Sɑmuɛli I 13:2 - Bibeli Gusunɔn Gari

² yerɑ u tɔnu nɔrɔbun subɑ itɑ (3.000) ɡɔsɑ be sɔɔ. Ben nɔrɔbun subɑ yiru (2.000) yɑ wɑ̃ɑ kɑ wi Mikimɑsiɔ, Betɛlin ɡuurun berɑ ɡiɑ. Tɔnu nɔrɔbu (1.000) bɑ mɑɑ wɑ̃ɑ kɑ Yonɑtɑm Gibeɑɔ, Bɛnyɑmɛɛn temɔ. Mɑ u derɑ tɔn be bɑ tie bɑ wurɑ ben yɛnusɔ.

Sɑmuɛli I 13:2 ပူးပေါင်းရင်းမြစ်များ

Sɑmuɛli II 20:1

Sɑɑ ye sɔɔ, tɔn kɔ̃so ɡoo wɑ̃ɑ Bɛnyɑmɛɛn bweseru sɔɔ, win yĩsirɑ Sebɑ, Bikirin bii. Yerɑ u kɔbɑ so u nɛɛ, mbɑ n sun mɔɔsinɛ bɛsɛ kɑ Dɑfidi Isɑin bii. Mɛyɑ sɑ ǹ mɑɑ tubi tiɑ dimɔ. Yen sɔ̃, bɛɛ Isirelibɑ, bɑɑwure u wuro win yɛnuɔ.

Sɑmuɛli II 21:6

nɡe mɛyɑ ɑ mɑɑ sun win bweseru sɔɔ tɔn durɔbu nɔɔbɑ yiru yɑro ɑ sun bu nɔmu bɛriɑ, kpɑ su kɑ bu dɑ su sɑ̃ɑrusiɑ Yinni Gusunɔn wuswɑɑɔ Gibeɑɔ, wi, Sɔɔlu wi Yinni Gusunɔ u rɑɑ ɡɔsɑn tiin wuuɔ. Mɑ sinɑ boko u bu wisɑ u nɛɛ, kon bɛɛ bu nɔmu bɛriɑ.

Sɑmuɛli II 23:29

kɑ Helɛbu, Bɑɑnɑn bii, wi u mɑɑ sɑ̃ɑ Nɛtofɑɡii, kɑ Itɑi, Ribɑin bii, Gibeɑɡii. Gibeɑ ye, yɑ wɑ̃ɑ Bɛnyɑmɛɛn temɔ.

Ɛsidɑrɑsi 2:27

Mikimɑsiɡibu bɑ sɑ̃ɑwɑ tɔmbu wunɑɑ teeru kɑ yiru (122).

Nɛɛmi 11:31

Bɛnyɑmɛɛbɑ bɑ dɑ bɑ sinɑwɑ Gebɑn di n kɑ dɑ Mikimɑsiɔ kɑ Ayɑɔ kɑ Betɛliɔ kɑ yen bɑru kpɑɑnɔ

Yosue 18:28

kɑ Selɑ, kɑ Elɛfu, kɑ Yebusi ye bɑ mɑɑ mɔ̀ Yerusɑlɛmu, kɑ Gibeɑ kɑ Kiriɑti. Si kpuro su sɑ̃ɑwɑ wusu wɔkurɑ nnɛ, ɡen bɑɑɡere kɑ ɡen bɑru kpɑɑnu. Yeni kpurowɑ n kuɑ Bɛnyɑmɛɛn bwese kɛrɑn tubi.

Yosue 22:6

Yen biru u bu domɑru kuɑ mɑ u nɛɛ, i ɡɔsiro bɛɛn temɔ kɑ bɛɛn yɑɑ sɑbenu kɑ sii ɡeesu kɑ wurɑ kɑ sii ɡɑndu kɑ sii wɔ̃kusu. Arumɑni ye i ɡurɑ bɛɛn yibɛrɛbɑn min di ɡesi kpuro, i ye bɔnu koowo kɑ bɛɛn tɔn be i rɑɑ deri mi. I n mɑɑ yɛ̃ mɑ Mɔwisi u Mɑnɑsen bwese kɛrɑn sukum tem wɛ̃ Bɑsɑniɔ Yuudɛnin sɔ̃ɔ yɑri yeru ɡiɑ. Nɑ mɑɑ ben sukum bɔnu wɛ̃ sɔ̃ɔ duu yeru ɡee nɡe mɛ nɑ Isirelibɑn bwese kɛri yi yi tie kuɑ.

Kpɑrobu 19:12

Yerɑ win yinni u nùn wisɑ u nɛɛ, tɔn tukobun wuuɔrɑ sɑ ko dɑ? A de su yɑnde turi Gibeɑɔ, ǹ kun mɛ Rɑmɑɔ mi Isirelibɑ bɑ wɑ̃ɑ, kpɑ su kpunɑ min ɡɑm.

Sɑmuɛli I 10:26

Sɔɔlun tii u mɑɑ dɑ win yɛnuɔ Gibeɑɔ. N deemɑ Gusunɔ u tɑbu durɔ dɑmɡibu ɡɑbun ɡɔ̃ruɔ doke bu nùn swĩi.

Sɑmuɛli I 10:5

Yen biru kɑɑ dɑ sere ɡunɡuru mi bɑ rɑ Gusunɔ sɑ̃ te bɑ mɔ̀ Gibeɑ. Miyɑ Filisitibɑn tɑbu kowo wuuru ɡɑrɑ wɑ̃ɑ. Sɑɑ ye ɑ duɔ wuu ɡe sɔɔ, kɑɑ kɑ Gusunɔn sɔmɔbun wuuru ɡɑru yinnɑ be bɑ sɑrɑm wee ɡunɡuu ten min di, bɑ ɡiriɡbo kɑ bwɑ̃ɑru kɑ ɡuuru kɑ mɔrɔku soomɔ, bɑ Yinni Gusunɔ sɑ̃ɑmɔ.

