Sɑkɑri 8:19 - Bibeli Gusunɔn Gari

¹⁹ nɔɔ bɔku ni i rɑ ko suru nnɛse sɔɔ kɑ suru nɔɔbuse sɔɔ kɑ suru nɔɔbɑ yiruse sɔɔ kɑ suru wɔkuruse sɔɔ, nu koo ɡɔsirɑ nuku dobun tɔ̃nu Yudɑɔ. Ni sɔɔrɑ bɑ ko n dɑ tɔ̃ɔ bɑkɑnu di. Adɑmɑ yebɑ kpuro sɔɔ, i de i ɡem kɑ bɔri yɛndu kĩɑ.

Sɑkɑri 8:19 ပူးပေါင်းရင်းမြစ်များ

Sinɑmbu II 25:1

Sedesiɑsin bɑndun wɔ̃ɔ nɔɔbɑ nnɛse yen suru wɔkurusen sɔ̃ɔ wɔkurusewɑ Nɛbukɑnɛsɑɑ Bɑbilonin sinɑ boko u Yerusɑlɛmu wɔrimɑ kɑ win tɑbu kowobu kpuro. Yerɑ u win sɑnsɑni ɡirɑ yen bɔkuɔ. Mɑ bɑ kuku yenu kuɑ bɑ kɑ sikerenɑ.

Sinɑmbu II 25:25

Adɑmɑ wɔ̃ɔ ɡen suru nɔɔbɑ yiruse sɔɔ, Isimɛɛli Nɛtɑniɑn bii Elisɑmɑn debubu, wi u sɑ̃ɑ sinɑ bii u nɑ, wi, kɑ tɔmbu wɔkuru ɡɑbu bɑ Gedɑliɑ ɡo, kɑ Yudɑbɑ ɡɑbu kɑ mɑɑ Bɑbiloniɡii be bɑ wɑ̃ɑ kɑ wi.

Ɛsitɛɛ 8:17

Berɑ mi bɑ ɡesi wɑ̃ɑ kpuro bɑ kɑ woodɑ ye nuɑ, bɑ nuku dobu kuɑwɑ too, bɑ tɔ̃ɔ bɑkɑ dim sokunɑ. Mɑ tɔn dɑbinu bɑ tii ɡɔsiɑ Yuu yèn sɔ̃ bɑ Yuubɑ nɑsie.

Ɛsitɛɛ 9:22

Kpɑ bu kɛ̃nu mɔrisiɑnɑ. Kpɑ bu sɑ̃ɑrobu kɛ̃nu kɛ̃. Domi tɔ̃ɔ te sɔɔrɑ Yuubɑ bɑ ben yibɛrɛbɑ kɑmiɑ bɑ dɛrɑ. Suru wi sɔɔrɑ ben nuku sɑnkirɑnu nu ɡɔsiɑ nuku dobu. Mɑ ben nɔni swɑ̃ɑru tɑ kuɑ bɔri yɛndu.

Womusu 30:11

Yinni Gusunɔ, ɑ mɑn swɑɑ dɑkio, kpɑ ɑ mɑn durom kuɑ. Yinni, ɑ mɑn somiɔ.

Womusu 34:15

U kɔ̃sɑ suurio, kpɑ u ɡeɑ ko. U ɑlɑfiɑ nɑɑ ɡiro.

Esɑi 12:1

Sɔ̃ɔ teeru, be bɑ yɑkiɑrɑ bɑ koo nɛɛ, Yinni Gusunɔ, sɑ nun siɑrɑ, domi ɑ rɑɑ kɑ sun mɔru kuɑ, mɑ wunɛn mɔru yɑ sure. A sun nukuru yɛmiɑsiɑ.

Esɑi 35:10

bu kɑ dɑ Siɔniɔ kɑ nɑsɑrɑn womusu. Ben wuswɑɑ yɑ n nuku dobu sɔ̃ɔsimɔ bɑɑdommɑ, kpɑ weeweenu kɑ nuku sɑnkirɑnu nu bu doonɑri.

Esɑi 51:11

Nɡe mɛyɑ tɛ̃, be ɑ yɑkiɑ bɑ koo kpɑm ɡɔsirɑmɑ, bu wurɑmɑ Siɔniɔ kɑ nɑsɑrɑn womusu, kpɑ nuku doo bi bu ku rɑ kpe bu n sɔ̃ɔsire ben wuswɑɑɔ. Yɛ̃ɛribu kɑ nuku dobu ko n bu wɑ̃ɑsi, kpɑ nɔni swɑ̃ɑru kɑ weeweenu nu doonɑ.

