Sɑkɑri 9:5 - Bibeli Gusunɔn Gari

⁵ Asikɑloniɡibu bɑ koo ye wɑ kpɑ bu bɛrum duurɑ. Kon de tem yiiri bɑkɑbu bu Gɑsɑ wɔri, kpɑ Ekoroniɡibun yĩiyɔbu kpuro bu kɑm ko. Gɑsɑ yɑ koo sunɔ biɑ. Goo kun ko n mɑɑ wɑ̃ɑ Asikɑloniɔ.

Sɑkɑri 9:5 ပူးပေါင်းရင်းမြစ်များ

Esɑi 14:28

Wɔ̃ɔ ɡè sɔɔ sinɑ boko Akɑsi u ɡu, wɔ̃ɔ ɡe sɔɔrɑ Yinni Gusunɔ u Filisitibɑ ɡɑri yini sɔ̃ɔwɑ sɑɑ Esɑin nɔɔn di u nɛɛ,

Yeremi 47:1

Eɡibitin sinɑ boko u sere Gɑsɑ tɑbu wɔri, wee ye Yinni Gusunɔ u Yeremi sɔ̃ɔwɑ Filisitibɑn sɔ̃. U nɛɛ,

Yoɛli 3:4

Sɔ̃ɔ u koo yɑm tĩrɑ, kpɑ suru u swɛ̃rɑ nɡe yɛm, Yinni Gusunɔn tɔ̃ɔ nɑnumɡii te, tu sere tunumɑ.

Amɔsu 1:6

Nɛ, Yinni Gusunɔ nɑ nɛɛ, Filisitibɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ Isireli dɑbi dɑbinu yoru mwɛɛrɑ bɑ Edɔmubɑ nɔmu bɛriɑ.

Amɔsu 1:8

Kon Asidɔdun tɔmbu kɑ Asikɑlonin sunɔ kpeerɑsiɑ. Kon Ekoroniɡibu wɔri. Kpɑ Filisiti be bɑ tie mi kpuro bu kɑm ko. Nɛ, Yinni Gusunɔwɑ nɑ yeni ɡeruɑ.

Sɑkɑri 9:4

Adɑmɑ nɛ, Yinni Gusunɔ, kon ye kpuro mwɑ. Kon yen dɑm sure nim wɔ̃ku sɔɔ kpɑ n de yu dɔ̃ɔ mwɑɑrɑ.

Sɑkɑri 9:6

Sɔbu bɑ koo nɑ bu sinɑ Asidɔduɔ. Kpɑ n Filisitibɑn tii suɑbu kpeerɑsiɑ.

Gɔrobun Kookoosu 8:26

Adɑmɑ Yinnin ɡɔrɑdo ɡoo u kɑ Filipu ɡɑri kuɑ u nɛɛ, u seewo u dɑ sɔ̃ɔ yɛ̃sɑn nɔm dwɑru ɡiɑ u swɑɑ ye swĩi ye yɑ dɔɔ sɑɑ Yerusɑlɛmun di sere kɑ Gɑsɑ. Swɑɑ ye, swɑɑ tɔkɔrɑ.

Romu 5:5

Tɛ̃, yĩiyɔ bi, bu ku rɑ sun dukiri kue, domi Gusunɔ u win kĩru yibiɑ bɛsɛn ɡɔ̃ruɔ sɑɑ Hunde Dɛɛron min di wi u sun kɑ̃.

Filipi 1:20

Domi nɑ mɑrɑ nɑ mɑɑ yĩiyɔ kɑm kɑm mɑ nɑ ǹ ɡɑ̃ɑnun sekuru wɑsi. Nɑ̀ n wɑ̃ɑ hunde sɔɔ, ǹ kun mɛ nɑ̀ n ɡu nɑ toro sindu mɔ mɑ nɛn kookoosu su koo Kirisi bɛɛrɛ wɛ̃ nɡe bɑɑdommɑ.