Sɑmuɛli I 10:2 - Bibeli Gusunɔn Gari

² Sɑ̀ n yɑrinɑ minin di tɛ̃, kɑɑ kɑ durɔbu yiru ɡɑbu yinnɑ Sɛɛtɑkiɔ, Bɛnyɑmɛɛn temɔ Rɑsɛlin sikirun bɔkuɔ. Bɑ koo nun sɔ̃ bu nɛɛ, kɛtɛku ni ɑ kɑso dɑ mi, bɑ nu wɑ kɔ. Wunɛn bɑɑ u ǹ mɑɑ nin bwisikunu mɔ̀, wunɛn tiin bwisikunɑ u mɔ̀. U tii bikiɑmɔ, ɑmɔnɑ u koo ko win biin sɔ̃.

Sɑmuɛli I 10:2 ပူးပေါင်းရင်းမြစ်များ

Torubu 35:16

Yen biru Yɑkɔbu kɑ win tɔmbu bɑ seewɑ Betɛlin di bɑ dɔɔ Efɑrɑtɑɔ. Ye bɑ Efɑrɑtɑ turuku kuɑ, yerɑ Rɑsɛli u yiirɑ u mɑrɑ swɑɑ ye sɔɔ. Kurɔ wi, u wɑhɑlɑ kuɑ win mɑru bi sɔɔ.

Torubu 48:7

Nɑ yeni mɔ̀wɑ yèn sɔ̃ nɑ wunɛn mɛro Rɑsɛli kĩ. Ye sɑ wee Pɑdɑnin di u mɑn ɡbiiriwɑ swɑɑɔ Kɑnɑnin temɔ ye n tie fiiko su kɑ Efɑrɑtɑ du. Miyɑ nɑ nùn sikɑ. Efɑrɑtɑ yerɑ bɑ mɔ̀ Bɛtelehɛmu.

Yeremi 31:15

Amɛniwɑ Yinni Gusunɔ u ɡeruɑ. U nɛɛ, bɑ swĩi ɡɛɛ nɔɔmɔ Rɑmɑɔ. Yɛ̃ro u sumɔ u weeweenu mɔ̀. Ase, Rɑsɛliwɑ u sumɔ win bibun sɔ̃. Mɑ u yinɑmɔ bu nùn suuru kɑnɑ domi bii be kpurowɑ bɑ ɡu.

Yosue 18:28

kɑ Selɑ, kɑ Elɛfu, kɑ Yebusi ye bɑ mɑɑ mɔ̀ Yerusɑlɛmu, kɑ Gibeɑ kɑ Kiriɑti. Si kpuro su sɑ̃ɑwɑ wusu wɔkurɑ nnɛ, ɡen bɑɑɡere kɑ ɡen bɑru kpɑɑnu. Yeni kpurowɑ n kuɑ Bɛnyɑmɛɛn bwese kɛrɑn tubi.

Sɑmuɛli I 10:16

Mɑ Sɔɔlu u nɛɛ, u sun sɔ̃ɔwɑ dim dim mɑ bɑ kɛtɛku ni wɑ. Adɑmɑ u ǹ nùn bɑndun ɡɑri sɔ̃ɔwɑ yi Sɑmuɛli u ɡeruɑ.