Sɑkɑri 7:11 - Bibeli Gusunɔn Gari

¹¹ Adɑmɑ bɑ ǹ ɡɑri yi swɑɑ sue. Bɑ swɑɑ tɑɑyɑwɑ.

Sɑkɑri 7:11 ပူးပေါင်းရင်းမြစ်များ

Bɑndun Gɑri II 33:10

Yinni Gusunɔ u kɑ Mɑnɑse kɑ win tɔmbu ɡɑri kuɑ. Adɑmɑ bɑ ǹ nùn swɑɑ dɑki.

Nɛɛmi 9:17

Bɑ swɑɑ tɑɑyɑ bɑ wunɛn sɔm mɑɑmɑɑkiɡii ni duɑri ni ɑ bu kuɑ. Mɑ bɑ nun seesi bɑ tii kpɑro kuɑ bu kɑ wurɑ mi bɑ rɑɑ yoru di. Adɑmɑ kɑ mɛ, ɑ ǹ bu deri. Domi ɑ sɑ̃ɑwɑ Yinni wi u rɑ tɔnu suuru kue. A wɔnwɔndu kɑ durom mɔ. Wunɛn mɔru ku rɑ fuuku se. Wunɛn kĩru tɑ ǹ kpeemɔ sere kɑ bɑɑdommɑɔ.

Nɛɛmi 9:26

Adɑmɑ kɑ mɛ, bɑ ǹ nun mɛm nɔɔwɛ. Bɑ nun seesiwɑ, bɑ wunɛn woodɑbɑ biru kisi. Mɑ bɑ wunɛn sɔmɔbu ɡo ɡo be bɑ bu kirɔ kuɑ bu kɑ ɡɔ̃ru ɡɔsiɑ bu ben dɑɑ kɔ̃sɑ deri kpɑ bu wurɑmɑ wunɛn mi. Adɑmɑ bɑ ben dɑɑ kɔ̃sɑ sosiwɑ.

Nɛɛmi 9:29

Yen biru, ɑ bu kirɔ kuɑ bu wunɛn woodɑbɑ mɛm nɔɔwɑ. Adɑmɑ bɑ tii suɑ bɑ ǹ ye mɛm nɔɔwɛ, bɑɑ mɛ yerɑ yɑ rɑ tɔnu wɑ̃ɑru wɛ̃ wi u ye mɛm nɔɔwɑ. Bɑ swɑɑ tɑɑyɑwɑ bɑ ye yinɑ mɑm mɑm.

Yɑribu 10:3

Mɔwisi kɑ Aroni bɑ dɑ sunɔ win mi, bɑ nɛɛ, ɑmɛniwɑ bɛsɛ Heberubɑn Gusunɔ wi u rɑ n wɑ̃ɑ u ɡeruɑ. U nɛɛ, sere dommɑ kɑɑ n yinɛ ɑ tii kɑwɑ win wuswɑɑɔ. A de win tɔmbu bu doonɑ bu nùn sɑ̃.

Esɑi 28:12

Domi u bu sɔ̃ɔwɑ bu de wi u wɑsirɑ u wɛ̃rɑ. Wɛ̃rɑ yerɑ mɑɑ wɑ̃ɑ mi, ɑdɑmɑ bɑ ǹ kĩ bu win ɡɑri wurɑ.

Esɑi 46:12

Tɛ̃ i mɑn swɑɑ dɑkio, bɛɛ bèn ɡɔ̃ru ɡɑ bɔɔbu, mɑ i tɑmɑɑ nɛn fɑɑbɑ yɑ tomɑ.

Esɑi 6:10

N de tɔn ben ɡɔ̃ru ɡu bɔbiɑ, kpɑ bu swɑɑ tɑɑyɑ bu ku rɑɑ ɡɑri nɔ. N ben nɔni wɔ̃kuo bu ku rɑɑ kɑ yɑm wɑ, kpɑ bu ku rɑɑ ɡɔ̃ru ɡɔsiɑ bu fɑɑbɑ wɑ.

Esɑi 65:12

Wee nɑ kɑ tɑkobi sisi. Kon de i yiirɑ kpɑ bu bɛɛ sɑkiri, domi nɑ bɛɛ sokɑ, ɑdɑmɑ i ǹ mɑn wurɑri. Nɑ kɑ bɛɛ ɡɑri kuɑ, mɑ i ǹ mɑn swɑɑ dɑki. I kuɑ ye yɑ ǹ wɑ̃ nɛn nɔni sɔɔ. Mɑ i swɑɑ ɡɔsɑ ye nɛn ɡɔ̃ru ɡɑ ǹ kĩ.

Yeremi 11:10

Bɑ wurɑ ben bɑɑbɑbɑn yirɑ sɔɔ, be, be bɑ yinɑ bu nɛn ɡɑri swɑɑ dɑki. Mɑ bɑ kɑ bũnu ɑrukɑwɑni bɔkuɑ bɑ nu sɑ̃ɑmɔ. Isirelibɑ kɑ Yudɑbɑ bɑ nɛn ɑrukɑwɑni ye kusiɑ ye nɑ kɑ ben bɑɑbɑbɑ bɔkuɑ.