Sɑmuɛli I 13:1

Sɔɔlu u mɔwɑ wɔ̃ɔ sɑnɑm mɛ u bɑndu di Isirelibɑ sɔɔ. Ye u bu kpɑrɑ wɔ̃ɔ yiru,

Sɑmuɛli I 13:11

Sɑmuɛli u nɛɛ, mbɑn sɔ̃nɑ ɑ yenin bweseru kuɑ. Sɔɔlu u wisɑ u nɛɛ, nɑ wɑ tɔmbɑ yɑrinɑmɔ mɑ ɑ ǹ nɛ sɑɑ ye ɑ burɑ. Filisitibɑ wee, bɑ mɑɑ mɛnnɛ Mikimɑsiɔ.

Sɑmuɛli I 13:15

Mɑ Sɑmuɛli u seewɑ u doonɑ Giliɡɑlin di. Yerɑ Sɔɔlu kɑ win tɑbu kowo be bɑ tie bɑ mɑɑ dɑ Gibeɑɔ, Bɛnyɑmɛɛn temɔ. Mɑ u bu ɡɑrɑ mi. Ben ɡeerɑ kuɑ tɔnu nɑtɑn (600) sɑkɑ.

Sɑmuɛli I 13:16

Sɔɔlu kɑ win bii Yonɑtɑm kɑ tɔn be bɑ kɑ bu wɑ̃ɑ sɑnnu, bɑ ben sɑnsɑni ɡirɑ Gibeɑ mi. Adɑmɑ Filisitibɑn sɑnsɑni yɑ wɑ̃ɑ Mikimɑsiɔ.

Sɑmuɛli I 13:23

Mɑ Filisitibɑn tɑbu kowobun wuu teeru ɡɑrɑ yɑrɑ tɑ dɑ Mikimɑsiɔ, berɑ mi ɡuunu yiru nu yinnɑ. N deemɑ miyɑ bɑ rɑ kɑ sɑre.

Sɑmuɛli I 13:5

Mɑ Filisitibɑ bɑ mɑɑ mɛnnɑ bu kɑ Isirelibɑ tɑbu ko. Bɑ tɑbu kɛkɛbɑ mɔwɑ nɔrɔbun subɑ tɛnɑ (30.000) kɑ mɑɑ mɑɑsɔbu nɔrɔbun subɑ nɔɔbɑ tiɑ (6.000). Ben tɑbu kowobu bɑ ǹ ɡɑrirɔ. Bɑ dɑbiwɑ nɡe yɑni sɛɛri nim wɔ̃kun ɡoorɔ. Mɑ bɑ nɑ bɑ sɑnsɑni ɡirɑ Mikimɑsiɔ, Bɛti Afɛnin sɔ̃ɔ yɑri yeru ɡiɑ.

Sɑmuɛli I 14:31

Dɔmɑ te, bɑ Filisitibɑ ɡowɑ sɑɑ Mikimɑsin di sere kɑ Ayɑloniɔ. Mɑ bɑ wɑsirɑ ɡem ɡem.

Sɑmuɛli I 14:5

Teerɑ wɑ̃ɑ swɑɑ yen sɔ̃ɔ yɛ̃sɑn nɔm ɡeu ɡiɑ Mikimɑsin deedeeru. Teerɑ mɑɑ wɑ̃ɑ Gebɑn deedeeru.

Sɑmuɛli I 14:52

Sɔɔlun wɑ̃ɑru kpuro sɔɔ, tɑbu kun dwiiyɑre wi kɑ Filisitibɑn bɑɑ sɔɔ. Yen sɔ̃nɑ win tɔmbu sɔɔ, ù n ɡoo wɑ wi u dɑm mɔ u wɔruɡɔru mɔ, u rɑ yɛ̃ro mwɑɑmɛwɑ u ko win tɑbu kowo.

Sɑmuɛli I 15:34

Yen biru Sɑmuɛli u dɑ Rɑmɑɔ, Sɔɔlu mɑɑ dɑ win yɛnuɔ Gibeɑɔ.

Sɑmuɛli I 24:3

Mɑ Sɔɔlu u tɔmbu nɔrɔbun subɑ itɑ (3.000) suɑ be bɑ sɑ̃ɑ tɑbu durɔbu Isirelibɑ sɔɔ, bu dɑ sere kpee bɑkɑnun berɑ ɡiɑ mi kpee bɛri yi rɑ n wɑ̃ɑ bu Dɑfidi kɑ win tɔmbu kɑsumɑ.

Sɑmuɛli I 26:2

Mɑ Sɔɔlu u seewɑ u dɑ ɡbɑburu mi, kɑ tɑbu durɔ dɑmɡibu nɔrɔbun subɑ itɑ (3.000) u kɑ Dɑfidi kɑsu.

Sɑmuɛli I 8:11

U nɛɛ, sinɑ boko wi u koo bɑndu di mi, ɑmɛniwɑ u koo ko. U koo bɛɛn bii tɔn durɔbu mwɛɛri bɑ n sɑ̃ɑ win tɑbu kowobu, ɡɑbu bu win tɑbu kɛkɛbɑn sɔmburu ko, kpɑ ɡɑbu bɑ n sɑ̃ɑ mɑɑsɔbu, kpɑ ɡɑbu bɑ n sɑ̃ɑ win kirukubɑ bɑ n duku dukubu mɔ̀ win tɑbu kɛkɛn wuswɑɑɔ.