Sɑkɑri 9:13 - Bibeli Gusunɔn Gari

¹³ Kon Yudɑ dendi nɡe tɛndu. Kpɑ Efɑrɑimu yɑ n sɑ̃ɑ ten sɛ̃ɛnu. Yerusɑlɛmu, kon wunɛn bibu suɑ bu Gɛrɛkibɑ tɑbu wɔri. Kon bu kowɑ nɡe tɑbu durɔ dɑmɡiin tɑkobi.

Sɑkɑri 9:13 ပူးပေါင်းရင်းမြစ်များ

Womusu 144:1

Womu ɡe Dɑfidi u kuɑ. Ge wee. Yinni Gusunɔ, nɑ nun siɑrɑ wunɛ wi ɑ sɑ̃ɑ nɡe nɛn kpee bɑɑ. Wunɑ ɑ rɑ mɑn tɑbu sɔ̃ɔsi.

Womusu 149:6

Bɑ n dɑ Gusunɔ siɑre kɑ bɑɑdommɑ kpɑ tɑkobi ye bɑ dɛ̃ɛrɑ biru kɑ wuswɑɑ yɑ n wɑ̃ɑ ben nɔmɑɔ

Womusu 45:3

Wunɑ ɑ burɑm bo tɔn bibun suunu sɔɔ. Wunɛn ɡɑri yi durom yibɑ. Yen sɔ̃nɑ ɑ Gusunɔn domɑru mɔ sere kɑ bɑɑdommɑɔ.

Esɑi 49:2

Mɑ u derɑ nɛn ɡɑri yi kuɑ nɡe tɑkobi ye yɑ nɔɔ do. U mɑn win nɔmɑ wukiri, u mɑn kɔ̃su. U mɑn kuɑ nɡe sɛ̃u ɡe ɡɑ dɛ̃ɛ mɔ, mɑ u mɑn doke win sɛ̃ɛ bwɑ̃ɑrɔ.

Yeremi 51:20

Yinni Gusunɔ u nɛɛ, Bɑbiloni, ɑ rɑɑ sɑ̃ɑwɑ nɡe nɛn mɑtɑlɑkɑ bɑkɑ tɑbu sɔɔ. Wunɑ nɑ dendɑ nɑ kɑ bwese dɑbinu kɔsukɑ, mɑ nɑ nin bɑnnu sururɑ.

Swĩi 4:2

Yerusɑlɛmun tɔn be bɑ rɑɑ ɡɑrisi nɡe wurɑ ɡeɑ, bɑ ɡisɔ bu ɡɑrisiwɑ nɡe tem mɔnnu.

Amɔsu 2:11

Nɑ sɔmɔbu seeyɑ bɛɛn bibu sɔɔ. Mɑ nɑ ɡɑbu ɡɔsɑ nɛn sɔ̃ bɛɛn ɑluwɑɑsibɑ sɔɔ, mɑ bɑ mɑn tii wɛ̃ bɑ bɔ̃ruɑ bu ku tɑm nɔ. Bɛɛ Isirelibɑ ɡeemɑ? Nɡe weesɑ. Nɛ, Yinni Gusunɔwɑ nɑ yeni bikiɑmɔ.

Abudiɑsi 1:21

Kɑ nɑsɑrɑwɑ bɑ koo Siɔnin ɡuuru yɔ. Min diyɑ bɑ ko n Edɔmubɑ kpɑre. Kpɑ Yinni Gusunɔ u n bɑndu dii!

Efesu 6:17

I fɑɑbɑ mɔɔ nɡe sii furɔ kɔkɔru, kɑ mɑɑ Gusunɔn ɡɑri nɡe tɑkobi ye Hunde u bɛɛ wɛ̃ɛmɔ.

Timɔte II 4:7

Nɑ tɑɑ ɡeebu kuɑ nɑ kpɑ, nɑ mɑɑ turɑ yɔ̃rɑ yerɔ, nɑ nɑɑnɛ dokebu nɛni dim dim.

Heberu 4:12

Domi Gusunɔn ɡɑri yi wɑsi yi mɑɑ dɑm mɔ. Yi nɔɔ do n kere tɑkobi ye bɑ dɛ̃ɛrɑ biru kɑ wuswɑɑ. Yi dɑm mɔ yi kɑ tɔnun ɡɔ̃ru kɑ win hunde sɔku kɑ mɑɑ win ɡbinnu sere yu kpɛ̃ɛru ɡirɑri. Yi tɔnun ɡɔ̃run kĩru kɑ ɡen bwisikunu sirimɔ.

Kɑ̃siru 1:16

Mɑ u kperi nɔɔbɑ yiru nɛni win nɔm ɡeuɔ, mɑ tɑkobi nɔɔ durorɑ ye bɑ dɛ̃ɛrɑ biru kɑ wuswɑɑ yɑ yɑrimɔ win nɔɔn di, mɑ win wuswɑɑ bɑllimɔ nɡe sɔ̃ɔ wii wɔllun sɔ̃ɔ.

Kɑ̃siru 17:14

Bɑ koo kɑ Yɑ̃ɑ kinɛ kpɛndu tɑbu ko, ɑdɑmɑ Yɑ̃ɑ kinɛ kpɛm te, tɑ koo bu tɑbu di yèn sɔ̃ tɑ sɑ̃ɑ yinnibun Yinni kɑ sinɑ boko. Mɑ be Gusunɔ u sokɑ u ɡɔsɑ, be bɑ sɑ̃ɑ bɔrɔkinibɑ, be kɑ Yɑ̃ɑ kinɛ kpɛm te sɑnnu bɑ koo mɑɑ sinɑm be tɑbu di.

Kɑ̃siru 19:15

Win nɔɔn di tɑkobi nɔɔ dorɑɡiɑ yɑrɑ ye u koo kɑ tem dɑbinun tɔmbu tɑbu di. U koo bu kpɑrɑ kɑ sii bokuru kpɑ u dɑ̃ɑ binun nim ɡɑmɑ mɛ mu sɑ̃ɑ Gusunɔ Yinni dɑm kpuroɡiin mɔru bɑkɑ.

Kɑ̃siru 19:21

Bɑ ben tɑbu kowobu ɡo kɑ tɑkobi ye yɑ yɑrɑ sɑɑ mɑɑsɔ win nɔɔn di. Mɑ ɡunɔsu kpuro su ben yɑɑ di su debɑ.

Kɑ̃siru 2:12

Kirisi u mɑɑ nɛɛ, ɑ Pɛɛɡɑmun Yesun yiɡbɛrun ɡɔrɑdo yoruo ɑ nɛɛ, nɛ wi nɑ tɑkobi nɔɔ durorɑ ye bɑ dɛ̃ɛrɑ biru kɑ wuswɑɑ nɛni nɑ nɛɛ,