Sɑmuɛli I 2:9 - Bibeli Gusunɔn Gari

⁹ U koo win bɔrɔkinibɑn sɑnu sɑnusu kɔ̃su. Adɑmɑ u koo de tɔn kɔ̃sobu bu kɑm ko yɑm wɔ̃kurɔ. Domi ɡoo sɑri wi u koo nɑsɑrɑ wɑ kɑ win tiin dɑm.

Sɑmuɛli I 2:9 ပူးပေါင်းရင်းမြစ်များ

Yoobu 18:18

Domi bɑ nùn yɑrɑ yɑm bururɑm di, bɑ sure yɑm wɔ̃kuru sɔɔ. Mɑ bɑ nùn ɡirɑ hɑnduniɑn di.

Yoobu 40:13

kpɑ ɑ bu sike sɑnnu bɑ n wɑ̃ɑ ɡɔribun wɑ̃ɑ yerɔ, mi bɑ ǹ bu wɑsi.

Yoobu 5:16

Nɡe mɛyɑ u rɑ dɑm sɑriruɡii wi yĩiyɔbu wɛ̃, kpɑ u durumɡiin nɔɔ kɔre.

Yoobu 5:24

Kɑɑ n bɔri yɛndu mɔwɑ wunɛn yɛnuɔ. Kpɑ wunɛn sɑbenun ɡɔ̃ɔ ɡɑ n yibɑ bɑɑdommɑ.

Womusu 1:6

Domi win swɑɑ dɔɔwɑ kɑm koo yerɔ. Adɑmɑ Yinni Gusunɔwɑ u ɡemɡibu swɑɑ ɡbiiye.

Womusu 105:37

Mɑ u win tɔmbu yɑrɑ Eɡibitin di bɑ wurɑ kɑ sii ɡeesu wɑ bɑ sɔɔwɑ. Ben ɡoo kun mɑɑ sɑnum kpɑnɛ swɑɑ sɔɔ.

Womusu 121:3

U ǹ derimɔ wunɛn nɑɑsu su sokurɑ. Wi u nun kɔ̃su, u ǹ dom yĩbirimɔ.

Womusu 121:5

Yinni Gusunɔ u sɑ̃ɑwɑ wunɛn kɔ̃so. U wɑ̃ɑ wunɛn nɔn ɡeuɔ u nun sɑɑru sɑ̃ɑwɛ.

Womusu 121:8

kpɑ u nun kpɑrɑ wunɛn dɑɑru kɑ weru sɑɑ tɛ̃n di sere kɑ bɑɑdommɑɔ.

Womusu 145:20

A rɑ be bɑ nun kĩ kɔ̃su kpɑ ɑ tɔn kɔ̃sobu kɑm koosiɑ.

Womusu 31:17

A mɑn wunɛn yɑm bururɑm sɔ̃ɔsio. A mɑn wɔro wunɛn durom sɔ̃.

Womusu 37:28

Yinni Gusunɔ u ɡem kĩ. U ǹ win tɔmbu derimɔ, u rɑ n bu kɔ̃su. Adɑmɑ bɑ koo tɔn kɔ̃sobun bweseru kpeerɑsiɑ.

Womusu 94:18

Yinni Gusunɔ, nɑ̀ n bɑ̃ɑrimɔ, wunɛn duromɑ mu rɑ de nɑ n tɑ̃sɑ.

Womusu 97:10

Bɛɛ be i Yinni Gusunɔ kĩ, i kɔ̃sɑ tusio. U rɑ be bɑ nùn nɑɑnɛ sɑ̃ɑ wɔre tɔn kɔ̃sobun nɔmɑn di.

Mɔnnu 16:9

Tɔnu u rɑ niɑ ko ye u kĩ, ɑdɑmɑ Gusunɔwɑ u rɑ win sɑnu sɑnusu kpɑre.

Mɔnnu 2:8

U rɑ be bɑ ku rɑ ben berusebu kɔ̃sɑ kue kɔ̃su, kpɑ u wiɡii be bɑ nùn mɛm nɔɔwɛ kpɑrɑ.

Mɔnnu 3:26

Domi Yinni Gusunɔ u koo nun kɔ̃su. U koo nun ɡbɑrɑ yɛ̃ri kpuron di.

