Sɑkɑri 9:11 - Bibeli Gusunɔn Gari

¹¹ Yinni Gusunɔ u nɛɛ, nɛn ɑrukɑwɑni ye nɑ kɑ bɛɛ bɔkuɑn sɔ̃, mɑ i ye sire kɑ yɑ̃ku yɑɑ yɛm, kon bɛɛn yobu yɑrɑ dɔkɔ kpirirun di te tɑ ǹ nim mɔ.

Sɑkɑri 9:11 ပူးပေါင်းရင်းမြစ်များ

Sɑmuɛli II 13:13

À n kuɑ mɛ, mɑnɑ kon we kɑ seku ten bweseru. Mɛyɑ wunɛn tii kɑɑ ko bɛɛrɛ sɑri bɛsɛ Isirelibɑ sɔɔ. Yen sɔ̃, ɑ bɛsɛn tundo sinɑ boko sɔ̃ɔwɔ. U ǹ yinɑmɔ ɑ mɑn suɑ kurɔ.

Bɑndun Gɑri II 7:17

Wunɛ mɑɑ Sɑlomɔɔ, ɑ̀ n sĩimɔ nɡe mɛ wunɛn tundo Dɑfidi u sĩɑ, mɑ ɑ mɔ̀ ye nɑ nun yiire kpuro, mɑ ɑ nɛn woodɑbɑ mɛm nɔɔwɑmmɛ,

Yoobu 33:30

u kɑ nùn ɡɔɔ ɡbɑrɑ, kpɑ u de u n wɑ̃ɑ wɑ̃ɑru sɔɔ.

Womusu 30:3

Gusunɔ nɛn Yinni, nɑ nun nɔɔɡiru sue nɑ fɑɑbɑ kɑnɑ, mɑ ɑ mɑn bɛkiɑ.

Womusu 40:2

nɑ nɛn yĩiyɔbu doke Yinni Gusunɔn mi. Mɑ u mɑn sĩiremɑ u nɛn nɔɔ swɑɑ dɑki.

Womusu 69:33

Be bɑ ɡɛmɑ, bɑ̀ n yeni wɑ, bɑ ko n nuku dobu mɔ. Bɛɛ be i Gusunɔ kɑsu, i ko n ɡɔ̃ru dobu mɔ bɛɛn wɑ̃ɑru sɔɔ.

Yɑribu 24:8

Mɑ Mɔwisi u yɛm mɛ suɑ u yɛ̃kɑ tɔn ben wɔllɔ u nɛɛ, yɛm mɛ wee, mɛ mu Yinni Gusunɔn nɔɔ mwɛɛru siremɔ te u bɛɛ kuɑ sɑnɑm mɛ u bɛɛ woodɑ yenibɑ kpuro wɛ̃.

Esɑi 24:22

kpɑ bu bu yoru mwɑ bu bu tɑɑsi wɔrusɔ nɡe pirisɔmbɑ. Sɔ̃ɔ dɑbi dɑbirun biru, kpɑ bu bu sɛɛyɑsiɑ.

Esɑi 42:22

Adɑmɑ yibɛrɛbɑ bɑ ben yɑ̃nu ɡurɑ kpuro, mɑ bɑ ben tii mwɛɛrɑ bɑ kpɛ̃ɛ kpee bɑɑbɑ sɔɔ. Bɑ bu beruɑ sere pirisɔm dirɔ. Bɑ bu wɔri bɑ yɑ̃nu ɡurɑ. Goo sɑri wi u koo bu yɑkiɑ, kpɑ bu yibɛrɛ be sɔ̃ bu yɑ̃ɑ ni wesio.

Esɑi 42:7

Kɑɑ wɔ̃kobu nɔni wukiɑ, kpɑ ɑ be bɑ sɔ̃ yɑm wɔ̃kuru sɔɔ pirisɔm dirɔ yɑrɑ.

