑki diire. Ǹ kun mɛ, wɑrɑ nɑ dɑm dɔrere. Nɡe weren kɛ̃rɑ nɑ mwɑɑre n kɑ nùn ɡem wɛ̃. Wi nɑ yen ɡɑɑ kuɑre, kon yɛ̃ro yen dibu kɔsiɑ.

Sɑmuɛli I 24:11

Wee, wunɛn tiin nɔni wɑ ɡisɔ mɑ Yinni Gusunɔ u mɑn nun nɔmu bɛriɑ kpee wɔru ɡe sɔɔ. Bɑ nɛɛ, n nun ɡoowo, ɑdɑmɑ nɑ nun deri. Nɑ nɛɛ, nɑ ǹ nɛn yinni, wi Yinni Gusunɔ u ɡɔsɑ u kuɑ sunɔ nɔmu dokemɔ.

Sɑmuɛli I 24:6

Yen biruwɑ u nɑndɑ ye u kɑ Sɔɔlun yɑberun soo ɡe burɑ.

Sɑmuɛli I 24:7

Sɑɑ ye sɔɔrɑ Dɑfidi u win bwɑ̃ɑbu sɔ̃ɔwɑ u nɛɛ, Gusunɔ u mɑn yenin bweseru ɡbɑrɑ bu nɛɛ, nɛnɑ nɑ nɛn yinni nɔmɑ doke wi Yinni Gusunɔ u ɡɔsɑ u kuɑ sunɔ.

Sɑmuɛli I 26:11

Gusunɔ u mɑn bere bu nɛɛ, nɛnɑ nɑ wi u ɡɔsɑ nɔmu doke nɑ ɡo. Yen sɔ̃, ɑ de su win yɑɑsɑ ye yɑ wɑ̃ɑ win wirɔ mi suɑ kɑ win nim bwɑ̃ɑru kpɑ su kɑ doonɑ.

Sɑmuɛli I 26:9

Adɑmɑ Dɑfidi u Abisɑi sɔ̃ɔwɑ u nɛɛ, ɑ ku nùn ɡo. Domi wɑrɑ u koo wi Yinni Gusunɔ u ɡɔsɑ ɡo, kpɑ Gusunɔ u yɛ̃ro deri u kun nùn ye kɔsie.

Sɑmuɛli I 31:4

Yerɑ u win tɑbu yɑ̃ɑ sɔɔwo sɔ̃ɔwɑ u nɛɛ, ɑ wunɛn tɑkobi womɔ ɑ mɑn ye sɔku kpɑ bɑnɡo sɑriruɡii be, bu ku rɑɑ mɑn sɔku bu yɑɑ kɑsiki. Adɑmɑ durɔ wi, u yinɑ u ko mɛ, domi bɛrum nùn mwɑ ɡem ɡem. Mɑ Sɔɔlu u tɑkobi ye mwɑ u kɑ tii sɔkɑ u kibɑrisi u tɑɑre.