Sɑkɑri 8:22 - Bibeli Gusunɔn Gari

²² Geemɑ, bwese dɑbinu kɑ mɑɑ bwese ni nu dɑm mɔ nu koo nɑ nu nɛn durom mɛ kɑsu kpɑ nu mɑn sɑ̃.

Sɑkɑri 8:22 ပူးပေါင်းရင်းမြစ်များ

Womusu 68:30

Sinɑmbɑ koo kɑ nun kɛ̃nu nɑɑwɑ wunɛn sɑ̃ɑ yerɔ te tɑ Yerusɑlɛmun diɑ kpuro ɡunum kere.

Esɑi 2:2

U nɛɛ, sɑɑ dɑ̃ɑkɑ sɔɔ, ɡuu tèn mi Yinni Gusunɔn sɑ̃ɑ yerɑ ɡire, tɑ koo ɡuu ni nu tie bɛɛrɛ kerɑ, kpɑ bwesenu kpuro nu nɑ mi,

Esɑi 2:3

nu nɛɛ, i nɑ su dɑ Yerusɑlɛmuɔ su yɔ Yinni Gusunɔn ɡuurɔ mi Isirelibɑ bɑ rɑ nùn sɑ̃. Kpɑ u sun win swɛɛ sɔ̃ɔsi su sĩ yi sɔɔ. Bɑ koo ɡere mɛ, domi ɡuu ten min diyɑ u koo win woodɑ yɑrɑ kpɑ u ɡɑri ɡerumɑ.

Esɑi 25:7

Kpɑ u sɔnditiɑ ye bɑ ben wuswɑɑ wukiri nuku sɑnkirɑnun sɔ̃ wunɑ ɡuu ten wɔllu mi.

Esɑi 49:22

Yinni Gusunɔ u nɛɛ, wee nɑ kon tɔn tukobu yĩreru ɡɑru sɔ̃ɔsi te tɑ koo de bu wunɛn bibu ɡurɑmɑ bu nun wesiɑ.

Esɑi 49:6

U nɛɛ, nɑ n kɑ sɑ̃ɑ win sɔm kowo, kpɑ n kɑ Isirelibɑn bwese ni nu tie seeyɑ, yɑ ǹ ɡɑ̃ɑnu turɑ. Wee u mɑn kuɑ bwese tukunun yɑm bururɑm, kpɑ n kɑ win fɑɑbɑ dɑ hɑnduniɑn ɡoonu nnɛ kpuro sɔɔ.

Esɑi 55:5

Nɛ, Gusunɔ wunɛn Yinnin sɔ̃, kɑɑ bwese tukunu sokusiɑ, kpɑ nu duki nɑ wunɛn mi, bɑɑ mɛ nu ǹ dɑɑ nun yɛ̃. Domi nɛ, Isirelibɑn Yinni Dɛɛrowɑ nɑ nun bɛɛrɛ wɛ̃ɛmɔ.

Esɑi 66:23

Suru kpɑo bɑɑwure sɔɔ kɑ tɔ̃ɔ wɛ̃rɑruɡiru bɑɑtere sɔɔ, bɑɑwure u ko n dɑ nɛwɑ u yiirɑ u mɑn sɑ̃. Nɛ, Yinni Gusunɔwɑ nɑ yeni ɡeruɑ.

Yeremi 4:2

ì n dɑ bɔ̃re ɡem sɔɔ kɑ ɡɔ̃ru dɛɛrɔ, i nɛɛ, kɑ Yinni Gusunɔn wɑ̃ɑru, sɑɑ yerɑ bwese tukunu nu koo domɑru wɑ nɛn min di, kpɑ bu woo kɑnɑ nɛn sɔ̃.

Misee 4:2

nu nɛɛ, i nɑ su dɑ Yerusɑlɛmuɔ Yinni Gusunɔn ɡuurɔ mi Isirelibɑ bɑ rɑ nùn sɑ̃, kpɑ u sun win swɛɛ sɔ̃ɔsi su sĩ yi sɔɔ. Min diyɑ u koo win woodɑ yɑrɑ kpɑ u ɡɑri ɡerumɑ.

Misee 4:3

U koo bwese dɑbinu siri, ni nu dɑm mɔ nu nɑ tontonden di. Kpɑ bwese ni, nu nin tɑkobibɑ bɔɔri nu kɑ tebonu seku. Mɛyɑ nu koo nin yɑɑsi bɔɔri nu wobɑ so. Bweseru ɡɑrɑ kun ɡɑru seesimɔ. Bɑ ǹ mɑɑ tɑbun ɡɑri mɔ̀ ben suunu sɔɔ.

Asee 2:7

Kon bwesenu kpuro sirɑ kpɑ n de bu nin dukiɑ ɡeɑ kpuro ɡurɑmɑ bu kɑ nɑ nɛn sɑ̃ɑ yeru mini. Kpɑ n sɑ̃ɑ yee te ɡirimɑ yibiɑ. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Sɑkɑri 14:16

Bwese ni nu rɑɑ Yerusɑlɛmu ye wɔri, nin ni nu tie, nu ko n dɑ nɛwɑ wɔ̃ɔ bɑɑɡere nu yiirɑ Gusunɔ sinɑ bokon wuswɑɑɔ, wi u sɑ̃ɑ wɔllu kɑ tem Yinni, kpɑ nu Kunun tɔ̃ɔ bɑkɑru ko.

Sɑkɑri 8:21

Wusu ɡɑsun tɔmbu bɑ koo ɡɑsun tɔmbu sɔ̃ bu nɛɛ, bu dɑ bu nɛ, Gusunɔ wɔllu kɑ tem Yinnin durom kɑsu Yerusɑlɛmuɔ kpɑ bu mɑn sɑ̃.

Gɑlɑti 3:8

Gusunɔn ɡɑri yi rɑɑ ɡeruɑ mɑ Gusunɔ u koo tɔn tukobu ɡem wɛ̃ nɑɑnɛ dokebun sɔ̃. Yen sɔ̃nɑ yi Aburɑhɑmu Lɑbɑɑri ɡeɑ wɑɑsu kuɑ yellun di yi nɛɛ, “Wunɛn min diyɑ Gusunɔ u koo bwesenu kpuro domɑru kuɑ.”

Kɑ̃siru 15:4

Yinni, wɑrɑ kun wunɛn bɛrum mɔ. Wɑrɑ koo yinɑ u wunɛn yĩsiru bɛɛrɛ wɛ̃. Domi wunɛ turowɑ ɑ sɑ̃ɑ dɛɛro. Tem bɑɑmɛren tɔmbɑ koo nɑ wunɛn mi, bu nun sɑ̃. Domi bɑɑwure u wunɛn sɔm ɡeenu wɑ.”

Kɑ̃siru 21:24

Tem kpuron tɔmbu bɑ koo sĩ ɡen yɑm bururɑm sɔɔ, kpɑ tem ɡirum sinɑmbu bu kɑ ben yiiko ye bɑ rɑɑ mɔ nɑ ɡe sɔɔ.