Esɑi 49:9

Kon de ɑ dɛsobu yɑkiɑ bu doonɑ, kpɑ ɑ be bɑ mɑɑ wɑ̃ɑ yɑm wɔ̃kurɔ sɔ̃ ɑ nɛɛ, bu yɑrimɑ bu dɑ yɑm bururɑm sɔɔ, kpɑ bɑ n sɑ̃ɑ nɡe yɑ̃ɑ ni nu dĩɑnu wɑɑmɔ swɛɛn bɔkuɔ kɑ ɡuunɔ.

Esɑi 51:14

Domi n ǹ tɛɛmɔ bu kɑ be bɑ yoru mwɛɛrɑ bɑ bɔkuɑn yɔni kusiɑ. Bɑ ǹ ɡbimɔ wɔru sɔɔ. Bɑ ǹ mɑɑ dĩɑnu biɑmɔ.

Esɑi 58:12

Sɑɑ yerɑ i ko bɑnsu seeyɑ si bɑ kɔ̃ n tɛ, kpɑ i mɑɑ bɑni kpɛɛkpɛɛku wɔllɔ ɡe bɑ swĩi sɑɑ yellun di. Sɑnɑm mɛyɑ bɑ koo bɛɛ soku be bɑ rɑ bɑnsu kɑ swɛɛ sɔmɛ, kpɑ bu de tɔmbu bɑ n wɑ̃ɑ mi sɔɔ.

Esɑi 61:1

Yinni Gusunɔn Hunde u kɑ mɑn wɑ̃ɑ. Domi wiyɑ u mɑn ɡɔsɑ n kɑ dɑm sɑriruɡibu lɑbɑɑri ɡeɑ nɔɔsiɑ, kpɑ n be bɑ nuki sɑnkire nukuru yɛmiɑsiɑ, kpɑ n yobu sɔ̃ mɑ bɑ koo bu yɑkiɑ, kpɑ n mɑɑ pirisɔmbɑ sɔ̃ mɑ bɑ koo bu kɑrɑ.

Yeremi 38:6

Yerɑ bɑ nùn suɑ bɑ kpɛ̃ɛ sinɑ bii wi bɑ mɔ̀, Mɑɑkiyɑn dɔkɔ kpiriru ɡɑru sɔɔ. Dɔkɔ kpiri te, tɑ wɑ̃ɑwɑ pirisɔm dirun yɑɑrɑɔ. Te sɔɔrɑ bɑ nùn kpɛ̃ɛ kɑ wɛ̃ɛ. Adɑmɑ tɑ ǹ nim mɔ. Pɔtɔkɔwɑ tɑ mɔ, mɑ u numɑ pɔtɔkɔ ye sɔɔ.

Dɑniɛli 2:29

Siɑn bwisikunɑ ɑ mɔ̀. Yerɑ wi u rɑ tɔnu ɑsiri sɔ̃ɔsi u nun sɔ̃ɔsi ye n koo koorɑ.

Mɑteu 26:28

Domi yeniwɑ nɛn yɛm, mɛ̀ sɔɔ Gusunɔ u win nɔɔ mwɛɛru sire, mɛ mu yɑri tɔn dɑbirun sɔ̃ bu kɑ torɑrun suuru wɑ.

Mɑɑku 14:24

Mɑ Yesu u nɛɛ, yeniwɑ nɛn yɛm mɛ mu Gusunɔn nɔɔ mwɛɛ kpɑɑru sire. Mu koo mɑɑ yɑri tɔn dɑbinun sɔ̃.

Luku 16:24

U nɔɔɡiru suɑ u nɛɛ, bɑɑbɑ Aburɑhɑmu, ɑ nɛn wɔnwɔndu wɑɑwo, ɑ Lɑsɑɑ ɡɔrimɑ u win niki biɑn sɛ̃ru doke nim sɔɔ, kpɑ u nɛn yɑrɑ yɛmiɑsiɑ, domi nɑ nɔni swɑ̃ɑ bɑkɑru wɑɑmɔ dɔ̃ɔ yɑrɑ yeni sɔɔ.

