Sɑkɑri 5:9 - Bibeli Gusunɔn Gari

⁹ Ye u mɑɑ nɔni seeyɑ wɔllɔ, yerɑ u kurɔbu yiru ɡɑbu wɑ kɑ̃siru sɔɔ. Kurɔ be, bɑ kɑsi mɔ nɡe kpɑkpɑyɛ, mɑ woo ɡɑ yi suɑmɔ. Mɑ bɑ nɑ bɑ bire te suɑ bɑ kɑ dɑ wɔllɔ.

Sɑkɑri 5:9 ပူးပေါင်းရင်းမြစ်များ

Womusu 104:17

Miyɑ ɡunɔsu su rɑ nɛ su sin sokunu ko. Miyɑ kpɑkpɑyɛ ɡbeeku ɡɑ rɑ ɡen wɑ̃ɑ yeru ko.

Yeremi 8:7

Bɑɑ tionko kɑ kpurɑbu kɑ kpɑɑru bɑniku nu yɛ̃ sɑɑ ye n weenɛ nu sĩ kɑ sɑɑ ye n weenɛ nu wurɑmɑ nin wɑ̃ɑ yerɔ. Adɑmɑ nɛn tɔmbu bɑ ǹ nɛn woodɑ yɛ̃ ye nɑ kɑ bu kpɑre.

Osee 8:1

Yinni Gusunɔ u nɛɛ, i kɔbɑ soowo. Wee yibɛrɛbɑ bɑ nɛn sɑ̃ɑ yeru wuusimɑ nɡe kɑsi. Domi Isirelibɑ bɑ nɛn ɑrukɑwɑni kusiɑ. Mɑ bɑ nɛn sɔ̃ɔsiru yinɑ.

Sɑ̃ɑrun Woodɑ 11:13

Gunɔsu sɔɔ, si bɑ koo ɡɑrisi disiɡisu wee, siyɑ ɡunɔ bɑkeru kɑ sere mɑɑ si su rɑ swɛ̃ɛ di kɑ si su rɑ yɑɑ di

Sɑ̃ɑrun Woodɑ 11:19

kɑ swɑ̃ɑ wĩɑku kɑ si su kɑ ye weenɛ kɑ kɔ̃ɔ.

Sɑkɑri 5:10

Mɑ u ɡɔrɑdo wi bikiɑ u nɛɛ, mɑnɑ bɑ kɑ tu dɔɔ.

Mɑteu 24:28

Yɑm mi ɡorɑ wɑ̃ɑ, miyɑ yɑberekunu koo mɛnnɑ.

Sɔ̃ɔsiru 28:49

U koo bɛɛ bweseru ɡɑru suremɑ tontonden di, tu bɛɛ wukiri nɡe ɡunɔ bɑkeru. I ǹ ko i bwese ten bɑrum nɔ.