Sɑkɑri 8:23 - Bibeli Gusunɔn Gari

²³ Nɛ, Gusunɔ wɔllu kɑ tem Yinni nɑ nɛɛ, yen tɔ̃ɔ te, bweseru bɑɑtere sɔɔ, tɔmbu wɔku wɔkubu bɑ ko n Yuu turon yɑbe soo nɛni bɑ n mɔ̀, bɑ koo kɑ nùn dɑ. Domi bɑ nuɑ mɑ nɛ, Gusunɔ nɑ wɑ̃ɑ kɑ wi.

Sɑkɑri 8:23 ပူးပေါင်းရင်းမြစ်များ

Torubu 31:41

Nɡe mɛyɑ nɑ kuɑ sere wɔ̃ɔ yɛndu, nɑ nun sɔmburu kuɑwɑ wɔ̃ɔ wɔkurɑ nnɛ wunɛn bii tɔn kurɔbun sɔ̃, mɑ nɑ mɑɑ kuɑ wɔ̃ɔ nɔɔbɑ tiɑ yɑ̃ɑ ni kɑ boo nin sɔ̃. Kɑ mɛ, ɑ nɛn kɔsiɑrun ɡɑri ɡɔsiɑwɑ sere nɔn wɔkuru.

Torubu 31:7

Wee tɛ̃, u mɑn kɑm mɛɛrɑ, u nɛn kɔsiɑrun ɡɑri kɔsɑ sere nɔn wɔkuru. Adɑmɑ Gusunɔ kun dere u mɑn kɔ̃sɑ kuɑ.

Sinɑmbu II 2:6

Ye bɑ mɑɑ swɑɑ wɔri bɑ doonɔ, yerɑ Eli u mɑɑ nùn sɔ̃ɔwɑ u nɛɛ, ɑ yɔ̃ro mini, domi Yinni Gusunɔ u mɑn ɡɔriɔ Yuudɛniɔ. Elisee u nùn wisɑ u nɛɛ, sere kɑ Yinni Gusunɔn wɑ̃ɑru kɑ mɑɑ wunɛn tiiɡiru, nɑ ǹ nun derimɔ. Mɑ bɑ swɑɑ wɔri bɑ n doonɔ.

Bɑndun Gɑri I 12:18

Dɑfidi u bu sennɔ dɑ, mɑ u bu sɔ̃ɔwɑ u nɛɛ, ì n ween nɑ nɛn mi kɑ bwisiku ɡeenu, i kɑ mɑn somi, kon kɑ bɛɛ nɔɔ tiɑ ko. Adɑmɑ ì n ween nɑ i kɑ mɑn sɑmbɑ ko, kpɑ nɛn yibɛrɛbɑ bu kɑ mɑn ɡo sɑnɑm mɛ nɑ ǹ tɑɑrɛ ɡɑɑ kue, Gusunɔ bɛsɛn bɑɑbɑbɑn Yinni u ye wɑɑwo, kpɑ u sun siriɑ.

Bɑndun Gɑri II 15:9

Mɑ u Yudɑbɑ kpuro mɛnnɑ kɑ Bɛnyɑmɛɛbɑ kɑ Efɑrɑimubɑ kɑ Mɑnɑsebɑ kɑ sere Simɛɔbɑ, be, be bɑ wurɑmɑ win mi Yudɑɔ. Domi Isirelibɑ dɑbirɑ tɑ wurɑmɑ Yudɑɔ yèn sɔ̃ bɑ wɑ mɑ Gusunɔ, Asɑn Yinni u kɑ nùn wɑ̃ɑ.

Ɛsitɛɛ 8:17

Berɑ mi bɑ ɡesi wɑ̃ɑ kpuro bɑ kɑ woodɑ ye nuɑ, bɑ nuku dobu kuɑwɑ too, bɑ tɔ̃ɔ bɑkɑ dim sokunɑ. Mɑ tɔn dɑbinu bɑ tii ɡɔsiɑ Yuu yèn sɔ̃ bɑ Yuubɑ nɑsie.

Yoobu 19:3

Wee yen nɔn dɑbinɑ mi, i kɑsu i mɑn wɔmɛ. I ǹ sekuru mɔwɑ i kɑ mɑn burisinɑmɔ mɛsum?

Wɑɑsu kowo 11:2

A nin sukum tɔmbu nɔɔbɑ yiru ǹ kun mɛ tɔmbu nɔɔbɑ itɑ bɔnu kuo, domi ɑ ǹ yɛ̃ nɔni swɑ̃ɑ te tɑ koo nun deemɑ hɑnduniɑ ye sɔɔ.

Esɑi 3:6

Sɑɑ ye sɔɔ, tɔnu u koo win wɔnɔ sɛ̃re u nɛɛ, wunɛ ɑ yɑ̃nu mɔ. Yen sɔ̃, ɑ koowo bɛsɛn yɛnu yɛ̃ro, kpɑ ɑ bɛsɛn yɛnu seeyɑ.