Luku 22:20

Ye bɑ dim kpɑ, u mɑɑ nɔrɑ suɑ u bu wɛ̃ u nɛɛ, nɔrɑ yeniwɑ nɔɔ mwɛɛ kpɑɑru te bɑ sire kɑ nɛn yɛm mɛ mu yɑri bɛɛn sɔ̃.]

Luku 4:18

“Yinni Gusunɔn Hunde kɑ mɑn wɑ̃ɑ. U mɑn ɡɔsɑ n kɑ dɑm sɑriruɡibu Lɑbɑɑri ɡeɑ nɔɔsiɑ. U mɑn ɡɔrimɑ n kɑ yobu sɔ̃ mɑ bɑ koo yɑkiɑrɑ, n kɑ wɔ̃kobu sɔ̃ mɑ bɑ koo yɑm wɑ, n kɑ mɑɑ tɑkɑsiɡibu yɔ̃su bu doonɑ,

Korinti I 11:25

Mɛyɑ u mɑɑ nɔrɑ suɑ ye bɑ dim kpɑ u nɛɛ, nɔrɑ yeniwɑ Gusunɔn nɔɔ mwɛɛ kpɑɑ te u sire kɑ nɛn yɛm. Sɑnɑm bɑɑmɛre sɔɔ mɛ i kɑ ye nɔrumɔ, i n dɑ ko i n kɑ mɑn yɑɑye.

Sɔ̃ɔsiru 5:31

Adɑmɑ u nɛɛ, nɛ, n sinɔ kɑ wi, kpɑ u mɑn woodɑbɑ kɑ sɔ̃ɔsinu kɑ yiirebu sɔ̃ ye kon bu wɛ̃ bu mɛm nɔɔwɑ tem mɛ u bu wɛ̃ɛmɔ sɔɔ.

Heberu 10:2

Tɔn be bɑ Gusunɔ sɑ̃ɑmɔ nɡe mɛn bweseru, bɑ̀ n dɑɑ dɛɛrɑ mɑm mɑm ben torɑnun di, ben ɡɔ̃ru ɡɑ ǹ koo rɑɑ mɑɑ bu tɑɑrɛ wɛ̃, yɑ̃kunu kun ko n dɑɑ mɑɑ wɑ̃ɑ.

Heberu 10:29

Ǹ n mɛn nɑ, ɑmɔnɑ n ko n sɑ̃ɑ siribun sɑnɑm kɑ wi u Hunde duromɡii wɔnwɑ mɑ u Gusunɔn Bii ɡɛmɑ mɑ u win yɛm kɑm mɛɛrɑ mɛ Gusunɔ u kɑ win nɔɔ mwɛɛrun ɡɑri sire mɑ u kɑ yɛ̃ro dɛɛrɑsiɑ. I n yɛ̃ mɑ yɛ̃ro win sɛɛyɑsiɑbu koo kpɛ̃ɑ.

Heberu 13:20

Gusunɔ wi u ɑlɑfiɑ wɛ̃ɛmɔ u bɛsɛn Yinni Yesu seeyɑ ɡɔrin di, mɑ Yesu wi, u kuɑ bɛsɛn yɑ̃ɑ kpɑro boko win yɛm sɔ̃ mɛ mu nɔɔ mwɛɛ te tɑ ku rɑ kpen ɡɑri sire.

Kɑ̃siru 20:3

Mɑ ɡɔrɑdo wi, u ye bɔrie wɔru bɔkɔ ɡe sɔɔ, u bɛrisi mɑ u yĩreru doke kpɑ yu ku mɑɑ kɑ bwesenu kpuro nɔni wɔ̃ke sere wɔ̃ɔ nɔrɔbu yu kɑ kpe. Yen biruwɑ bɑ koo ye kɛniɑ bu ye kusiɑ sɑɑ fiiko.