Sɑmuɛli I 2:10 - Bibeli Gusunɔn Gari

¹⁰ Yinni Gusunɔ u koo win yibɛrɛbɑ kɔsuku muku muku kɑ ɡuru kpenu. U koo hɑnduniɑ kpuro siri. U koo wi u ɡɔsɑ ko sunɔ, kpɑ u nùn dɑm wɛ̃.

Sɑmuɛli I 2:10 ပူးပေါင်းရင်းမြစ်များ

Sɑmuɛli II 22:14

Win nɔɔ ɡɑ nɔɔrɑ wɔllun di nɡe ɡuru ɡbɑ̃sukubu. Mɑ ɡuru kpenu nɛmɔ kɑ dɔ̃ɔ buri.

Sɑmuɛli II 7:13

Wiyɑ u koo mɑn diru bɑniɑ u kɑ nɛn yĩsiru bɛɛrɛ wɛ̃, kpɑ n win sinɑ ɡɔnɑ swĩi sere kɑ bɑɑdommɑɔ.

Sɑmuɛli II 7:8

Yen sɔ̃, ɑ doo ɑ Dɑfidi nɛn sɔm kowo sɔ̃ ɑ nɛɛ, nɛ Gusunɔ wɔllu kɑ tem Yinni, nɛnɑ nɑ yeni ɡerumɔ. Yɑ̃ɑ kpɑrɑbun diyɑ nɑ nùn wunɑmɑ u n kɑ sɑ̃ɑ nɛn tɔmbu Isirelibɑn kpɑro.

Yoobu 40:9

Wunɛn dɑm mu nɛ Gusunɔɡim turɑ? Wunɛn nɔɔ ɡɑ koo kpĩ ɡu nɔɔrɑ kɑ dɑm nɡe nɛɡuu?

Womusu 132:17

Miyɑ u koo Dɑfidi wi u ɡɔsɑn dɑm sosi, kpɑ u win bweserun ɡoo swĩi, u n sɑ̃ɑ nɡe fitilɑ.

Womusu 148:14

U win tɔmbu Isirelibɑ be, be bɑ nun nɑɑnɛ sɑ̃ɑ bɑ wɑ̃ɑ win bɔkuɔ dɑm wesiɑ mɑ n kuɑ bɛɛrɛ bɑkɑ. Yen sɔ̃, i Yinni Gusunɔ siɑro.

Womusu 2:9

U mɑɑ mɑn sɔ̃ɔwɑ u nɛɛ, kon kpĩ n bu kpɑrɑ nɡe wi u kpɑrɑmɔ kɑ sii bokuru, kon kpĩ n bu kɔsuku nɡe weke te bɑ mɔmɑ.

Womusu 20:6

A de ye u nun bikiɑ kpuro yu koorɑ, kpɑ bɛsɛ kpuro su yɛ̃ɛri sinɑ bokon nɑsɑrɑn sɔ̃, kpɑ su wunɛn yĩsiru wɔlle suɑ.

Womusu 20:7

Tɛ̃, nɑ yɛ̃ mɑ wunɑ ɑ sinɑ boko ɡɔsɑ, ɑ rɑ mɑɑ nùn somi. Wunɑ ɑ rɑ win kɑnɑru nɔ sɑɑ wɔllun di, kpɑ ɑ nùn nɑsɑrɑ wɛ̃ kɑ wunɛn dɑm bɑkɑm.

Womusu 21:1

Womu ɡe wom kowobun wiruɡii u kuɑ Dɑfidin sɔ̃.

Womusu 28:8

Yinni Gusunɔ, ɑ sɑ̃ɑwɑ wunɛn tɔmbun dɑm. Domi ɑ sɑ̃ɑwɑ nɡe kɑ̀rì, ɑ kɑ wi ɑ ɡɔsɑ fɑɑbɑ ko.

Womusu 45:7

Gusunɔ, bɑ wunɛn bɑndu swĩi sere kɑ bɑɑdommɑɔ. Gemɑ ɑ kɑ wunɛn bɑndu nɛni.

Womusu 89:17

Bɑ koo nuku dobu ko tɔ̃ɔ bɑɑtere wunɛn yĩsirun sɔ̃. Kpɑ bu bɛɛrɛ wɑ wunɛn ɡem sɔ̃.

Womusu 89:24

Kɑɑ win yibɛrɛbɑ kpeerɑsiɑ. Kɑɑ be bɑ nùn tusɑ sɛ̃suku.

