Sɑkɑri 5:4 - Bibeli Gusunɔn Gari

⁴ Gusunɔ wɔllu kɑ tem Yinnin tiiwɑ u koo de bɔ̃ri yi, yi nɑ kpɑ yi ɡbɛnɔbun yɛnusu di kɑ sere be bɑ rɑ kɑ Yinni Gusunɔn yĩsiru bɔ̃re kɑm. Miyɑ yi koo sinɑ yi yin wɑ̃ɑ yeru ko kpɑ yi ben dirun kpɛɛkpɛɛku kɑ ten kpenu di.

Sɑkɑri 5:4 ပူးပေါင်းရင်းမြစ်များ

Yoobu 18:15

Wiɡibɑ koo yɑrinɑ. Win ɑrumɑnin tii yɑ koo kɑm ko. Kpɑ sɔ̃ɔ bisu su win yɛnu dɔ̃ɔ mɛni.

Yoobu 20:26

Asɔrɔ yɑ koo win dukiɑ deemɑ. Kpɑ dɔ̃ɔ wi tɔnun bii kun sɔ̃ruɑ u nùn mwɑ, wi kɑ win yɑ̃nu.

Yoobu 8:15

Bɑ̀ n ben dirun ɡɑnɑ nɛnuɑ, yɑ koo diiriwɑ. Bɑ̀ n ye tɑ̃sɑ, kpɑ yu wɔri.

Yoobu 8:22

Wunɛn yibɛrɛbɑ bɑ koo sekuru wɑ, kpɑ tɔn kɔ̃sobun yɛnu ɡu ɡbi.

Mɔnnu 3:33

U rɑ tɔn kɔ̃sobun yɛnusu bɔ̃rusiwɑ, kpɑ u ɡemɡibuɡisu domɑru kuɑ.

Esɑi 24:6

Yen sɔ̃nɑ bɔ̃ri yi koo tem mɛ di, kpɑ mɛn tɔmbu bu nɔni sɔ̃ɔrɑ kɔ̃sɑ ye bɑ kuɑn sɔ̃. Bɑ koo bu kpeerɑsiɑ. Be bɑ koo tiɑrɑ bɑ ǹ ko n mɑɑ dɑbi.

Yeremi 2:26

Nɡe mɛ sekuru tɑ rɑ ɡbɛnɔ mwɛ bɑ̀ n nùn mwɑ subɑru sɔɔ, nɡe mɛyɑ bɛɛ Isirelibɑ kɑ bɛɛn sinɑmbu kɑ bɛɛn wiruɡibu kɑ bɛɛn yɑ̃ku kowobu kɑ Gusunɔn sɔmɔbu i ko i sekuru wɑ.

Osee 4:2

I nɔɔ mwɛɛnu mɔ̀ kɑ bɔ̃ri, ɑdɑmɑ weesɑ i mɔ̀. Mɛyɑ i mɑɑ tɔmbu ɡoomɔ, i ɡbɛnimɔ, i sɑkɑrɑru mɔ̀. I dɑm dɔrenɑmɔ, mɑ tɔn ɡoberɑ sosimɔ tɑ dɔɔ.

Osee 4:3

Yen sɔ̃nɑ nɛ, Yinni Gusunɔ, kon de tem mɛ, mu ɡberɑ. Bɛɛ be i wɑ̃ɑ mi kpuro, i ko woorɑwɑ sɑɑ ɡbeeku yɛɛn di n kɑ dɑ ɡunɔsɔ kɑ wɛɛyɔ, ye kpurowɑ yɑ koo kɑm ko.

Amɔsu 3:10

Bɑ ku rɑ kɑ̃ bu ɡeɑ ko. Mɑ bɑ ɑrumɑni ɡurɑmɔ kɑ dɑm kɑ tɑki, bɑ tɑɑsimɔ ben sinɑ kpɑɑnɔ.

Sɑkɑri 5:3

Yerɑ u nùn sɔ̃ɔwɑ u nɛɛ, bɔ̃riyɑ tɑ sɔɔwɑ yi yi koo yɑbi tem mɛ kpuro sɔɔ. Ten bee tiɑɔ, bɑ yoruɑwɑ mɑ bɑ koo ɡbɛnɔbu kpuro ɡirɑ minin di. Bee tiɑɔ mɑɑ bɑ koo be bɑ rɑ bɔ̃ri weesuɡii ko ɡirɑ.

Sɑkɑri 8:17

I ku ɡoo kɔ̃sɑ kuɑ. I ku bɔ̃ri weesuɡii ko. Domi yenibɑ kpurowɑ nɑ tusɑ. Nɛ, Yinni Gusunɔwɑ nɑ yeni ɡeruɑ.

Mɑlɑsi 3:5

Kon susimɑ bɛɛn bɔkuɔ n bɛɛ siri. Kpɑ n dobo doboɡibu seesi kɑ sɑkɑrɑ kowobu kɑ be bɑ rɑ bɔ̃re weesu sɔɔ kɑ be bɑ rɑ sɔm kowobun ɡobi tɛɛsi kɑ be bɑ rɑ ɡɔminibu kɑ ɡobekubɑ kɑ sɔbu dɑm dɔre, mɑ bɑ ǹ mɑn nɑsie. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Sɔ̃ɔsiru 28:16

Bɛɛ kpuro i ko i bɔ̃ri wɑ, be bɑ wɑ̃ɑ wuu mɑrosɔ kɑ be bɑ wɑ̃ɑ bɑru kpɑɑnɔ.

Sɔ̃ɔsiru 7:26

I ku rɑ bwɑ̃ɑroku nin bweseru duusiɑ bɛɛn diɑɔ. Ì n kuɑ mɛ, i ko kɑm kowɑ kɑ ni sɑnnu. I ko i nu bwɛ̃rɑ yɑriwɑ, i nu ɡɑrisi disiɡinu. Domi nu koo kɑm kowɑ.

Yosue 9:20

Tilɑsiwɑ su kɑ bu deri. Mɑ n kun mɛ, sɑ ko Yinni Gusunɔn mɔru seeyɑ.