Yeremi 13:10

U nɛɛ, bɑ sɑ̃ɑwɑ tɔn kɔ̃sobu, bɑ ku rɑ wure bu win ɡɑri nɔ. Ben ɡɔ̃ru kĩrun ɡɑriyɑ bɑ rɑ n yɔ̃rɑri, kpɑ bɑ n bũnu yiirɑmmɛ bɑ n sɑ̃ɑmɔ. Bɑ koo kowɑ nɡe kpɑkɑ ye, ye yɑ ǹ mɑɑ ɡɑru koorɔ mi.

Yeremi 17:23

Geemɑ, ben bɑɑbɑ be, bɑ swɑɑ tɑɑyɑ. Bɑ ǹ mɑn swɑɑ dɑki. Bɑ nɛn sɔ̃ɔsinu yinɑ.

Yeremi 17:27

Adɑmɑ bɑ̀ kun nɛn ɡɑri swɑɑ dɑki, yi nɑ nɛɛ, bu mɑn tɔ̃ɔ wɛ̃rɑruɡii te yiiyɑ, mɑ bɑ dumɔ Yerusɑlɛmun kɔnnɔsun di, bɑ n sɔmunu sɔɔwɑ, tɔ̃ɔ wɛ̃rɑruɡii te sɔɔ, sɑɑ yerɑ kon wuu ɡe dɔ̃ɔ doke wi u ǹ ɡbimɔ kpɑ be kpuro bu dɔ̃ɔ mwɑɑrɑ.

Yeremi 19:15

Gusunɔ Isirelibɑn Yinni wi u wɔllu kɑ tem mɔ u nɛɛ, wee u koo de kɔ̃sɑ ye u rɑɑ ɡeruɑ kpuro yu Yerusɑlɛmu kɑ yen wuu si su tie deemɑ. Domi sin tɔmbɑ swɑɑ tɑɑyɑ, bɑ ǹ win ɡere nuɑ.

Yeremi 35:15

Nɑ bu nɛn sɔmɔbu ɡɔriɑmɑ sɑɑ yellun di, bu kɑ ben bɑɑwure sɔ̃ u win dɑɑ kɔ̃sɑ deri. Bu ku mɑɑ bũnu sɑ̃ kpɑ bu wɑ bɑ n wɑ̃ɑ tem mɛ sɔɔ, mɛ nɑ ben bɑɑbɑbɑ wɛ̃. Adɑmɑ bɑ ǹ sɔmɔ be swɑɑ dɑki, bu sere mɑn mɛm nɔɔwɑ.

Yeremi 36:31

Kon bu sɛɛyɑsiɑ ben durum sɔ̃ wi kɑ win bibun bweseru, kɑ win bwɑ̃ɑbu. Kon de kɔ̃sɑ yu Yerusɑlɛmuɡibu kɑ Yudɑbɑ deemɑ, ye nɑ rɑɑ bu sɔ̃ɔwɑ, yèn sɔ̃ bɑ ǹ wure bu mɑn swɑɑ dɑki.

Yeremi 42:21

Domi ɡisɔ, nɑ kɑ win wisibu nɑ ɑdɑmɑ i ǹ bin ɡɑbu swɑɑ dɑki bi u nɛɛ, n bɛɛ sɔ̃.

Yeremi 44:16

sɑ ǹ ɡɑri yi mɛm nɔɔwɑmmɛ yi ɑ ɡeruɑ ɑ nɛɛ, yi weewɑ Yinni Gusunɔn min di.

Yeremi 5:21

bu swɑɑ dɑkio ye nɑ bu sɔ̃ɔmɔ. Bɑ sɑ̃ɑwɑ nɡe wɔ̃kobu, bɑ ǹ bwisi mɔ. Bɑ nɔni mɔ, ɑdɑmɑ bɑ ǹ yɑm wɑɑmɔ. Bɑ swɑsu mɔ, ɑdɑmɑ bɑ ǹ ɡɑri nɔɔmɔ.

Yeremi 5:3

Yinni, n ǹ wi u ɡem swĩi, wiyɑ ɑ kɑsu? Wee, ɑ bu surɑ ɑdɑmɑ bɑ nun ɑtɑfiiru kuɑ. A bu nɔni sɔ̃ɔwɑ, ɑdɑmɑ kɑ mɛ, bɑ ǹ ɡɑ̃ɑnu ɡie. Ben ɡɔ̃ru ɡɑ bɔbiɑwɑ nɡe kperu. Bɑ yinɑ bu wurɑmɑ wunɛn mi.

Yeremi 7:24

Adɑmɑ bɑ ǹ swɑɑ tem kpĩ bu nɛn ɡɑri nɔ. Ben tiin ɡɔ̃ru kĩrɑ bɑ swĩi, mɑ ben dɑɑ kɔ̃sɑ yɑ sosi.

