Sɑkɑri 4:7 - Bibeli Gusunɔn Gari

⁷ U mɑɑ nɛɛ, Sɑkɑri, mbɑ n dɑ n ɡuu bɑkɑ te tɑ wɑ̃ɑ Sorobɑbɛlin wuswɑɑɔ. Sorobɑbɛli wi, u koo tu kɔrɑ kpɑ u kpee ɡeeru yɑrɑ te bɑ koo sɔndi sɑ̃ɑ yerun wii kpiirɔ. Sɑɑ ye sɔɔ, tɔmbu bɑ koo nuku dobun kuuki ko bɑ n mɔ̀ ɑnnɑ ɑ kpee burɑru wɑ.

Sɑkɑri 4:7 ပူးပေါင်းရင်းမြစ်များ

Ɛsidɑrɑsi 3:10

Sɑnɑm mɛ bɑ sɑ̃ɑ yee ten kpɛɛkpɛɛku swĩimɔ, bɑ derɑ yɑ̃ku kowobu bɑ ben sɑ̃ɑ yɑ̃nu doke bɑ nɑ bɑ yɔ̃rɑ mi, bɑ kɔbi nɛni. Mɑ Lefi be bɑ sɑ̃ɑ Asɑfun bibu bɑ mɑɑ ben sɛ̃kɑtii nɛni. Be kpuro bɑ Yinni Gusunɔ sɑ̃ɑmɔ nɡe mɛ Dɑfidi Isirelibɑn sinɑ boko u yiire.

Womusu 114:4

Guunu yɔ̃ɔkumɔ nɡe yɑ̃ɑ kinɛnu, mɑ ɡunɡunu yɔ̃ɔkumɔ nɡe yɑ̃ɑ binu.

Womusu 114:6

Mbɑ n bɛɛ mɔ̀ ɡuunu i kɑ yɔ̃ɔkumɔ nɡe yɑ̃ɑ kinɛnu. Mbɑ n bɛɛ deemɑ ɡunɡunu i kɑ yɔ̃ɔkumɔ nɡe yɑ̃ɑ binu.

Womusu 118:22

Wee kpee te bɑnɔbu bɑ yinɑ, terɑ tɑ kuɑ ɡɑni ɡɔmburun dɑm.

Womusu 84:11

Nɛn sɔ̃ɔ teerun wɑ̃ɑru wunɛn sɑ̃ɑ yerɔ, tɑ nɛn yɑm tukum wɑ̃ɑrun sɔ̃ɔ dɑbi dɑbinu kere. N burɑm bo nɑ n wɑ̃ɑ wunɛn sɑ̃ɑ yerun kɔnnɔwɔ, ye ko nɑ n kɑ wɑ̃ɑ diru mi tɔn kɔ̃sobɑ wɑ̃ɑ.

Esɑi 28:16

Yen sɔ̃nɑ Yinni Gusunɔ u nɛɛ, wee u kperu swĩi Siɔniɔ, tɑ kuɑ win kpɛɛkpɛɛku. Kpee te, tɑ sɑ̃ɑwɑ kpee ɡobiɡiru te u ɡɔsɑ, tɑ kuɑ ɡɑni ɡɔmburun dɑm. Wi u tu kuɑ win tɑ̃si yeru u ǹ wɔrumɑmɔ.

Esɑi 41:15

Wee, kon bɛɛ dɑm wɛ̃ nɡe nɑɑ tebo kpɔɔ ɡe ɡɑ sɔkiɑ mɔ, kpɑ i ɡuunu kɔsuku, i ɡunɡunu muniɑ muku muku nu ko nɡe yɑkɑ bii.

Yeremi 33:11

Adɑmɑ bɑ koo wure bu nuku dobun kuuki nɔ kɑ tɔ̃ɔ bɑkɑruɡii. Bɑ koo kurɔ kpɑɑnun womusu nɔ. Bɑ koo mɑɑ wure bu womu ɡeni nɔ, ɡe ɡɑ nɛɛ, i Gusunɔ, wɔllu kɑ tem Yinni siɑro. Domi u sɑ̃ɑ tɔn ɡeo. Win kĩru tɑ ǹ nɔru mɔ. Mɛyɑ bɑ koo mɑɑ tɔn be bɑ kɑ yɑ̃kunu nɑ sɑ̃ɑ yerɔn womusu nɔ. Domi kon de tɔn be bɑ rɑɑ yoru mwɛɛrɑ mi, bu wurɑmɑ tem mɛ sɔɔ, kpɑ n bu wesiɑ nɡe yellu. Nɛ, Yinni Gusunɔwɑ nɑ yeni ɡeruɑ.

Yeremi 51:25

Kon nun wɔrimɑ, wunɛ wi ɑ sɑ̃ɑ nɡe ɡuu te tɑ hɑnduniɑɡibu kpuro kɑm koosiɑ. Kon nun nɔmɑ dɛmiɛ, kpɑ ɑ bindɑ ɑ wɔrumɑ temɔ. Kɑɑ kowɑ nɡe ɡuu te tɑ dɔ̃ɔ mwɑɑrɑ.

Misee 1:4

Ù n nu tɑɑrɑ, nu rɑ numwɑ. Kpɑ wɔwi yi n yɑndɑmɔ nɡe ɡum yɑrum ǹ kun mɛ nɡe nim mɛ mu sɑrɑm wee ɡunɡunun di.

