Sɑmuɛli I 1:8 - Bibeli Gusunɔn Gari

⁸ Kpɑ win durɔ Ɛlikɑnɑ u nùn bikiɑ u nɛɛ, Hɑnɑ, mbɑ n kuɑ ɑ kɑ sumɔ. Mbɑn sɔ̃nɑ ɑ ǹ dimɔ. Mbɑ n kuɑ wunɛn nuki rɑ n kɑ sɑnkire. Nɛ kɑ wunɛn wɑ̃ɑsinɑɑ yɑ ǹ kere bii tɔn durɔbu wɔkuru?

Sɑmuɛli I 1:8 ပူးပေါင်းရင်းမြစ်များ

Sinɑmbu II 8:12

Hɑsɑɛli wi, u nùn bikiɑ u nɛɛ, mbɑ n kuɑ ɑ kɑ sumɔ, nɛn yinni. Mɑ Elisee u nùn wisɑ u nɛɛ, nɑ wɑ kɔ̃sɑ ye kɑɑ Isirelibɑ kuɑ. Kɑɑ ben wuu si su ɡbɑ̃rɑ dɑmɡinu mɔ dɔ̃ɔ mɛni, kpɑ ɑ ben ɑluwɑɑsibɑ ɡo kɑ tɑkobi, kpɑ ɑ ben bii piiminu nɑm muku muku, kpɑ ɑ ben ɡuriɡibun nuki bɛsuku.

Yoobu 6:14

N weenɛwɑ wi u nɔni sɔ̃ɔre u durom wɑ win bɔrɔn mi, bɑɑ u kun Dɑm kpuroɡii nɑsie.

Womusu 43:4

kpɑ n dɑ wunɛn yɑ̃ku yerɔ. Gusunɔ, wunɛ wì sɔɔ nɑ nuku dobu mɔ, kon nun siɑrɑ kɑ womusu, kɑ mɔrɔku. Gusunɔ, wunɑ ɑ sɑ̃ɑ nɛn Yinni.

Esɑi 54:1

Wunɛ Yerusɑlɛmu, wunɛ wi ɑ sɑ̃ɑ nɡe kurɔ wi u kun bii mɔ, ɑ nuku dobu koowo kɑ kuuki, domi wunɛ wi bɑ rɑɑ yinɑ, kɑɑ bibu mɑ bɑ n dɑbi, n kere wi u rɑ n mɑrumɔn bibu.

Esɑi 54:6

A sɑ̃ɑwɑ nɡe tɔnun kurɔ ɡbiikoo wi durɔ u yinɑ mɑ kurɔ wi, u nuki sɑnkire. Adɑmɑ tɛ̃, nɑ nun sɔ̃ɔmɔ nɑ mɔ̀,

Yohɑnu 20:13

Mɑ bɑ nùn bikiɑ bɑ nɛɛ, kurɔ wunɛ, mbɑ n kuɑ ɑ kɑ sumɔ. Mɑ u bu wisɑ u nɛɛ, bɑ nɛn Yinni suɑwɑ sɑɑ minin di, nɑ ǹ mɑɑ yɛ̃ mi bɑ nùn kpĩ.

Yohɑnu 20:15

Yesu u nùn bikiɑ u nɛɛ, kurɔ wunɛ, mbɑ n kuɑ ɑ kɑ sumɔ. Wɑrɑ ɑ kɑsu. Kurɔ wi, u tɑmɑɑ yɑm min kɔ̃sowɑ. Yerɑ u nɛɛ, tɔnwero, ǹ n wunɛn nɑ ɑ nùn suɑ, ɑ mɑn sɔ̃ɔwɔ mi ɑ nùn kpĩi, kpɑ n dɑ n nùn suɑ min di.

Tɛsɑlonikɑ I 5:14

Sɑ bɛɛ kɑnɑmɔ nɛɡibu, i mɛm nɔɔ sɑriruɡibu kirɔ koowo. I bu dɑm kɛ̃ɛyɔ be bɑ mwiɑ kpɑnɛ. I dɑm sɑriruɡibu somiɔ. I kɑ tɔmbu kpuro tɛmɑnɔ.

Rutu 4:15

Wunɛn biɡii kurɔ wi, u bibu nɔɔbɑ yiru kere be kɑɑ n mɔ. Domi u nun kĩ too. Wee u nun bii tɔn durɔ mɑruɑ wi u koo nun wɑ̃ɑ kpɑɑru wɛ̃. Kpɑ u nun nɔɔri wunɛn tɔkɔru sɔɔ.

Sɑmuɛli I 1:7

Mɛyɑ u rɑ nùn kue wɔ̃ɔ bɑɑɡere. Hɑnɑ ù n turɑ Yinni Gusunɔn sɑ̃ɑ yeru mi, win nisi u rɑ nùn nɔɔ kuuriwɑ sere u swĩ, kpɑ u kun di.