Yeremi 36:6

Yen sɔ̃, dɔmɑ te bɑ koo nɔɔ bɔke, ɑ doo wunɛn tii, kpɑ ɑ Yinni Gusunɔn ɡɑri yi nɑ nun sɔ̃ɔwɑ ɑ yore mi ɡɑri sɑ̃ɑ yeru mi. Kpɑ Yudɑ be bɑ koo nɑ sɑɑ ben wusun di kɑ sere mɑɑ tɔn be bɑ ko n wɑ̃ɑ mi kpuro bu yi nɔ.

Yeremi 39:2

Sedesiɑsin bɑndun wɔ̃ɔ wɔkurɑ tiɑsen suru nnɛse, yen sɔ̃ɔ nɔɔbɑ nnɛse sɔɔrɑ bɑ ɡbɑ̃rɑru yɑbɑ.

Yeremi 52:4

Sedesiɑsin bɑndun wɔ̃ɔ nɔɔbɑ nnɛsen suru wɔkurusen sɔ̃ɔ wɔkuruse, yerɑ Nɛbukɑnɛsɑɑ u nɑ kɑ win tɑbu kowobu kpuro bu kɑ Yerusɑlɛmu wɔri. Mɑ bɑ ben sɑnsɑni ɡirɑ ɡbɑ̃rɑrun ɡɑ̃ɑrɔ. Miyɑ bɑ kuku yenu ɡbɑ ɡbɑ bɑ kɑ ɡbɑ̃rɑ te sikerenɑ.

Esekiɛli 18:8

U ku rɑ tɔnu ɡobi bɔkure u nim doke. U ku rɑ n mɑɑ wɑ̃ɑ weesun swɑɑ sɔɔ. U rɑ siriwɑ dee dee, u bɑɑwure nùn win ɡem wɛ̃.

Esekiɛli 24:1

Isirelibɑn yorun wɔ̃ɔ nɔɔbɑ nnɛsen suru wɔkurusen sɔ̃ɔ wɔkuruse sɔɔrɑ Yinni Gusunɔ u Esekiɛli sɔ̃ɔwɑ u nɛɛ,

Sɑkɑri 7:3

Kpɑ bu mɑɑ yɑ̃ku kowobu kɑ win sɔmɔbu bikiɑ bɑ̀ n ko bɑ n sumɔn nɑ, kpɑ bɑ n nɔɔ bɔkuɑ wɔ̃ɔn suru nɔɔbuse kpuro sɔɔ nɡe mɛ bɑ mɔ̀ tɛɛbun di.

Sɑkɑri 7:5

ɑ yɑ̃ku kowobu kɑ tɔn be kpuro wisio ɑ nɛɛ, sɑɑ wɔ̃ɔ wɑtɑ kɑ wɔkurun di, bɑ rɑ nɔɔ bɔke kpɑ bɑ n wɑ̃ɑ nuku sɑnkirɑnu sɔɔ wɔ̃ɔn suru nɔɔbuse kɑ nɔɔbɑ yiruse sɔɔ. Adɑmɑ bɑ ǹ ye mɔ̀ bu kɑ mɑn bɛɛrɛ wɛ̃.

Sɑkɑri 8:16

I kɑ ɡɑri yini sɔmburu koowo. Yiyɑ, bɑɑwure u n dɑ win winsim ɡem sɔ̃. Kpɑ i n dɑ bɑɑwure siri ɡem sɔɔ i n kɑ wɑ̃ɑ bɔri yɛndu sɔɔ.

Sɑkɑri 8:18

Gusunɔ wɔllu kɑ tem Yinni u nɛɛ,

Sɑkɑri 8:3

Yen sɔ̃nɑ nɑ nɛɛ, kon wurɑ Yerusɑlɛmu ye sɔɔ kpɑ nɑ n wɑ̃ɑ mi. Bɑ koo ye soku wuu ɡemɡuu. Kpɑ bu mɑɑ nɛ, Gusunɔ wɔllu kɑ tem Yinnin ɡuu te soku ɡuu dɛɛrɑru.

Kɑ̃siru 22:15

Adɑmɑ kom kɔ̃sum kowobɑ kun duɔ wuu ɡe sɔɔ, kɑ dobo dobo kowobu kɑ sɑkɑrɑ kowobu kɑ tɔn ɡowobu kɑ bũu sɑ̃ɔbu kɑ bɑɑwure wi u weesu kĩ u mɔ̀.