Misee 4:1

Sɑɑ ɡɑɑ sisi yè sɔɔ ɡuu tèn mi Yinni Gusunɔn sɑ̃ɑ yerɑ rɑɑ ɡire, tɑ koo ɡuu ni nu tie bɛɛrɛ kerɑ. Kpɑ bwese dɑbinu nu nɑ mi,

Hɑbɑkuku 3:6

À n yɔ̃rɑ, tem mu rɑ yĩiriwɑ. À n bwesenu mɛɛrɑ, nu rɑ diiriwɑ. Guu ni nu wɑ̃ɑ sɑɑ yee yellun di, nu wɔrukɑ, ɡunɡuu ni nu wɑ̃ɑ sɑɑ tɛɛbun di, nu kɔsikirɑ, domi niyɑ nu rɑɑ sɑ̃ɑ wunɛn swɑɑ ye ɑ rɑ sĩ.

Sɑkɑri 4:8

Yinni Gusunɔ u mɑɑ Sɑkɑri sɔ̃ɔwɑ u nɛɛ,

Sɑkɑri 4:9

Sorobɑbɛliwɑ u dii ten kpɛɛkpɛɛku swĩi. Wiyɑ u koo mɑɑ ten bɑnɑ wiru ɡo. Sɑɑ ye sɔɔrɑ nɛn tɔmbu bɑ koo ɡiɑ mɑ nɛ, Gusunɔ wɔllu kɑ tem Yinniwɑ nɑ nun ɡɔrimɑ.

Mɑteu 21:21

Yesu bu wisɑ u nɛɛ, kɑ ɡeemɑ nɑ bɛɛ sɔ̃ɔmɔ, ì n nɑɑnɛ doke mɑ i ǹ sikɑ mɔ̀, i ko kpĩ i ko ye nɑ fiɡie ye kuɑ. N ǹ mɑm mɛ tɔnɑ, i ko mɑɑ kpĩ i ɡuu teni sɔ̃ tu wukuro min di tu dɑ tu nim wɔ̃ku wɔri. Yɑ koo mɑɑ koorɑ mɛ.

Mɑteu 21:42

Yesu bu sɔ̃ɔwɑ u nɛɛ, i ǹ ɡɑrire Gusunɔn ɡɑri sɔɔ mi bɑ nɛɛ, “Kpee te bɑnɔbɑ yinɑ, terɑ tɑ kuɑ ɡɑni ɡɔmburun dɑm. Yinniwɑ ye kuɑ, mɑ n kuɑ mɑɑmɑɑki bɛsɛn nɔni sɔɔ.”

Mɑɑku 12:10

Bɛɛ i ǹ ɡɑri yini ɡɑrɑ Gusunɔn ɡɑri sɔɔ yi yi nɛɛ, “Kpee te bɑnɔbɑ yinɑ, terɑ tɑ kuɑ ɡɑni ɡɔmburun dɑm.

Luku 20:17

Adɑmɑ Yesu u bu nɔni kɔ̃ u kɑ dɑ mɑ u nɛɛ, mbɑ ɡɑri yin tubusiɑnu yi bɑ yoruɑ bɑ nɛɛ, “Kpee te bɑnɔbɑ yinɑ, terɑ tɑ kuɑ ɡɑni ɡɔmburun dɑm.”

Luku 3:5

I yen wɔwi kpuro kɔruo, i mɑɑ yen ɡuunu kpuron ɡunum kɑwo kpɑ i yen ɡunɡunu nɔɔ nɛrɑsiɑ nu ko tem tɛɛrɑ, kpɑ i yen mi n kɔ̃kure kpuro dɛmiɑ, kpɑ i yen wɔrusu kpuro kɔre.

Gɔrobun Kookoosu 4:11

Yesu wiyɑ, kpee te bɛɛ bɑnɔbu i yinɑ, mɑ tɑ kuɑ ɡɑni ɡɔmburun dɑm.

Romu 11:6

U bu ɡɔsɑwɑ durom sɔ̃, n ǹ mɔ ben sɔmɑn sɔ̃. Mɑ n kun mɛ, durom kun mɑɑ sɑ̃ɑ durom.

Efesu 2:20

Bɛɛ mɑɑ i sɑ̃ɑ nɡe ɡɑni yi bɑ bɑnɑ kpɛɛkpɛɛku ɡen wɔllɔ ɡe ɡɔrobu kɑ Gusunɔn sɔmɔbu bɑ surɑ, Yesu Kirisin tiiwɑ sɑ̃ɑ ɡen ɡɔmburun dɑm.

Piɛɛ I 2:7

Kpee te, tɑ bɛɛrɛ mɔ bɛɛ be i nɑɑnɛ doken mi, ɑdɑmɑ be bɑ ǹ nɑɑnɛ doken mi, bɑ yoruɑ bɑ nɛɛ, “Kpee te bɑnɔbɑ yinɑ, teyɑ tɑ kuɑ ɡɑni ɡɔmburun dɑm.”

Kɑ̃siru 16:20

Tem burenu kpuro nu doonɑ, ɡuunu kun mɑɑ wɑɑrɔ.