Womusu 89:25

Wunɛn bɔrɔkiniru kɑ wunɛn tɔn ɡeerɑ ko n wɑ̃ɑ kɑ wi. Kpɑ ɑ nùn dɑm wɛ̃ kɑ wunɛn yĩsiru.

Womusu 98:9

Domi u wee u hɑnduniɑɡibu siri. U koo bu siriwɑ ɡem sɔɔ.

Yɑribu 15:6

Yinni Gusunɔ, wunɛn nɔm ɡeu ɡɑ dɑm yiikoɡim mɔ. Geyɑ ɡɑ wunɛn wɛrɔbu munkɑ muku muku.

Wɑɑsu kowo 11:9

Bii durɔbu, ɑ yɛ̃ɛrio wunɛn ɑluwɑɑsirun sɑɑ sɔɔ. A wunɛn wɑ̃ɑru dio nɡe mɛ wunɛn ɡɔ̃ru ɡɑ kĩ. Adɑmɑ yenibɑ kpuron biru, ɑ n yɛ̃ mɑ Gusunɔ u koo nun soku siri yerɔ.

Wɑɑsu kowo 12:14

Domi Gusunɔ u koo kookoosu kpuro siri kɑ mɑm si su beruɑn tii, ɡeesu kɑ kɔ̃susu.

Esɑi 29:6

Adɑmɑ subɑru sɔɔ Gusunɔ, wɔllu kɑ tem Yinni u koo nɑ u bu sɛɛyɑsiɑ kɑ ɡuru ɡbɑ̃sukubu kɑ tem yĩirubu, kɑ wɔki bɑkɑnu kɑ woo ɡunɑ kɑ ɡuru woo bɔkɔ, kɑ sere mɑɑ dɔ̃ɔ boko,

Esɑi 32:1

Sɔ̃ɔ teeru ɡoo u koo yɑri u bɑndu di kpɑ wi kɑ win bwɑ̃ɑbu bu tem mɛ kpɑrɑ ɡem sɔɔ.

Esɑi 45:24

Bɑ koo ɡere bu nɛɛ, nɛ turon miyɑ ɡem kɑ dɑm mu wɑ̃ɑ. Be bɑ mɑn seesi kpuro bɑ koo sekuru wɑ.

Esekiɛli 29:21

Yen tɔ̃ɔ te, kon Isirelibɑ dɑm kɛ̃ kpɑ n mɑɑ wunɛ tɔnun biin nɔɔ wukiɑ ɑ kɑ bu ɡɑri ko kpɑ bu ɡiɑ mɑ nɛnɑ nɑ sɑ̃ɑ Yinni Gusunɔ.

Mɑteu 25:34

Sɑnɑm mɛyɑ sunɔ u koo be bɑ wɑ̃ɑ win nɔm ɡeuɔ sɔ̃ u nɛɛ, i nɑ bɛɛ be nɛn Bɑɑbɑ u domɑru kuɑ, i bɑndu tubi dio te bɑ bɛɛ sɔɔru kuɑ sɑɑ hɑnduniɑn toren di.

Mɑteu 28:18

Yesu bu susi u nɛɛ, wɔllu kɑ tem yiiko kpurowɑ bɑ mɑn wɛ̃.

Luku 1:69

Mɑ u kɑ sun Fɑɑbɑ kowo dɑmɡii nɑɑwɑ wi u sɑ̃ɑ Dɑfidi win sɔm kowon sikɑdobu.

Luku 19:27

Yen biru i kɑ nɛn yibɛrɛbɑ nɑ mini be bɑ kun kĩ n bɑndu di kpɑ i bu sɑkiri nɛn wuswɑɑɔ.

Gɔrobun Kookoosu 10:38

I Yesu Nɑsɑrɛtiɡiin bɑɑru yɛ̃ nɡe mɛ Gusunɔ u nùn Hunde Dɛɛro kɑ dɑm wɛ̃. U dɑ bɑɑmɑ kpuro u sɔm ɡeenu kuɑ u tɔmbu bɛkiɑ be Setɑm u dɑm dɔre, domi Gusunɔ wɑ̃ɑ kɑ wi.

Gɔrobun Kookoosu 4:27

Geemɑ, wuu ɡeni sɔɔrɑ Herodu kɑ Pɔnsu Pilɑti kɑ tɔn tukobu kɑ mɑɑ Isirelibɑ, be kpuro bɑ mɛnnɑ bɑ kɑ Yesu wunɛn sɔmɔ dɛɛro wi ɑ kuɑ Kirisi tɑbu kuɑ.