Wɑɑsu kowo 5:17

Ye nɑ wɑ n burɑm bo kpuro tɔnun sɔ̃ yerɑ, u di u nɔ kpɑ u nuku dobu ko win sɔmburun ɑre sɔɔ win wɑ̃ɑrun tɔ̃ru sɔɔ te Gusunɔ u nùn burɑ. Domi yerɑ u mɔ mi.

Wɑɑsu kowo 9:11

Nɑ mɑɑ wɑ hɑnduniɑ ye sɔɔ, n ǹ mɔ be bɑ dukɑ mɔ tɔnɑwɑ bɑ rɑ ɡɑrɑsɑ di bɑɑdommɑ. N ǹ mɑɑ mɔ tɑbu durɔ dɑmɡibu tɔnɑwɑ bɑ rɑ tɑbu di bɑɑdommɑ. Mɛyɑ n ǹ mɑɑ mɔ bwisiɡibɑ bɑ rɑ dĩɑnu wɑ bɑ kun wɑhɑlɑ kue. N ǹ mɑɑ mɔ lɑɑkɑriɡibu tɔnɑwɑ bɑ rɑ ko ɡobiɡibu bɑɑdommɑ. N ǹ mɑɑ yɛ̃ruɡibu tɔnɑ tɔmbu bɑ rɑ bɛɛrɛ wɛ̃. Domi be kpurowɑ kɔ̃sɑ kɑ ɡeɑ yɑ rɑ deemɛ.

Esɑi 27:3

nɛ, Yinni Gusunɔwɑ nɑ tu nɔɔrimɔ. Nɛnɑ nɑ tu nim yɛ̃kɑmɔ sɑɑ kpuro. Nɑ tu kɔ̃su sɔ̃ɔ sɔɔ kɑ wɔ̃kuru, ɡoo u ku rɑɑ kɑ tu wɔri u mwɑ.

Esɑi 47:5

Bɑbiloni, wunɛ wi ɑ sɑ̃ɑ nɡe Kɑlɑdebɑn wɔndiɑ, ɑ doo ɑ sinɑ yɑm wɔ̃kuru sɔɔ, ɑ mɑri. Bɑ ǹ mɑɑ nun sokumɔ sinɑmbun sinɑ boko.

Yeremi 8:14

Yudɑbɑ bɑ nɛɛ, mbɑn sɔ̃nɑ sɑ sɔ̃ mini. I de su mɛnnɑ kpɑ su dɑ wuu si su ɡbɑ̃rɑnu mɔn mi, sɑ n ɡɔɔ mɑrɑ. Domi Gusunɔ bɛsɛn Yinni u yiwɑ su ɡbi. U koo sun nim dɛ̃ɛɡim nɔrusiɑ, yèn sɔ̃ sɑ nùn torɑri.

Yeremi 9:23

Adɑmɑ wi u kĩ u woo kɑnɑ, u woo kɑnɔ yèn sɔ̃ u bwisi mɔ u kɑ mɑn tubu, mɑ u yɛ̃ mɑ nɛnɑ nɑ sɑ̃ɑ Yinni Gusunɔ. Nɑ sɑ̃ɑwɑ nɑɑnɛɡii wi u rɑ siri dee dee, kpɑ u de durom mu n wɑ̃ɑ tem sɔɔ. Tɔn benin bweserɑ bɑ rɑ mɑn wɛ̃re. Nɛ, Yinni Gusunɔwɑ nɑ yeni ɡeruɑ.

Nɑhumu 1:8

U koo Ninifu kpeerɑsiɑ mɑm mɑm kɑ nim bɑkɑm, kpɑ u win yibɛrɛbɑ nɑɑ ɡirɑ sere ɡɔribun wɑ̃ɑ yerɔ yɑm wɔ̃kuru sɔɔ.

Sofoni 1:15

Tɔ̃ɔ te, tɑ sɑ̃ɑwɑ mɔrun tɔ̃ru. Tɔ̃ɔ te, tɑ sɑ̃ɑwɑ nuku sɑnkirɑnun tɔ̃ru. Tɑ sɑ̃ɑwɑ kɑm kobun tɔ̃ru. Tɔ̃ɔ te, yɑm wɔ̃kurɑ koo tu wukiriwɑ nɡe bukɔ kɑ ɡuru winu.