Esɑi 4:1

Sɑɑ ye sɔɔ, tɔn kurɔbu nɔɔbɑ yiru bɑ koo durɔ turo sɔ̃ bu nɛɛ, sɑ ko bɛsɛn tii diisiɑ kpɑ su tii sebusiɑ. A ɡesi sun sekuru wunɔ kpɑ ɑ de sɑ n wunɛn yĩsiru sɔɔwɑ.

Esɑi 45:14

Yinni Gusunɔ u Isirelibɑ sɔ̃ɔwɑ u nɛɛ, Eɡibitiɡibu kɑ Etiopiɡibun dukiɑ yɑ koo ko bɛɛɡiɑ, kpɑ Sebɑɡii be bɑ ɡunu bu nɑ bɛɛn mi, bu ko bɛɛn yobu. Bwese ni kpuro nu ko n bɛɛ swĩiwɑ bɑ n nu yɔni bɔkuɑ. Nu koo yiirɑ bɛɛn wuswɑɑɔ kpɑ nu wurɑ nu nɛɛ, bɛɛ tɔnɑn miyɑ nɛ, Gusunɔ nɑ wɑ̃ɑ. Goo mɑɑ sɑri nɡe nɛ.

Esɑi 45:24

Bɑ koo ɡere bu nɛɛ, nɛ turon miyɑ ɡem kɑ dɑm mu wɑ̃ɑ. Be bɑ mɑn seesi kpuro bɑ koo sekuru wɑ.

Esɑi 55:5

Nɛ, Gusunɔ wunɛn Yinnin sɔ̃, kɑɑ bwese tukunu sokusiɑ, kpɑ nu duki nɑ wunɛn mi, bɑɑ mɛ nu ǹ dɑɑ nun yɛ̃. Domi nɛ, Isirelibɑn Yinni Dɛɛrowɑ nɑ nun bɛɛrɛ wɛ̃ɛmɔ.

Esɑi 60:14

Be bɑ rɑɑ nun dɑm dɔremɔ mi, ben bibɑ koo nɑ wunɛn wuswɑɑɔ bu tii kɑwɑ. Be bɑ rɑɑ mɑɑ nun yɑɑkoru mɔ̀, bɑ koo yiirɑ wunɛn wuswɑɑɔ bu nun sɑ̃, kpɑ bu nun soku Siɔni, Isirelibɑn Yinni Dɛɛron wuu.

Esɑi 60:3

Bwesenu kɑ nin sinɑmbu bɑ koo nɑ bu sĩ yɑm bururɑm mɛ sɔɔ.

Misee 5:5

Ben tɑbu yɑ̃nun sɔ̃, bɑ koo Asiriɡibu kɑ Nimuroduɡii be tɑɑre, kpɑ bu sun wɔrɑ Asiriɡibu bɑ̀ n bɛsɛn tem wɔrimɑ.

Sofoni 3:19

Yen tɔ̃ɔ te, u koo be bɑ bɛɛ dɑm dimɔ wɔri, kpɑ u yɛmɔbu fɑɑbɑ ko. U koo be bɑ rɑɑ ɡirɑ mɛnnɑ kpɑ u de bu tɔmbu nuku dobu wɛ̃ kpɑ bu yĩsiru yɑri tem kpuro sɔɔ mi ben bɑɑwure u rɑɑ sekuru dimɔ.

Gbɑburu 14:22

Isireli be, bɑǹ duɔ tem mɛ sɔɔ, bu sere mu wɑ, mɛ nɑ bɔ̃ruɑ nɑ nɛɛ, kon ben bɑɑbɑbɑ wɛ̃. Domi bɑ nɛn yiiko ye wɑ kɑ sɔm mɑɑmɑɑkiɡii ni nɑ kuɑ Eɡibitiɔ kɑ ɡbɑburɔ. Bɑ mɑɑ nɛn lɑɑkɑri mɛɛrɑ ɡbɑburɔ nɔn dɑbinu, mɑ bɑǹ nɛn ɡere mɛm nɔɔwɛ, bɑ mɑn ɡɛmɑ.

Luku 8:44

U Yesu susi biruɔ mɑ u win yɑberun swɑɑ buɑ bɑbɑ. Yɑnde win yɛm wĩi bi, bu yɔ̃rɑ.

Gɔrobun Kookoosu 19:12

sere bɑɑ bɑ̀ n win wɛnyɑ wokɑtii ǹ kun mɛ win sɔm koo yɑbenu suɑ bɑ sɔndi bɑrɔbu wɔllɔ, bɑ rɑ bɛkurewɑ kpɑ wɛrɛkunu nu yɑri ben wɑsin di.

Korinti I 14:25

Win bwisiku ɑsiriɡinu nu koo mɑɑ sɔ̃ɔsirɑ bɑtumɑ sɔɔ, kpɑ u yiirɑ u Gusunɔ sɑ̃ u nɛɛ, ɡeemɑ, Gusunɔ u wɑ̃ɑwɑ bɛɛn suunu sɔɔ.

Yosue 8:35

Ye kpurowɑ u ɡɑrɑ Isirelibɑn wuswɑɑɔ, tɔn durɔbu kɑ tɔn kurɔbu kɑ bibu kɑ sere mɑɑ sɔbu be bɑ wɑ̃ɑ ben suunu sɔɔ. Bɑɑ yen tiɑ, u ǹ bure.