Korinti II 5:10

Domi sɑ ǹ ko ko sɑ kun yɔ̃re Kirisin wuswɑɑɔ u kɑ sun siri bɛsɛ kpuro, kpɑ u kɑ bɑɑwure kɔsiɑ nɡe mɛ win kookoosu nɛ si u kuɑ win wɑ̃ɑru sɔɔ, ǹ n kɔ̃sɑn nɑ, ǹ n mɑɑ ɡeɑn nɑ.

Kpɑrobu 5:31

Yinni Gusunɔ, ɑ de wunɛn yibɛrɛbɑ kpuro bu ɡbi nɡe Siserɑ. Adɑmɑ be bɑ nun kĩ, bɑ n bɑllimɔ nɡe sɔ̃ɔ wii wɔllun sɔ̃ɔ. Yen biruwɑ tem mɛ, mu bɔri yɛndu wɑ wɔ̃ɔ weeru.

Sɑmuɛli I 12:13

I nùn sunɔ bikiɑ, mɑ u bɛɛ nùn wɛ̃. Sunɔ wi i kĩ mi, wi wee mi tɛ̃.

Sɑmuɛli I 12:17

N ǹ doo ɡɛ̃ɛrun sɑɑwɑ sɑ wɑ̃ɑ mi tɛ̃? Kon Yinni Gusunɔ kɑnɑ u de ɡurɑ yu nɛ kɑ ɡbɑ̃sukunu. Sɑnɑm mɛyɑ i ko ɡiɑ mɑ durum bɑkɑ i kuɑ win mi, ye i kɑ tii sunɔ bikiɑ.

Sɑmuɛli I 12:18

Mɑ Sɑmuɛli u Yinni Gusunɔ kɑnɑ. Gurɑ nɑ tɔ̃ɔ te sɔɔ, kɑ ɡbɑ̃sukunu. Yerɑ tɔn be kpuro bɑ Yinni Gusunɔ kɑ Sɑmuɛli nɑsiɑ.

Sɑmuɛli I 12:3

I mɑn seedɑ diiyo Yinni Gusunɔ kɑ sunɔ wi u ɡɔsɑn wuswɑɑɔ. Wɑrɑn kɛtɛwɑ nɑ mwɑɑre. Ǹ kun mɛ, weren kɛtɛkuwɑ nɑ mwɑ. Wɑrɑ nɑ tɑki diire. Ǹ kun mɛ, wɑrɑ nɑ dɑm dɔrere. Nɡe weren kɛ̃rɑ nɑ mwɑɑre n kɑ nùn ɡem wɛ̃. Wi nɑ yen ɡɑɑ kuɑre, kon yɛ̃ro yen dibu kɔsiɑ.

Sɑmuɛli I 15:28

Sɑmuɛli u nùn sɔ̃ɔwɑ u nɛɛ, Yinni Gusunɔ u nun Isirelibɑn bɑndu wɔrɑri ɡisɔ u tu ɡoo wɛ̃ wi u nun sɑnɔ kere.

Sɑmuɛli I 16:1

Yinni Gusunɔ u Sɑmuɛli sɔ̃ɔwɑ u nɛɛ, sere sɑɑ yerɑ̀ kɑɑ n wɑ̃ɑ ɑ n Sɔɔlu swĩiyɑmmɛ. Domi nɑ nùn bɑndu yɑrɑ. U ǹ mɑɑ kpɛ̃ u bɑndu di Isirelibɑ sɔɔ. Yen sɔ̃, ɑ ɡum yibio wunɛn kɔbɑ ye sɔɔ kpɑ n nun ɡɔri ɑ dɑ Isɑi, Bɛtelehɛmuɡiin mi. Domi nɑ win bii turo ɡɔsɑ u kɑ ko sunɔ wi nɑ kĩ.

Sɑmuɛli I 7:10

Sɑɑ ye Sɑmuɛli u yɑ̃ku te mɔ̀ mi, sɑɑ yerɑ Filisitibɑ bɑ Isirelibɑ tɑbu wɔrimɑ. Yerɑ Yinni Gusunɔ u derɑ ɡurɑ yɑ ɡbɑ̃rɑ yɑ Filisiti be nɑndɑsiɑ, ben lɑɑkɑri yɑ burisinɑ, mɑ bɑ duki yɑrinɑ Isirelibɑn min di.