Sɑmuɛli I 7:10 - Bibeli Gusunɔn Gari

¹⁰ Sɑɑ ye Sɑmuɛli u yɑ̃ku te mɔ̀ mi, sɑɑ yerɑ Filisitibɑ bɑ Isirelibɑ tɑbu wɔrimɑ. Yerɑ Yinni Gusunɔ u derɑ ɡurɑ yɑ ɡbɑ̃rɑ yɑ Filisiti be nɑndɑsiɑ, ben lɑɑkɑri yɑ burisinɑ, mɑ bɑ duki yɑrinɑ Isirelibɑn min di.

Sɑmuɛli I 7:10 ပူးပေါင်းရင်းမြစ်များ

Womusu 18:15

U nɛn yibɛrɛbɑ yɑrinɑsiɑ kɑ ɡuru kpenu ni nu sɑ̃ɑ nɡe sɛ̃ɛnu. U bu ɡirɑ bɑɑmɑ kɑ ɡuru mɑɑkinu.

Womusu 29:3

Yinni Gusunɔ yiiko kpuroɡii u derɑ ɡurɑ yɑ ɡbɑ̃rɑmɔ. Win nɔɔ ɡɑ nɔɔrɑ ɡuru winu sɔɔ. U dɑm mɔ nim bɑkɑm wɔllɔ.

Womusu 29:4

Win nɔɔ ɡɑ nɔɔrɑ kɑ dɑm kɑ yiiko.

Womusu 78:66

Mɑ u win yibɛrɛbɑ so u ɡirɑ. U bu sekuru doke te tɑ ǹ kpeemɔ sere kɑ bɑɑdommɑɔ.

Sɔ̃ɔsiru 28:7

Wi, Yinni Gusunɔ, u koo de yibɛrɛ be bɑ bɛɛ seesi bu yɑrinɑ bɛɛn wuswɑɑn di. Swɑɑ tiɑ bɑ koo kɑ duumɑ ɑdɑmɑ bɑ koo duki yɑrinɑwɑ bu swɑɑ dɑbinu mwɑ.

Yosue 10:10

Yerɑ Yinni Gusunɔ u derɑ Amɔre be, bɑ burisinɑ Isirelibɑn wuswɑɑɔ. Mɑ Isirelibɑ bɑ bu ɡo ɡo ɡem kɑ tiɑ Gɑbɑonin bɔkuɔ. Bɑ ben ɡɑbu nɑɑ swĩi bɑ ɡo Bɛti Horonin swɑɑɔ sere bɑ kɑ turɑ Asekɑɔ kɑ Mɑkedɑɔ.

Kpɑrobu 4:15

Ye bɑ Siserɑ kɑ win tɑbu kowobu kɑ win tɑbu kɛkɛbɑ wɔri, Yinni Gusunɔ u derɑ Siserɑn tɔn be, bɑ burisinɑ Bɑrɑkin wuswɑɑɔ. Mɑ Siserɑ u sɑrɑ win kɛkɛn di u dukɑ suɑ kɑ nɑɑsu.

Kpɑrobu 5:20

Wɔllun diyɑ kperi yi kɑ Siserɑ tɑbu kuɑ. Yi wɑ̃ɑwɑ yin swɛɛ sɔɔ sɑɑ ye yi kɑ nùn sɑnnɑmɔ.

Kpɑrobu 5:8

Sɑnɑm mɛ bɑ Gusunɔ deri bɑ bũnu sɑ̃ɑmɔ, sɑɑ yerɑ bɑ bu tɑbu wɔrimɑ. Adɑmɑ bɑɑ ben tɔmbu nɔrɔbun subɑ weeru (40.000) sɔɔ, ɡoo sɑri wi u tɛrɛru ǹ kun mɛ yɑɑsɑ mɔ.

Sɑmuɛli I 12:17

N ǹ doo ɡɛ̃ɛrun sɑɑwɑ sɑ wɑ̃ɑ mi tɛ̃? Kon Yinni Gusunɔ kɑnɑ u de ɡurɑ yu nɛ kɑ ɡbɑ̃sukunu. Sɑnɑm mɛyɑ i ko ɡiɑ mɑ durum bɑkɑ i kuɑ win mi, ye i kɑ tii sunɔ bikiɑ.

Sɑmuɛli I 14:15

Mɑ bɛrum Filisitibɑn tɑbu kowobu mwɑ kpuro be bɑ wɑ̃ɑ sɑnsɑniɔ, kɑ be bɑ wɑ̃ɑ tɑbu ɡberɔ, kɑ be bɑ sɑnsɑni kɔ̃su, kɑ mɑɑ be bɑ yɑrimɔ bɑ tɔmbu wɔrɑɑ dɑɑmɔ. Sere kɑ tem tii mu yĩirumɔwɑ mɑ tɔmbɑ burisinɑ. Gusunɔwɑ u derɑ yɑbu ye kpuro yɑ koorɑ mɛ.

Sɑmuɛli I 2:10

Yinni Gusunɔ u koo win yibɛrɛbɑ kɔsuku muku muku kɑ ɡuru kpenu. U koo hɑnduniɑ kpuro siri. U koo wi u ɡɔsɑ ko sunɔ, kpɑ u nùn dɑm wɛ̃.

Sɑmuɛli I 7:11

Mɑ Isirelibɑn tɑbu durɔbu bɑ yɑrɑ Misipɑn di bɑ Filisiti be nɑɑ ɡirɑ bɑ bu ɡo ɡo bɑ kɑ turɑ sere Bɛti Kɑriɔ.