Sɑmuɛli I 7:6 - Bibeli Gusunɔn Gari

⁶ Mɑ bɑ mɛnnɑ Misipɑ mi, bɑ nɔɔ bɔkuɑ bɑ ɡeruɑ bɑ nɛɛ, sɑ Yinni Gusunɔ torɑ. Mɑ bɑ nim tɑkɑ bɑ mu yɛ̃kɑ win sɑ̃ɑ yerɔ bu kɑ sɔ̃ɔsi mɑ bɑ tii wɛ̃. Yen tɔ̃ɔ te, be kpuro bɑ wurɑ mɑ Sɑmuɛli sɑ̃ɑ ben kpɑro.

Sɑmuɛli I 7:6 ပူးပေါင်းရင်းမြစ်များ

Torubu 31:49

Bɑ mɑɑ yɑm mi sokɑ Misipɑ domi Lɑbɑni u Yɑkɔbu sɔ̃ɔwɑ u nɛɛ, Gusunɔ u bɛsɛn bɑɑwure ɡbɑrɑ su ku kɑ wɔrinɑ sɑ̀ n yɑrinɑ minin di.

Sɑmuɛli II 14:14

Tilɑsiwɑ bɛsɛn bɑɑwure u kɑ ɡbi sɔ̃ɔ teeru kpɑ sɑ n sɑ̃ɑ nɡe nim mɛ mu yɑri tem sɔɔ, mɛ bɑ ǹ kpɛ̃ bu mɑɑ ɡurɑ. Adɑmɑ Gusunɔ kun kĩ Abusɑlɔmu u ɡbi tɛ̃. U kĩwɑ u ɡɔsirɑmɑ kpikirun di u n wɑ̃ɑ win bɔkuɔ.

Sinɑmbu I 8:47

bɑ̀ n bwisikɑ tem mi bɑ yoru dimɔ mi, mɑ bɑ ɡɔ̃ru ɡɔsiɑ mɑm mɑm, bɑ nun tii wɛ̃ mɑ bɑ tem mɛni mɛɛrimɑ mɛ ɑ ben bɑɑbɑbɑ wɛ̃, kɑ wuu ɡeni, ɡe ɑ ɡɔsɑ kɑ sɑ̃ɑ yee te nɑ nun bɑniɑ mini, bɑ̀ n kɑnɑru mɔ̀, bɑ mɔ̀, bɑ nun torɑri bɑ durum kuɑ,

Bɑndun Gɑri I 11:18

Yerɑ win tɑbu durɔbu itɑ be, bɑ dɑ bɑ Filisitibɑn sɑnsɑni ye wɔri kɑ dɑm bɑ Dɑfidi nim mɛ tɑkɑmɑ bɑ kɑ nɑ. Adɑmɑ u ǹ mu nɔrɑ. U kɑ mu yɑ̃kuru kuɑwɑ, u Yinni Gusunɔ yɑriɑ.

Bɑndun Gɑri II 20:3

Yerɑ Yosɑfɑti u nɑndɑ. Mɑ u Gusunɔ kɑsu. U derɑ bɑ nɔɔ bɔkuɑ Yudɑn tem kpuro sɔɔ.

Nɛɛmi 9:27

Sɑɑ yerɑ ɑ bu yibɛrɛbɑ nɔmu sɔndiɑ, mɑ bɑ bu dɑm dɔre. Adɑmɑ ben nɔni swɑ̃ɑru sɔɔ, bɑ nun nɔɔɡiru sue. Mɑ ɑ ben nɔɔ nuɑ sɑɑ wɔllun di. A bu tɔmbu seeyɑ bu kɑ bu wɔrɑ sɑɑ yibɛrɛ ben nɔmɑn di wunɛn kĩi bɑkɑrun sɔ̃.

Yoobu 16:20

Nɛn kpɑɑsibu bɑ mɑn yɑɑkoru mɔ̀. Adɑmɑ Yinni Gusunɔwɑ nɑ kɑnɑmɔ kɑ swĩi.

Yoobu 3:24

Weeweenun sɑɑbu, nɑ ku rɑ di. Nɛn wuri kun nɔru mɔ nɡe nim mɛ mu kokumɔ.

Yoobu 33:27

Kpɑ u womu ko tɔmbun wuswɑɑɔ u nɛɛ, u durum kuɑ, u ɡem yinɑ. Adɑmɑ Gusunɔ kun nùn yen sɛɛyɑsiɑbu kue.

Yoobu 40:4

wee nɑ ǹ sɑ̃ɑ ɡɑ̃ɑnu. Mbɑ kon kpĩ n nun wisi. Kon nɔɔ nɛnɛwɑ n mɑri.

Yoobu 42:6

Yen sɔ̃nɑ nɑ tii tɑɑrɛ wɛ̃ mɑ nɑ ɡɔ̃ru ɡɔsiɑ nɑ tii tuɑ kɑ torom wisi nuku sɑnkirɑnun sɔ̃.

