Sɑmuɛli I 9:1 - Bibeli Gusunɔn Gari

¹ Durɔ ɡoo u wɑ̃ɑ Bɛnyɑmɛɛn bweseru sɔɔ, win yĩsirɑ Kisi. Win bɑɑbɑbɑrɑ Abiɛli kɑ Serori kɑ Bekorɑti kɑ Afiɑ. Be kpuro bɑ sɑ̃ɑwɑ Bɛnyɑmɛɛn bweseru. Kisi wi, u sɑ̃ɑwɑ tɔn boko, u mɑɑ ɡobi mɔ.

Sɑmuɛli I 9:1 ပူးပေါင်းရင်းမြစ်များ

Sɑmuɛli II 19:32

Bɑɑsilɑi, Gɑlɑdiɡii u mɑɑ nɑ sɑɑ Roɡɛlimun di u kɑ Dɑfidi yɔ̃siri sere Yuudɛnin dɑɑrɔ kpɑ bu dɑɑ te tɔburɑ sɑnnu.

Ɛsitɛɛ 2:5

N deemɑ Yuu ɡoo wɑ̃ɑ Susi wuu bɔkɔ ɡe sɔɔ. Win yĩsirɑ Mɑɑdose. U sɑ̃ɑwɑ Yɑirin bii, Bɛnyɑmɛɛn bweseru sɔɔ. Win sikɑdobɑrɑ Simɛi kɑ Kisi.

Yoobu 1:3

Sɑbe ni u mɑɑ mɔ, ni wee, yɑ̃ɑnu nɔrɔbun subɑ nɔɔbɑ yiru (7.000), kɑ yooyoosu nɔrɔbun subɑ itɑ (3.000), kɑ nɑɑ wuku nɔrɔbu (1.000), kɑ kɛtɛku ninu nɛɛrɑ wunɔbu (500), kɑ sɔm kowo dɑbi dɑbinu. Durɔ wiyɑ u dukiɑ bo sɔ̃ɔ yɑri yerun berɑ mi ɡiɑ.

Gɔrobun Kookoosu 13:21

Yerɑ bɑ sunɔ bikiɑ mɑ Gusunɔ u bu Sɔɔlu Kisin bii wɛ̃, sɑɑ Bɛnyɑmɛɛn bweserun di, mɑ u bɑndu di wɔ̃ɔ weeru.

Sɑmuɛli I 10:23

Bɑ duki dɑ mi, mɑ bɑ kɑ nùn nɑ. Ye u yɔ̃rɑ tɔmbun suunu sɔɔ, be kpuron ɡunum mu yɔ̃rɑwɑ win serɔ.

Sɑmuɛli I 14:51

Kisi, Sɔɔlun tundo, kɑ Nɛri, Abinɛɛn tundo, bɑ sɑ̃ɑwɑ Abiɛlin bibu.

Sɑmuɛli I 25:2

Durɔ ɡoo wɑ̃ɑ Mɑoniɔ, win yĩsirɑ Nɑbɑli. U sɑ̃ɑwɑ Kɑlɛbun bweseru. U mɑɑ sɑ̃ɑwɑ dukiɑ bɑkɑɡii. U yɑ̃ɑnu mɔwɑ nɔrɔbun subɑ itɑ (3.000), bonu mɑɑ nɔrɔbu (1.000). Durɔ wi, u sɛ̃, win kookoosu kun wɑ̃, ɑdɑmɑ win kurɔ Abiɡɑli u bwisi mɔ. U mɑɑ sɑ̃ɑ kurɔ burɔ. Kɑɑmɛliɔrɑ durɔ win ɡberu kpɑɑnɛ wɑ̃ɑ. Miyɑ u win yɑ̃ɑ nin sɑnsu bɔɔrimɔ.