Sɑkɑri 8:12 - Bibeli Gusunɔn Gari

¹² Kon de bɔri yɛndu tu duwɑ tem sɔɔ kpuro. Resɛm yɑ koo mɑ. Gurɑ yɑ koo nɛ kpɑ tem mu dĩɑnu ko. Domɑ nini kpurowɑ kon Isireli be bɑ tie kuɑ.

Sɑkɑri 8:12 ပူးပေါင်းရင်းမြစ်များ

Torubu 26:12

Yenibɑ kpuron biru Isɑki u ɡberu kuɑ tem mi. Mɑ win dĩɑnu ɡeɑ kuɑ wɔ̃ɔ ɡe sɔɔ. Nu kuɑwɑ ye u duurɑn nɔn wunɔbu (100) yèn sɔ̃ Yinni Gusunɔ u nùn domɑru kuɑ.

Torubu 27:28

Gusunɔ u de ɡurɑ yɑ n dɑ nun nɛɛyɛ tem bɑrukɑɡim sɔɔ, kpɑ ɑ ɑlikɑmɑ kɑ resɛm wɑ n kpɛ̃ɑ n bɑndɑ.

Sinɑmbu I 17:1

Gusunɔn sɔmɔ Eli wi u wɑ̃ɑ Tisibiɔ Gɑlɑdin temɔ u sinɑ boko Akɑbu sɔ̃ɔwɑ u nɛɛ, kɑ Gusunɔ Isirelibɑn Yinni wi nɑ sɑ̃ɑmɔ minin wɑ̃ɑru, ɡurɑ kɑ kɑkoru, yen ɡɑɑ kun mɑɑ nɛmɔ wɔ̃ɔ sinin bɑɑ sɔɔ sere dɔmɑ te nɑ wure nɑ nɛɛ, yɑ koo nɛ.

Womusu 72:3

Wunɛn ɡem sɔ̃, ben ɡunɡunu kɑ ben ɡuunu nu koo bu ɑrumɑni wɛ̃.

Womusu 85:12

Bɔrɔkiniru tɑ koo se tem mɛ sɔɔ nɡe dĩɑ bwese te bɑ duurɑ, kpɑ ɡem mu sɑrɑmɑ wɔllun di.

Mɔnnu 19:12

Sunɔn mɔru yɑ̀ n seewɑ, yɑ rɑ n nɑnum mɔwɑ nɡe ɡbee sunɔn kukiribu, kpɑ win durom mu n ɑrufɑɑni mɔ nɡe kɑkoru yɑkɑsu wɔllɔ.

Esɑi 30:23

Sɑɑ yerɑ Gusunɔ u koo de ɡurɑ yu nɛ bɛɛn dĩɑ ni i duurɑ sɔɔ, kpɑ dĩɑ ni, nu ɡeɑ ko nu mɑ. Sɑɑ ye sɔɔrɑ, yɑɑ sɑbenu koo yɑkɑsu di bɑtumɑ bɑkɑ sɔɔ.

Esɑi 61:7

Yinni Gusunɔ u nɛɛ, bɑ bɛɛ sekuru doke tɑ kpɑ̃. Tɔmbɑ bɛɛ yɑ̃ɑtɑm siemɔ, yen sɔ̃nɑ seku ten ɑyerɔ i ko n bɑɑ mɔ n kpɑ̃ tɔn ben temɔ, kpɑ i n wɑ̃ɑ nuku dobu sɔɔ bi bu ǹ kpeemɔ.

Yeremi 31:12

Bɑ koo nɑ Siɔnin ɡuuru wɔllɔ, bɑ n nuku dobu mɔ̀ kɑ kuuki. Bɑ koo duki nɑ ɑrumɑni ye nɛ, Yinni Gusunɔ nɑ bu wɛ̃n sɔ̃. Yeyɑ, dobi kɑ resɛm kɑ olifi ye bɑ rɑ kɑ ɡum ko, kɑ yɑ̃ɑnu kɑ nɛɛ. Ben bwɛ̃rɑ koo yɛmiɑwɑ nɡe dɑ̃ɑ ɡbɑɑru te tɑ nim wɑɑmɔ. Bɑ ǹ koo mɑɑ wɑhɑlɑ ko.

Esekiɛli 34:28

Tɔn tukobu bɑ ǹ mɑɑ bu dimɔ. Gbeeku yɛɛ yi ǹ mɑɑ bu mwɛɛrimɔ. Bɑ koo yɑriwɑ kɑrin di. Goo kun mɑɑ bu nɑrumɔ.

Esekiɛli 36:12

U koo de win tɔmbu Isirelibɑ bu sĩ bɛɛn wɔllɔ kpɑ bɑ n bɛɛ mɔ. I ko n sɑ̃ɑ ben tubi. Sɑɑ ye sɔɔ, i ǹ mɑɑ derimɔ bu ben bibu biɑ.

Esekiɛli 36:30

Kon de dɑ̃nu nu mɑ, kpɑ ɡbeɑ yu dĩɑnu ko kpɑ bu ku mɑɑ sekuru wɑ ɡɔ̃ɔrun sɔ̃ bwesenu sɔɔ.

Esekiɛli 36:9

Wi wee u kɑ bɛɛ wɑ̃ɑ. U koo bɛɛ wuswɑɑ kisimɑ. Bɑ koo mɑɑ wuku bɛɛn temɔ bu duure.