Womusu 106:6

Wee sɑ torɑ nɡe bɛsɛn bɑɑbɑbɑ, sɑ kɔ̃sɑ kuɑ.

Womusu 119:136

Wee nɑ nɔni yĩresu kokumɔ nɡe dɑɑru, domi tɔmbɑ kun wunɛn woodɑbɑ mɛm nɔɔwɛ.

Womusu 42:3

Nɛn ɡɔ̃ru ɡɑ wunɛn bɛkɛ bɑrɔ, Yinni Gusunɔ, wunɛ wi ɑ wɑ̃ɑ. Sɑɑ yerɑ̀ nɑ kon tii sɔ̃ɔsi wunɛn wuswɑɑɔ Yinni.

Womusu 6:6

Domi wi u ɡu u ǹ mɑɑ wunɛn bwisikunu mɔ̀. Wi bɑ sikɑ u ǹ mɑɑ kpɛ̃ u nun sɑ̃.

Womusu 62:8

Gusunɔ, wunɑ ɑ rɑ mɑn fɑɑbɑ ko, kpɑ ɑ de nɑ n bɛɛrɛ mɔ. Wunɑ nɛn kuku yee dɑmɡiru.

Yeremi 31:19

Ye ben lɑɑkɑri yɑ wurɑmɑ, mɑ bɑ tuubɑ kuɑ. Ye bɑ ben torɑnu ɡiɑ, mɑ bɑ tukɑ kɑ sekuru ye bɑ kuɑ sɑɑ ben ɑluwɑɑsirun din sɔ̃.

Yeremi 36:9

Yoyɑkimun bɑn ten wɔ̃ɔ nɔɔbuse sɔɔ, yen suru nɔɔbɑ nnɛse sɔɔ, yerɑ bɑ nɔɔ bɔkurun tɔ̃ru yi tè sɔɔ Yerusɑlɛmuɡibu kɑ Yudɑbɑ kpuro bɑ koo nɑ bu nɔɔ bɔke Yinni Gusunɔn sɑ̃ɑ yerɔ.

Yeremi 9:1

Yeremi u nɛɛ, nɑ̀ n dɑɑ kuru mɔ ɡbɑburɔ, kon dɑɑ dɑwɑ ten mi, n nɛn tɔmbu deri nɑ n kɑ bu tondinɛ. Domi be kpuro bɑ sɑ̃ɑwɑ nɡe sɑkɑrɑ kowobu. Mɑ bɑ kuɑ nɑɑnɛ sɑriruɡibu.

Swĩi 2:11

Nɛn nɔni yɑndɑmɔ wurin sɔ̃. Nɛn wɑsi ɡbisimɔ mɑ nɛn tororɑ kɑre. Domi nɛn tɔmbɑ kɑm kuɑ. Wee, bii wɛ̃ɛnu kɑ bibu bɑ wɑ̃ɑ Yerusɑlɛmun swɛɛ sɔɔ, bɑ ǹ mɑɑ dɑm mɔ.

Swĩi 3:49

Nɛn nɔni yĩresu kokumɔ, su ǹ yɔ̃re,

Swĩi 5:16

Bɛsɛn bɛɛrɛ yɑ kpɑ. Annɑ ɑ wɑhɑlɑ bɑkɑ wɑ torɑ ni sɑ kuɑn sɔ̃.

Esekiɛli 20:4

Tɛ̃ ɑ sɔɔru koowo ɑ kɑ bu siri. A bu yɑɑyɑsio kom kɔ̃sum mɛ ben bɑɑbɑbɑ bɑ mɑn kuɑ.

Osee 5:1

Yinni Gusunɔ u nɛɛ, bɛɛ yɑ̃ku kowobu, i yenibɑ swɑɑ dɑkio. Bɛɛ Isirelibɑ, i swɑɑ dɑkio i nɔ. Bɛɛ sinɑ kpɑɑruɡibu, i swɑɑ tem kpĩiyɔ i nɔ. Bɛɛyɑ siri bini bu kɑ yɑ̃. Domi i kuɑ tɔmbun yinɑ Misipɑɔ, mɑ i kuɑ ben tɑɑ Tɑboriɔ.

Yoɛli 2:12

Yinni Gusunɔ u nɛɛ, nɑ sɑ̃ɑwɑ wɔnwɔnduɡii. Nɛn kĩru tɑ kpɑ̃. Nɛn mɔru yɑ ku rɑ fuuku se. Nɑ rɑ mɑɑ tɔnu suuru kue kɔ̃sɑ ye nɑ rɑɑ kĩ n nùn kuɑ sɔɔ. Tɛ̃, i wurɑmɑ kɑ bɛɛn ɡɔ̃ru kpuro nɛn mi, i nɔɔ bɔke, kpɑ i wuri ko. Bɛɛn ɡɔ̃ruwɑ i ko i ɡɔsiɑ, n ǹ mɔ i yɑ̃nu ɡɛ̃ɛku tɔnɑ. I wurɑmɑ nɛ, Gusunɔ bɛɛn Yinnin mi.