Yeremi 7:26

Adɑmɑ i swɑɑ tɑɑyɑ i ǹ mɑn swɑɑ dɑki. Mɑ i kɔ̃sɑ kuɑ n kere ye bɛɛn bɑɑbɑbɑ bɑ kuɑ.

Yeremi 8:5

Ǹ n mɛn nɑ, mbɑn sɔ̃nɑ nɛn tɔmbu Yudɑbɑ bɑ swɑɑ kɔ̃sɑ swĩi bɑ dɔɔ. Bɑ yɔ̃rɑriwɑ dim dim ben weesu sɔɔ bɑ n bũnu sɑ̃ɑmɔ. Bɑ ǹ kĩ bu ɡɔsirɑmɑ nɛn mi.

Esekiɛli 14:5

Nɛn wisi biyɑ bu koo de Isirelibɑ bu bwisiku ben ɡɔ̃ruɔ be, be bɑ mɑn yinɑ ben bũu sɑ̃ɑrun sɔ̃.

Esekiɛli 3:7

ɑdɑmɑ wee, Isirelibɑ bɑ ǹ nun swɑɑ dɑkimɔ. Domi bɑ ǹ kĩ bu nɛn ɡere nɔ yèn sɔ̃ be kpuro bɑ swɑɑ tɑu mɑ ben ɡɔ̃ru ɡɑ bɔɔbu.

Esekiɛli 5:6

Mɑ yen tɔmbu bɑ mɑn seesi n kere bwese tuku ni nu kɑ bu sikerenɛ. Domi bɑ nɛn woodɑbɑ yinɑ. Bɑ ǹ nɛn ɡere swĩi.

Dɑniɛli 9:5

Sɑ torɑ, sɑ dɑɑ kɔ̃sɑ kuɑ, sɑ sɑ̃ɑ nuku kɔ̃suruɡibu, sɑ wunɛn ɡɑri yinɑ, sɑ mɑɑ wunɛn woodɑbɑ sɑrɑ.

Osee 4:16

Isirelibɑ bɑ sɑ̃ɑwɑ nɡe nɑɑ ɡbiibɑ ye bɑ kpɑnɑ bu kpɑrɑ. Adɑmɑ tɛ̃, Yinni Gusunɔ u koo bu yɔ̃su bɑtumɑ sɔɔ nɡe yɑ̃ɑnu.

Sofoni 3:2

I ku rɑ ɡooɡii nɔ. I ku rɑ mɑɑ sɛɛyɑsiɑbu wure. I ku rɑ Gusunɔ bɛɛn Yinni nɑɑnɛ ko. I ku rɑ mɑɑ nùn susi.

Sɑkɑri 1:4

I ku kɑ bɛɛn bɑɑbɑbɑ weenɑ be nɛn sɔmɔ ɡbiikobu bɑ nɛn ɡɑri sɔ̃ɔwɑ bɑ nɛɛ, bu ben dɑɑ kɔ̃sɑ derio. Adɑmɑ bɑ ǹ sɔmɔ be swɑɑ dɑki bu sere mɑn mɛm nɔɔwɑ.

Mɑteu 13:15

Domi tɔn benin ɡɔ̃ru ɡɑ ǹ biti mɔ. Bɑ ben tiin swɑɑ kɔruɑ, bɑ nɔni yinwɑ. Kpɑ bu ku wɑ kɑ ben nɔni. Kpɑ bu ku nɔ kɑ ben swɑɑ. Kpɑ bu ku ɡiɑ kɑ ben bwisi. Kpɑ bu ku rɑɑ kɑ ɡɔsirɑmɑ nɛn mi n kɑ bu bɛkiɑ.”

Gɔrobun Kookoosu 7:51

Etiɛni u mɑɑ bu sɔ̃ɔwɑ u nɛɛ, bɛɛ deɡɑnɡɑmɡibu! Bɛɛn ɡɔ̃rusu kɑ bɛɛn swɑsu su sɑ̃ɑ nɡe be bɑ ǹ Gusunɔ nɑsieɡisu, i rɑ n Hunde Dɛɛro yinɑmɔ, i mɔ̀wɑ nɡe bɛɛn bɑɑbɑbɑ.

Gɔrobun Kookoosu 7:57

Sɑnɑm mɛyɑ bɑ ben swɑsu kɔruɑ kɑ nɔmɑ, bɑ kuuki kuɑ, mɑ bɑ duki dɑ sɑnnu bɑ nùn kunisi.

Heberu 12:25

Ǹ n mɛn nɑ, i n tii sɛ kpɑ i ku yɛ̃ron nɔɔ yinɑ wi u kɑ bɛɛ ɡɑri mɔ̀. Be bɑ yinɑ bu win ɡɑri swɑɑ dɑki wi u bu kirɔ mɔ̀ hɑnduniɑ sɔɔ, bɑ ǹ sɛɛyɑsiɑbu kisirɑri. Kɑɑ sere ɡere bɛsɛ? Sɑ ǹ kisirɑmɔ sɑ̀ n nùn biru kisi wi u kɑ sun ɡɑri mɔ̀ wɔllun di.