Osee 13:3

Yen sɔ̃nɑ bɑ koo doonɑ nɡe bururun kɑkoru ǹ kun mɛ nɡe dirum. Bɑ sɑ̃ɑ nɡe yɑkɑ si bɑ ɡurɑ bɑ yɑri doo soo yerun di su kɑ woo doonɔ ǹ kun mɛ nɡe wii si su yɑrimɔ ɡbɑburun di.

Osee 14:5

Yinni Gusunɔ u nɛɛ, kon de nɛn tɔmbu bu kɑ den nɛ turo yɔ̃rɑ kpɑ n bu kĩɑ too. Nɑ ǹ mɑɑ kɑ bu mɔru mɔ̀.

Yoɛli 2:19

Mɑ u win tɔmbun kɑnɑru wisɑ, u nɛɛ, kon bɛɛ ɑlikɑmɑ kpɑɑ wɛ̃, kɑ resɛm, kɑ ɡum. I ko i deburu wɑ. Nɑ ǹ mɑɑ derimɔ bweseru ɡɑru tu bɛɛ yɛ̃ɛ.

Yoɛli 2:22

Bɛɛ ɡbeeku yɛɛ, i ku nɑndɑ. Domi yɑkɑsu su koo wure su kpi temɔ, kpɑ dɑ̃nu nu mɑ. Fiɡie kɑ resɛm yɑ koo binu mɑ siki siki.

Sɑ̃ɑrun Woodɑ 26:3

Ì n nɛn woodɑbɑ mɛm nɔɔwɑ mɑ i ye swĩi,

Sofoni 3:13

Isireli be bɑ tie, bɑ ǹ mɑɑ kɔ̃sɑ mɔ̀. Bɑ ǹ mɑɑ weesu mɔ̀. Gɑri kɔ̃si yi ǹ ko n wɑ̃ɑ ben nɔsɔ. Bɑ ko n wɛ̃rewɑ, ɡoo kun bu bɑɑsimɔ.

Asee 1:10

Yen sɔ̃nɑ ɡurɑ kun mɑɑ nɛmɔ. Mɛyɑ tem kun mɑɑ bɛɛ dĩɑnu wɛ̃ɛmɔ nɡe mɛ n weenɛ.

Asee 2:18

Yen sɔ̃, i bwisikuo ye yɑ bɛɛ deemɑ n kɑ ɡisɔ ɡirɑri sɑɑ mìn di bɑ kɑ sɑ̃ɑ yee ten kpɛɛkpɛɛku swĩi bɑ deri. Gisɔn tɔ̃ru tɑ sɑ̃ɑwɑ wɔ̃ɔn suru nɔɔbɑ nnɛsen sɔ̃ɔ yɛndɑ nnɛseru. I de i bwisiku.

Asee 2:19

I mɑɑ dĩɑnu mɔ birɑnu sɔɔ? Bɛɛn ɡbeɑn dɑ̃ɑ binuɡinu mɑrɑ? Aɑwo, ɑdɑmɑ sɑɑ ɡisɔn di, kon bɛɛ durom kuɑ.

Sɑkɑri 8:6

Isireli be bɑ tien nɔni sɔɔ, yɑ ko n sɑ̃ɑ nɡe ye yɑ kun kpɛ̃ yu koorɑ. Adɑmɑ nɛ, Gusunɔ wɔllu kɑ tem Yinni, kon kpĩ n mɑɑmɑɑki ye ko. Nɛnɑ nɑ yeni ɡeruɑ.

Mɑlɑsi 3:11

Nɑ kon twee ɡirɑ bɛɛn tem di. Kpɑ yi ku mɑɑ bɛɛn dɑ̃ɑ binu sɑnku. Kon de resɛm ye yɑ ku rɑ rɑɑ mɑ yu mɑ bɛɛn ɡbeɑɔ. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Mɑteu 6:33

Yen sɔ̃, i ɡinɑ hɑniɑ koowo i kɑ du mi Gusunɔ u bɑndu swĩi kpɑ i n sɑ̃ɑ win tɔn ɡeobu. Yen biru u koo bɛɛ wɛ̃ ye yɑ tie.

Korinti I 3:21

Ǹ n mɛn nɑ, ɡoo u ku woo kɑnɑ tɔnun sɔ̃ domi ɡɑ̃ɑnu kpuro bɛɛɡinɑ.

Sɔ̃ɔsiru 32:2

Nɛn yɛ̃ru tɑ kokumɔ nɡe ɡuru nim mɑ nɛn ɡɑri nɛmɔ nɡe kɑkoru mɑ yi dɑ̃ɑkumɔ nɡe dirum yɑkɑ bekusu sɔɔ.

Sɔ̃ɔsiru 33:13

Yosɛfun bwese kɛrɑn sɔ̃ u nɛɛ, Yinni Gusunɔ, ɑ ben tem domɑru kuo, kpɑ mu ɡurɑn nim wɑ, kɑ mɑɑ nim mɛ mu koo yɑri tem sɔɔn di.

Sɔ̃ɔsiru 33:28

Yen sɔ̃nɑ bɛɛ Isirelibɑ, Yɑkɔbun bweseru, i sɔ̃ bɔri yɛndu sɔɔ. I sɔ̃wɑ mi dĩɑ binnu kɑ resɛm yɑ rɑ koore too. Mɛyɑ ɡurɑ yɑ rɑ mɑɑ nɛ mi.

Yɑkɔbu 3:18

Be bɑ nɔɔ tiɑ kɑsu bɑ duurumɔ kɑ ɑlɑfiɑ, mɑ bɑ ɡem ɡɛ̃ɛmɔ.