Sɑ̃ɑrun Woodɑ 16:29

Yeni yɑ ko n sɑ̃ɑwɑ woodɑ sere kɑ bɑɑdommɑɔ. Suru nɔɔbɑ yirusen sɔ̃ɔ wɔkuruse, i nɔɔ bɔkuo kpɑ i bɛɛn sɔmɑ deri sere kɑ sɔbɔ be bɑ wɑ̃ɑ bɛɛn suunu sɔɔ.

Sɑ̃ɑrun Woodɑ 26:40

Isireli be bɑ tiɑrɑ, bɑ koo ben torɑnu tuubɑ ko kɑ ben bɑɑbɑbɑɡinu ni bɑ kuɑ nɛ, Yinni Gusunɔn wuswɑɑɔ kɑ sere seesi bi bɑ mɑn seesi.

Luku 15:18

Nɑ kon se kpɑ n dɑ nɛn bɑɑbɑn mi n nùn sɔ̃ n nɛɛ, nɑ nùn torɑri, nɑ mɑɑ Gusunɔ torɑri.

Yosue 18:26

kɑ Misipe, kɑ Kefirɑ, kɑ Mɔsɑ,

Kpɑrobu 10:10

Yerɑ bɑ Yinni Gusunɔ nɔɔɡiru sue bɑ nɛɛ, sɑ nun torɑri sɑ durum kuɑ. Domi sɑ nun deri wunɛ wi ɑ sɑ̃ɑ bɛsɛn Yinni mɑ sɑ dɑ sɑ bũu ni bɑ mɔ̀ Bɑɑlibɑ sɑ̃ɑmɔ.

Kpɑrobu 10:15

Mɑ bɑ nɛɛ, sɑ yɛ̃ mɑ sɑ nun torɑriwɑ, ɑ kɑ sun koowo nɡe mɛ ɑ kĩ. Adɑmɑ ɑ ku de ɑ kun sun fɑɑbɑ kue ɡisɔ.

Kpɑrobu 2:4

Sɑɑ ye Yinni Gusunɔn ɡɔrɑdo wi, u ɡɑri yi ɡeruɑ u kpɑ, yerɑ Isirelibɑ kpuro bɑ nɔɔɡiru suɑ bɑ swĩ.

Kpɑrobu 20:26

Yerɑ Isirelibɑ kpuro bɑ mɛnnɑ Betɛliɔ bɑ sinɑ Yinni Gusunɔn sɑ̃ɑ yeru mi, bɑ weeweenu mɔ̀. Yen dɔmɑ te, bɑ nɔɔ bɔkuɑwɑ sere n kɑ kuɑ yokɑ. Mɑ bɑ Yinni Gusunɔ yɑ̃ku dɔ̃ɔ mwɑɑrɑruɡinu kuɑ kɑ siɑrɑbun yɑ̃kunu.

Kpɑrobu 3:10

Sɔ̃ɔ teeru Yinni Gusunɔn Hunde u Otiniɛli wi yɔɔwɑ mɑ u kuɑ Isirelibɑn kpɑro. Yen biru u seewɑ u dɑ u kɑ sinɑ boko wi tɑbu kuɑ. Mɑ Yinni Gusunɔ u nùn sunɔ wi nɔmu bɛriɑ u kɑmiɑ.

Sɑmuɛli I 1:15

Hɑnɑ u nùn wisɑ u nɛɛ, n ǹ mɛ, yinni. Nɑ ǹ tɑm ɡɑm nɔrɑ. Nɛ tɔn kurɔ nuku sɑnkirɑnuɡiiwɑ. Nɛn ɡɔ̃run ɡɑriyɑ nɑ Yinni Gusunɔ sɔ̃ɔmɔ.

Sɑmuɛli I 10:17

Yen biru Sɑmuɛli u Isirelibɑ kpuro sokusiɑ bɑ mɛnnɑ Yinni Gusunɔn sɑ̃ɑ yerɔ Misipɑɔ.

Sɑmuɛli I 12:10

Yerɑ bɑ Yinni Gusunɔ sokɑ bɑ nùn sɔ̃ɔwɑ bɑ nɛɛ, bɑ durum kuɑ domi bɑ nùn deri bɑ bũu tɔn durɔ be bɑ mɔ̀ Bɑɑlibɑ kɑ bũu tɔn kurɔ wi bɑ mɔ̀ Asitɑɑte sɑ̃ɑmɔ. Adɑmɑ ù n bu wɔrɑ ben yibɛrɛbɑn nɔmɑn di, bɑ koo nu deri bu nùn sɑ̃.

Sɑmuɛli I 7:15

Sɑmuɛli u kuɑwɑ Isirelibɑn kpɑro win wɑ̃ɑrun tɔ̃ru kpuro sɔɔ.