Gbɑburu 6:24

Bɑ ko n dɑ nɛɛwɑ, Yinni Gusunɔ u bɛɛ domɑru kuɑ, kpɑ u bɛɛ kɔ̃su.

Mɑteu 8:12

Adɑmɑ be, be n weenɛ bɑ n wɑ̃ɑ mi, bɑ koo bu kɔ̃ tɔɔwɔ yɑm wɔ̃kuru sɔɔ mi bɑ koo wiru nɔmɑ sɔndi bu swĩ.

Romu 3:19

Tɛ̃ sɑ yɛ̃ mɑ kpuro ye woodɑ yɑ ɡerumɔ, yɑ ye ɡerumɔwɑ be bɑ wɑ̃ɑ yen nɔmuɔn sɔ̃, kpɑ nɔɔ bɑɑɡere ɡu kɑ mɑri, kpɑ bɑɑwure u win dɑɑ tusiɑ Gusunɔn wuswɑɑɔ.

Sɔ̃ɔsiru 33:3

Yinni Gusunɔ u Isirelibɑ kĩ. U rɑ tɔmbu kpuro kɔ̃su be bɑ sɑ̃ɑ wiɡibu, bɑ rɑ yiire win nuurɔ bu kɑ win sɔ̃ɔsiru wɑ.

Piɛɛ I 1:5

bɛɛ be Gusunɔn dɑm mu kɔ̃su nɑɑnɛ dokebun sɑɑbu i kɑ fɑɑbɑ wɑ ye yɑ sɔɔru sɑ̃ɑ yu kɑ sɔ̃ɔsirɑ sɑnɑm dɑ̃ɑkim sɔɔ.

Piɛɛ II 2:17

Tɔn be, bɑ sɑ̃ɑwɑ bwii nim sɑribɑ kɑ bukɔ ɡe woo ɡɑ bɔrikiɑmɔ. Gusunɔ u bu yɑm wɔ̃kuru yiiye tɑ kpɑ̃.

Yudu 1:1

Nɛ Yudu, Yesu Kirisin yoo, nɛ wi nɑ sɑ̃ɑ Yɑkɔbun wɔnɔ, nɑ bɛɛ tire teni yoruɑmmɛ, bɛɛ be Gusunɔ Bɑɑbɑ u sokɑ. U bɛɛ kĩ, mɑ u bɛɛ kɔ̃su Yesu Kirisin sɔ̃.

Yudu 1:13

Bɑ sɑ̃ɑwɑ nɡe nim wɔ̃kun nim kure ni nu kukumɔ. Nɡe mɛ nu nin yɑkeru kɔ̃ɔmɔ mɛyɑ bɑ mɑɑ ben sekuru sɑri kom sɔ̃ɔsimɔ. Bɑ sɑ̃ɑwɑ nɡe wɔllun kperi yi yi yin swɑɑ bie, Gusunɔ u bu yɑm wɔ̃ku te tɑ kpɑ̃ yiiye tè sɔɔ bɑ koo du kɑ bɑɑdommɑ.

Yudu 1:3

Nɛn kĩnɑsibu, nɑ rɑɑ kĩ n bɛɛ tireru yoruɑ, nɛ kɑ bɛɛn fɑɑbɑn ɡɑrin sɔ̃, ɑdɑmɑ wee tɛ̃ n kuɑ tilɑsi n kɑ bɛɛ tire teni yoruɑ n kɑ bɛɛ hɑniɑ koosiɑ kpɑ i kɑ ɡɑri yi i nɑɑnɛ doke sunɑ yi Gusunɔ u wiɡibu wɛ̃ nɔn teeru sere kɑ bɑɑdommɑɔ.

Sɑmuɛli I 25:26

Sere kɑ Yinni Gusunɔn wɑ̃ɑru kɑ mɑɑ wunɛn wɑ̃ɑru, Yinni Gusunɔwɑ u nun yinɑri ɑ wunɛn yibɛrɛbɑn yɛm yɑri. Yen sɔ̃ tɛ̃, be bɑ nun tusɑ bɑ wunɛn kɔ̃sɑ kɑsu, u de bu kɑm ko nɡe Nɑbɑli.